രാഹുലി​െൻറ അധ്യക്ഷസ്ഥാനം: തീയതി സംബന്ധിച്ച്​ തീരുമാനം ഇന്നുണ്ടായേക്കും

ന്യൂഡൽഹി: രാഹുൽ ഗാന്ധി കോൺഗ്രസ്​ അധ്യക്ഷസ്ഥാനം ഏറ്റെടുക്കുന്ന തീയതി സംബന്ധിച്ച്​ തീരുമാനം ഇന്നുണ്ടായേക്കുമെന്ന്​ സൂചന.  രാഹ​ുൽ അധ്യക്ഷസ്ഥാനം ഏറ്റെടുക്കുമെന്ന്​ നേരത്തെ തന്നെ വാർത്തകളുണ്ടായിരുന്നു. എന്നാൽ തീയതി സംബന്ധിച്ച്​ വ്യക്​തതയുണ്ടായിരുന്നില്ല. ശനിയാഴ്​ചത്തെ യോഗം കഴിയു​ന്നതോടെ ഇക്കാര്യത്തിലും വ്യക്​തത വരുമെന്നാണ്​ പ്രതീക്ഷ. ദേശീയ മാധ്യമമായ ഇന്ത്യ ടുഡേയാണ്​ ഇതുസംബന്ധിച്ച്​ വാർത്ത പുറത്ത്​ വിട്ടത്​. 

സോണിയ ഗാന്ധിയുടെ വസതിയിൽ ശനിയാഴ്​ച ചേരുന്ന യോഗത്തിൽ അടുത്ത കോൺഗ്രസ്​ പ്രവർത്തകകാര്യ സമിതിയുടെ തിയതിയും അജണ്ടയും സംബന്ധിച്ച്​ തീരുമാനമുണ്ടാകുമെന്നാണ്​ റിപ്പോർട്ട്​. ഇൗ പ്രവർത്തക സമിതി യോഗത്തിലാവും കോൺഗസ്​ അധ്യക്ഷനായി രാഹുലിനെ തെരഞ്ഞെടുക്കുക.പാർട്ടിയിലെ ഉന്നത കേന്ദ്രങ്ങൾ നൽകുന്ന വാർത്തകളനുസരിച്ച്​ ഒക്​ടോബർ 24ന്​ രാഹുൽ ഗാന്ധിയുടെ സ്ഥാനാരോഹണം ഉണ്ടാവുമെന്നാണ്​ സൂചന. 

കോൺഗ്രസി​​​െൻറ ഏറ്റവും ഉയർന്ന സമിതിയാണ്​ പ്രവർത്തക സമതി. തെരഞ്ഞെടുക്കപ്പെട്ട 10 അംഗങ്ങളും നാമനിർദേശം ചെയ്യപ്പെട്ട 10 അംഗങ്ങളും പ്രത്യേക ക്ഷണിതാക്കളുമാണ്​ സമിതിയിലുള്ളത്​. രാഹുലി​​​െൻറ അധ്യക്ഷ സ്ഥാനം സംബന്ധിച്ച്​ അന്തിമ തീരുമാനം എടുക്കുക ഇൗ സമിതിയായിരിക്കും.