ഭരണം പിടിക്കാൻ ബി.ജെ.പി നൽകിയത്​ പൊള്ളയായ വാഗ്​ദാനങ്ങൾ -ഗഡ്​കരി

ന്യൂഡൽഹി: ഭരണത്തിലേറാൻ തങ്ങൾ കാണിച്ച കള്ളത്തരത്തെ കുറിച്ച്​ വെളിപ്പെടുത്തലുമായി​ ബി.ജെ.പി നേതാവും കേന്ദ്ര റോഡ്​ ഗതാഗത വകുപ്പ്​ മന്ത്രിയുമായ​ നിതിൻ ഗഡ്​കരി. 2004ൽ ഭരണം കൈക്കലാക്കാൻ ബി.​െജ.പി നൽകിയത്​ പൊള്ളയായ വാഗ്​ദാനങ്ങൾ ആയിരുന്നുവെന്നാണ്​ നിതിൻ ഗഡ്​കരിയുടെ തുറന്നു പറച്ചിൽ​. മറാത്തി ടെലിവിഷൻ ചാനലിലെ ഒരു റിയാലിറ്റി ഷോയിൽ നാനാ പടേക്കറുമായുള്ള സംഭാഷണത്തിൽ സംസാരിക്കുകയായിരുന്നു ഗഡ്​കരി.

‘‘ഭരണം ലഭിക്കുമെന്ന് ഞങ്ങൾ പ്രതീക്ഷിച്ചിരുന്നില്ല. അതിനാൽ അവിശ്വസനീയമായ വാഗ്​ദാനങ്ങൾ വരെ നൽകിക്കൊള്ളാൻ ഞങ്ങൾക്ക്​ നിർദേശം ലഭിച്ചു. ഭരണത്തിലെത്തിയില്ലെങ്കിൽ ആ വാഗ്​ദാനങ്ങളുടെ ഉത്തരവാദിത്തമില്ലല്ലൊ, എന്നാൽ പ്രശ്​നമെന്തെന്നു വച്ചാൽ ജനങ്ങൾ ഞങ്ങളെ വോട്ടു ചെയ്​ത്​ വിജയിപ്പിച്ചു. നൽകിയ വാഗ്​ദാനങ്ങളെ കുറിച്ച്​ ജനങ്ങൾ ഇപ്പോൾ തീയതി ഉൾപ്പെടെ ഞങ്ങളെ ഒാർമിപ്പിച്ചുകൊണ്ടിരിക്കുകയാണ്​. അതിനോട് വെറുതെ​ ചിരിച്ചു കൊടുക്കും, മുന്നോട്ടു പോവും’’​ ഇതായിരുന്നു ഗഡ്​കരിയുടെ വാക്കുകൾ.

മോദി സർക്കാർ ഗിമ്മിക്കിലും പൊള്ളയായ വാഗ്​ദാനങ്ങളിലുമാണ് ഭരണം​ കെട്ടിപ്പടുത്തതെന്നാണ്​ നിതിൻ ഗഡ്​കരിയുടെ വെളിപ്പെടുത്തൽ തെളിയിക്കുന്നതെന്ന കുറിപ്പോടെ കോൺഗ്രസ്​ ട്വിറ്ററിൽ ഇത്​ പങ്കുവെച്ചിട്ടുണ്ട്​. കോൺഗ്രസ്​ അധ്യക്ഷൻ രാഹുൽ ഗാന്ധിയും ഇൗ വീഡിയോ പങ്കു ​െവച്ചു.

सही फ़रमाया, जनता भी यही सोचती है कि सरकार ने लोगों के सपनों और उनके भरोसे को अपने लोभ का शिकार बनाया है| pic.twitter.com/zhlKTrKHgU

— Rahul Gandhi (@RahulGandhi) October 9, 2018