‘മിസ്​റ്റർ കെജ്​രിവാൾ, ആരാണ്​ ഡൽഹിക്കാരൻ​?’; ചോദ്യങ്ങളുമായി ചിദംബരം

ന്യൂഡൽഹി: ഡൽഹിക്കാരനാകാൻ വേണ്ട യോഗ്യതകൾ വിവരിക്കാൻ മുഖ്യമന്ത്രി അരവിന്ദ്​ കെജ്​രിജവാളിനോട്​ ആവശ്യപ്പെട്ട്​ മുതിർന്ന കോൺഗ്രസ്​ നേതാവ്​ പി. ചിദംബരം. രാജ്യ തലസ്​ഥാനത്ത്​ കോവിഡ്​ ചികിത്സ ഡൽഹി നിവാസികൾക്ക്​ മാത്രമായി നിജപ്പെടുത്തിയ ആം ആദ്​മി പാർട്ടി സർക്കാറി​​​െൻറ തീരുമാനത്തെ ചോദ്യം ചെയ്​താണ്​ മുൻ കേന്ദ്രമന്ത്രിയുടെ ട്വീറ്റ്​. തീരുമാനമെടുക്കും മുമ്പ്​ കെജ്​രിവാൾ നിയമോപദേശം തോടി​യിരുന്നോ എന്നും ചിദംബരം ആരായുന്നു. 

‘ഡൽഹിയിലെ ആ​ശുപത്രികൾ ഡൽഹിക്കാർക്ക്​ മാത്രമെന്നാണ്​ മിസ്​റ്റർ കെജ്​രിവാൾ പറയുന്നത്​. ആരാണ്​ ഡൽഹിക്കാരനെന്ന്​ അദ്ദേഹം പറഞ്ഞു തരുമോ ആവോ? ഞാൻ ഡൽഹിയിൽ ജോലി ചെയ്യുകയോ ജീവിക്കുകയോ ചെയ്യുന്ന ആളാണെങ്കിൽ ഞാൻ ഡൽഹിക്കാരനാണോ​?- ചിദംബരം ട്വിറ്ററിലൂടെ ചോദിച്ചു.

Mr. Kejriwal says Delhi hospitals are only for Delhiites. Will he please tell us who is a Delhiite?

If I live or work in Delhi, am I a Delhiite?

— P. Chidambaram (@PChidambaram_IN) June 8, 2020

‘കേന്ദ്രത്തി​​​െൻറ മെഡിക്കൽ ഇൻഷൂറൻസ്​ പദ്ധതിയിൽ രജിസ്​റ്റർ ചെയ്​ത ആളുകൾക്ക്​ പട്ടികയിൽ ഉൾപെട്ട ഇന്ത്യയിലെ ഏത്​ ആശുപത്രിയിൽ നിന്നും ചികിത്സ ലഭിക്കുമെന്നാണ്​ ഞാൻ മനസിലാക്കുന്നത്​. തീരുമാനം പ്രഖ്യാപിക്കുന്നതിന്​ മുമ്പ്​ കെജ്​രിവാൾ നിയമോപദേശം തേടിയിരുന്നോ‘-​ ചിദംബരം ചോദിക്കുന്നു.  

I thought if a person had enrolled in Jan Arogya Yojana/Aayushman Bharat, he can seek treatment in any enlisted hospital, public or private, anywhere in India?

Did Mr Kejriwal take legal opinion before he made his announcement?

— P. Chidambaram (@PChidambaram_IN) June 8, 2020

രാജ്യ തലസ്ഥാനത്ത് കോവിഡ് വ്യാപനം തടയുന്നതുമായി ബന്ധപ്പെട്ട കാര്യങ്ങൾ വിശദീകരിച്ച് ഞായറാഴ്​ച നടത്തിയ പ്രസംഗത്തിലാണ്​ കെജ്​രിവാൾ ചികിത്സ പരിമിതപ്പെടുത്തിയതായി പ്രഖ്യാപിച്ചത്​. ‘ഡോക്ടർമാരടങ്ങുന്ന അഞ്ചംഗ പ്രത്യേക സമിതിയുടെ ഉപദേശത്തിന്‍റെ അടിസ്ഥാനത്തിലാണ് തീരുമാനം. ഒരാഴ്ച മുമ്പ് പൊതുജനാഭിപ്രായം തേടിയ വിഷയത്തിലാണ് മുഖ്യമന്ത്രി ഇപ്പോൾ തീരുമാനം പ്രഖ്യാപിച്ചിരിക്കുന്നത്. മറ്റു സംസ്ഥാനങ്ങളിൽനിന്നുള്ള രോഗികളാൽ ഞങ്ങളുടെ ആശുപത്രികൾ നിറഞ്ഞു’ -കെജ്​രിവാൾ പറഞ്ഞു.

ന്യൂറോസർജറി പോലെ പ്രത്യേക ശസ്ത്രക്രിയകൾ നടത്തുന്നവ ഒഴികെ തെരഞ്ഞെടുത്ത സ്വകാര്യ ആശുപത്രികളിലും ഡൽഹി നിവാസികൾക്ക് മാത്രമായിരിക്കും ഇനി ചികിത്സ ലഭ്യമാകുക. പ്രത്യേക ശസ്ത്രക്രിയകൾക്കായി രാജ്യ തലസ്ഥാനത്തെത്തുന്നവരെ സ്വകാര്യ ആശുപത്രികളിൽ ചികിത്സിക്കുമെന്നും കെജ്​രിവാൾ വ്യക്തമാക്കി. ജൂൺ അവസാനത്തോടെ കോവിഡ് രോഗികളെ ചികിത്സിക്കാൻ ഡൽഹിക്ക് 15000 കിടക്കകൾ വേണ്ടിവരുമെന്നും അദ്ദേഹം വിശദീകരിച്ചു. ഡൽഹി ആശുപത്രികളിൽ ഡൽഹിക്കാർക്ക് മാത്രം ചികിത്സയെന്ന തീരുമാനത്തിനെതിരെ വിമർശനവുമായി കേന്ദ്ര മന്ത്രി മുഖ്താർ അബ്ബാസ് നഖ്​വിയും നേരത്തെ രംഗത്തെത്തിയിരുന്നു.