സഖ്യ സർക്കാർ കാലാവധി തികക്കും; താൻ അസന്തുഷ്​ടനെന്ന്​ ആരു പറഞ്ഞു - സിദ്ധരാമയ്യ

ബംഗളൂരു​: കർണാടക സഖ്യസർക്കാർ കാലാവധി തികക്കുമെന്നതിൽ മുൻ മുഖ്യമന്ത്രി സിദ്ധരാമയ്യ സംശയം പ്രകടിപ്പിക്കുന്ന ​വിഡിയോ പുറത്തായതോടെ വിശദീകരണവുമായി കോൺഗ്രസ്​ നേതാവ്​ രംഗത്ത്​. കോൺഗ്രസ്​- ജെ.ഡി.എസ്​ സർക്കാർ വളരെ ശക്​തമാണ്​. സഖ്യസർക്കാർ പ്രശ്​നങ്ങളെ അതിജീവിച്ച്​ കാലാവധി പൂർത്തിയാക്കുമെന്നും സിദ്ധരാമയ്യ വിശദീകരിച്ചു. 

നേരത്തെ, സഖ്യസർക്കാറി​​​െൻറ ആയുസിൽ സംശയം പ്രകടിപ്പിച്ച സിദ്ധരാമയ്യ മറ്റൊുര വിഡിയോയിൽ അടുത്ത ആഴ്​ച എച്ച്​.ഡി കുമാരസ്വാമി അവതരിപ്പിക്കാൻ പോകുന്ന ബജറ്റിനെയും ചോദ്യം ചെയ്യുന്നുണ്ട്​. ഫെബ്രുവരിയിൽ ബജറ്റ്​ അവതരിപ്പിച്ചതിനാൽ ഇ​പ്പോൾ ഒരു ബജറ്റി​​​െൻറ ആവശ്യമെന്താണെന്നാണ്​ ചോദിക്കുന്നത്​. ഇൗ വിഡിയോകൾ പുറത്തു വന്നതോടെ സിദ്ധരാമയ്യ അസന്തുഷ്​ടനാണെന്ന വാർത്തകൾ പ്രചരിച്ചിരുന്നു. 

ഇതിനു മറുപടിയായി, താൻ സന്തോഷവാനല്ലെന്ന്​ ആരാണ്​ പറഞ്ഞതെന്നാണ്​ സിദ്ധരാമയ്യ ചോദിച്ചത്​. ഇൗ വിഡിയോകളിലെ സംഭാഷണത്തി​​​െൻറ സന്ദർഭമറിയാതെയാണ്​ വാർത്തകർ പ്രചരിക്കുന്ന​തെന്നും അധാർമികമായാണ്​ വിഡിയോ പകർത്തിയതെന്നും സിദ്ധരാമയ്യ ആരോപിച്ചു. എന്നാൽ സംഭാഷണത്തി​​​െൻറ സന്ദർഭമോ അത്​ പകർത്തിയത്​ ആരെന്നോ സിദ്ധരാമയ്യ വിശദീകരിച്ചിട്ടില്ല.