കോവാക്​സിന്​ ഉടൻ ലോകാരോഗ്യ സംഘടനയുടെ അംഗീകാരം ലഭിച്ചേക്കുമെന്ന്​ സൂചന

ന്യൂഡൽഹി: ഭാരത്​ ബയോടെക്​ നിർമ്മിക്കുന്ന കോവിഡ്​ വാക്​സിനായ കോവാക്​സിന്​ ഉടൻ ലോകാരോഗ്യ സംഘടനയുടെ അംഗീകാരം ലഭിച്ചേക്കുമെന്ന്​ സൂചന. അടിയന്തര ഉപയോഗത്തിനുള്ള അനുമതിയാവും കോവാക്​സിന്​ നൽകുക. കോവാക്​സിനുമായി ബന്ധപ്പെട്ട്​ ലോകാരോഗ്യ സംഘടന ആവശ്യപ്പെട്ട അധിക വിവരങ്ങൾ ഭാരത്​ ബയോടെക്​ സമർപ്പിച്ചതോടെയാണ്​ വാക്​സിനുള്ള അംഗീകാരത്തിന്​ വഴിതുറന്നത്​.

കോവാക്​സി​െൻറ മൂന്നാംഘട്ട ഇടക്കാല പരീക്ഷണം ഭാരത്​ ബയോടെക്​ പൂർത്തിയാക്കിയിരുന്നു. 25,800 വളണ്ടിയർമാരിൽ നടത്തിയ പരീക്ഷണത്തിൽ വാക്​സിൻ 78 ശതമാനം ഫലപ്രദമെന്ന്​ വ്യക്​തമായിരുന്നു. കോവാക്​സിനുമായി ബന്ധപ്പെട്ട വിവരങ്ങളെല്ലാം സുതാര്യമാണെന്നും ഭാരത്​ ബയോടെക്​ അറിയിച്ചു. കോവാക്​സി​െൻറ ഒന്ന്​, രണ്ട്​, മൂന്ന്​ ഘട്ട പരീക്ഷണഫലങ്ങൾ ഇന്ത്യയിലെ ഏജൻസികൾ വിശദമായി പരിശോധിച്ചിരുന്നുവെന്നും കമ്പനി വ്യക്​തമാക്കി.

മൂന്നാംഘട്ട പരീക്ഷണങ്ങൾ പൂർത്തിയാകുന്നതിന്​ മുമ്പ്​ ജനുവരി മൂന്നാം തീയതിയാണ്​ കോവാക്​സിൻ അടിയന്തര ഉപയോഗത്തിനുള്ള അനുമതി ഇന്ത്യൻ ഏജൻസികൾ നൽകിയത്​. തുടർന്ന്​ വാക്​സിൻ വ്യാപകമായി ഇന്ത്യയിൽ ഉപയോഗിച്ചിരുന്നു. എന്നാൽ, ലോകാരോഗ്യ സംഘടനയുടെ അനുമതി ലഭിക്കാത്തതിനാൽ പല രാജ്യങ്ങളും കോവാക്​സിന്​ അംഗീകാരം നൽകിയിരുന്നില്ല.