ബോം​ബ്​ നി​ർ​മാ​ണ​ത്തി​നി​ടെ  സ്​​ഫോ​ട​നം: ബം​ഗാ​ളി​ൽ   എ​ട്ടു മ​ര​ണം

സൂരി (പശ്ചിമ ബംഗാൾ): ബോംബ് നിർമാണത്തിനിടെയുണ്ടായ സ്േഫാടനത്തെ തുടർന്ന് എട്ടു പേർ മരിച്ചു. നാലു പേർക്ക് പരിക്കേറ്റു. പശ്ചിമ ബംഗാളിലെ ബെർബ്ഹം ജില്ലയിലെ ദർബാർപൂർ ഗ്രാമത്തിലാണ് സംഭവം. സാമൂഹിക വിരുദ്ധരുടെ ഒരുകൂട്ടം ഗ്രാമത്തിലെ ആളൊഴിഞ്ഞ ഭാഗത്തുവെച്ച് നടത്തിയ ബോംബ് നിർമാണത്തിനിടെയാണ് സ്ഫോടനമുണ്ടായത്. സ്ഫോടനത്തെ തുടർന്ന് നാലുപേർ തൽക്ഷണവും ബാക്കിയുള്ളവർ ആശുപത്രിയിലേക്കുള്ള വഴിമധ്യേയും മരിക്കുകയായിരുന്നുവെന്ന് ജില്ല പൊലീസ് സൂപ്രണ്ട് എൻ. സുധീർ കുമാർ പറഞ്ഞു. ഗ്രാമത്തിലെ ഗുണ്ടാസംഘങ്ങൾ പരസ്പരം ആക്രമിക്കുന്നതിനുവേണ്ടിയായിരുന്നു ബോംബുകൾ നിർമിച്ചതെന്നും മരിച്ചവർ ഗുണ്ടാസംഘങ്ങളിൽപെട്ടവരാണെന്നും അദ്ദേഹം പറഞ്ഞു.