രണ്ടുവർഷം മുമ്പ് ഫോറസ്​റ്റ്​ ഗാർഡ്​​ ഒരു ആനക്കുട്ടിയെ ചുമന്ന കഥ

ചെന്നൈ: ലോക്​ഡൗൺ കാലത്ത്​ ഉറ്റവരുടെയും സുഹൃത്തുക്കളുടെയും പഴയ ​ചിത്രങ്ങൾ കുത്തിപൊക്കൽ സർവസാധാരണമാ​മണല്ല ോ. എന്നാൽ രണ്ടുവർഷം മുമ്പ്​ മാധ്യമങ്ങളിലൂടെ വൈറലായ ഒരു ചിത്രമാണ്​ ഇപ്പോൾ ട്വിറ്ററിൽ ട്രെൻഡിങ്​.

തമിഴ്​ നാട്ടിലെ ഒരു ഫോറസ്​റ്റ്​ ഉദ്യോഗസ്​ഥൻ ആനക്കുട്ടിയെ ചുമലിലേറ്റി പോകുന്ന ചിത്രമായിരുന്നു അത്​. ഇന്ത്യൻ ഫോ റസ്​റ്റ്​​ സർവിസിലെ മുതിർന്ന ഉദ്യോഗസ്​ഥയായ ദീപിക ബാജ്​പാലാണ് ഒരു ഫ്ലാഷ്​ബാക്ക്​ ഓർമയിൽ​ 2017ലെ ചിത്രം പോസ്​റ ്റ്​ ചെയ്​തത്​. ആനയെ ചുമലിലേറ്റിയ ഫോറസ്​റ്റ്​ ഉദ്യോഗസ്​ഥന്​ അഭിനന്ദനം അറിയിക്കുകയും ചെയ്​തു. എന്നാൽ ആനക്കുട്ടിയെ ചുമലിലേറ്റിയ പളനിച്ചാമി ശരത്​ കുമാർ ട്വീറ്റിന്​ നന്ദി അറിയിച്ച്​ അതിൻെറ കഥയുമായി രംഗത്തെത്തി.

​2017 ഡിസംബറിലായിരുന്നു സംഭവം. തമിഴ്​നാട്ടിലെ മേട്ടുപാളയം ഫോറസ്​റ്റ്​ ഓഫിസിൽ ഒരു ഫോൺകോളെത്തി. ഒരു പിടിയാന ഗതാഗതം തടസപ്പെടുത്തി റോഡിന്​ നടുവിൽ നിൽക്കുന്നുവെന്നായിരുന്നു വിവരം. പളനിച്ചാമി​യും മറ്റു ഫോറസ്​റ്റ്​ ഉദ്യോഗസ്​ഥരും റോഡിലെത്തി പടക്കം പൊട്ടിച്ചിട്ടും പിടിയാന പോകാൻ തയാറായില്ല.

സമീപം മറ്റു ആനക്കൂട്ടങ്ങളെ തിരയുന്നതിനിടയിലാണ്​ കുഴിയിൽ അകപ്പെട്ട്​ കിടക്കുന്ന കുട്ടിയാനയെ കാണുന്നത്​. കുട്ടിയാനയുടെ എടുത്ത്​ അമ്മയാനയെ എത്തിക്കാൻ ശ്രമിച്ചെങ്കിലും പരാജ​യപ്പെട്ടു. കുട്ടിയാന ആകെ തളർന്നിരുന്നു. അതോടെ കുട്ടിയാനയെ അമ്മയുടെ അടുത്തെത്തിക്കാനായി നാല​ുപേ​രും കൂടി ചുമക്കുകയായിരുന്നു.

Flashback pic. Rescue of an elephant calf by a forest guard from TamilNadu made news. Mr. Palanichamy carried the half on his shoulders which had fallen into a ditch. The calf was later united with its mother. pic.twitter.com/VKqbD3hrc0

— Dipika Bajpai (@dipika_bajpai) April 13, 2020

റോഡിന്​ അപ്പുറത്ത്​ നിൽക്കുന്ന അമ്മയാനയുടെ അടുത്ത്​ കുട്ടിയാനയെ എത്തിക്കണമായിരുന്നു. എന്നാൽ നാലുപേരും കുട്ടിയാ​നയെ ചുമക്കുന്നത്​ കണ്ടാൽ അമ്മയാന ആക്രമിക്കുമെന്ന്​ മനസിലാക്കി​ പളനിസാമി മാത്രം ആനക്കുട്ടിയെ ചുമലിലേറ്റി അമ്മയാനയുടെ അടുത്ത്​ എത്തിക്കുകയായിരുന്നു. ഏകദേശം അമ്പതുമീറ്ററോളമാണ്​ കുട്ടിയാനയെ ചുമലിലേറ്റി പളനിസാമി നടന്നത്​. 100 കിലോയോളം ഭാരം കുട്ടിയാനക്ക്​ ഉണ്ടായിരുന്നതായി പളനിസാമി ഓർത്തെടുക്കുന്നു. ചിത്രം വീണ്ടും ചർച്ചയായതോടെ നിരവധി പേരാണ്​ പളനിസാമിക്ക്​ അഭിനന്ദനവുമായി വീണ്ടും എത്തുന്നത്​.