പാവങ്ങളെ കുറിച്ച്​ ചോദിക്കു​േമ്പാൾ യോഗി ക്ഷേത്രങ്ങളെ കുറിച്ച്​ പറയുന്നു- സഖ്യകക്ഷി

ലക്​നോ: യോഗി ആദിത്യനാഥ്​ സർക്കാർ ദാരിദ്ര്യ നിർമാർജനത്തിനായി ഒന്നും ചെയ്യുന്നില്ലെന്ന ആരോപണവുമായി സഖ്യകക്ഷി നേതാവും പിന്നാക്ക ക്ഷേമ മന്ത്രിയുമായ​ ഒാം പ്രകാശ്​ രാജ്​ബർ. പാവങ്ങളെയും പിന്നാക്ക വിഭാഗങ്ങളെയും സമൂഹത്തി​​​െൻറ മേൽതട്ടിലേക്ക്​ കൊണ്ടുവരുന്നതിൽ പരാജയപ്പെട്ട സർക്കാർ അത്​ പൊതുജനങ്ങളിൽ നിന്നും മറക്കുന്നതിനായി അയോധ്യ ക്ഷേത്ര വിവാദം വീണ്ടും ഉയർത്തി കൊണ്ടുവരികയാണെന്നും സുഹൽദേവ്​ ഭാരതീയ സമാജ്​വാദി പാർട്ടി നേതാവ്​ കൂടിയായ രാജ്​ബർ ആരോപിച്ചു.

അധികാരത്തിന്​ വേണ്ടിയല്ല, പാവങ്ങളുടെ​ ക്ഷേമത്തിനു വേണ്ടിയാണ്​ തങ്ങൾ പ്രവർത്തിക്കുന്നത്​. തങ്ങൾ ദരിദ്രർക്കുവേണ്ടി പ്രവർത്തിക്കണോ അതോ ബി.ജെ.പിയുടെ അടിമക​ളാകണോ? പാർട്ടി ഒാഫീസ്​ തുടങ്ങാനുള്ള അനുമതി പോലും ബി.ജെ.പി നൽകുന്നില്ലെന്നും രാജ്​ബർ ആരോപിച്ചു.

യോഗി സർക്കാർ സമുദായങ്ങൾക്കിടയിൽ വിദ്വേഷം ഉണ്ടാക്കുന്ന തരത്തിലുള്ള വിഷയങ്ങൾ ഉയർത്തികൊണ്ടുവരുന്നു. ദരിദ്രരെ കുറിച്ച്​ തങ്ങൾ സംസാരിക്കു​േമ്പാൾ യോഗി സർക്കാർ പള്ളികളെ കുറിച്ചും ക്ഷേത്രങ്ങളെ കുറിച്ചുമാണ്​ പറയുന്നത്​. ഹിന്ദുക്കളെയും മുസ്​ലിംകളെയും കുറിച്ചാണ്​ വാചാലരാകുന്നത്​. 2019 യോഗി സർക്കാറി​​​െൻറ ഇത്തരം പ്രവർത്തനങ്ങൾ ലോക്​സഭാ തെരഞ്ഞെട​ുപ്പിൽ ബി.ജെ.പിക്ക്​ തിരിച്ചടി നൽകുമെന്നും ഒാം പ്രകാശ്​ രാജ്​ബർ താക്കീത്​ ചെയ്​തു.

ഇതാദ്യമായാണ്​ മന്ത്രി കൂടിയായ സഖ്യകക്ഷി നേതാവ്​ ബി.ജെ.പി സർക്കാറിനെതിരെ ​പരസ്യമായി രംഗത്ത്​ വരുന്നത്​. സർക്കാർ രൂപീകരണത്തിന്​ നാല്​ എം.എൽ.എമാരുടെ പിന്തുണയാണ്​ സുഹൽദേവ്​ ഭാരതീയ സമാജ്​വാദി പാർട്ടി ബി.ജെ.പിക്ക്​ നൽകിയത്​.