മധ്യവർഗ സ്വപ്നങ്ങൾ സാക്ഷാത്കരിക്കുമെന്ന് രാഷ്ട്രപതി

ന്യൂ​ഡ​ൽ​ഹി: മ​ധ്യ​വ​ർ​ഗ സ്വ​പ്ന​ങ്ങ​ൾ സാ​ക്ഷാ​ത്ക​രി​ക്കു​മെ​ന്ന രാ​ഷ്​​ട്ര​പ​തി ദ്രൗ​പ​ദി മു​ർ​മു​വി​​ന്റെ പ്ര​ഖ്യാ​പ​ന​ത്തോ​ടെ പാ​ർ​ല​മെ​ന്റി​ന്റെ ബ​ജ​റ്റ് സ​​മ്മേ​ള​ന​ത്തി​ന് തു​ട​ക്ക​മാ​യി. മൂ​ന്നാം മോ​ദി സ​ർ​ക്കാ​ർ മു​​ൻ സ​ർ​ക്കാ​റു​ക​ളെ​ക്കാ​ൾ മൂ​ന്നി​ര​ട്ടി വേ​ഗ​ത്തി​ലാ​ണ് മു​ന്നോ​ട്ടു​പോ​കു​ന്ന​തെ​ന്നും അ​വ​ർ അ​വ​കാ​ശ​പ്പെ​ട്ടു. രാ​ഷ്​​ട്ര​പ​തി​യു​ടെ പ്ര​സം​ഗ​ത്തി​നു​ശേ​ഷം ഇ​രു​സ​ഭ​ക​ളും വെ​വ്വേ​റെ സ​മ്മേ​ളി​ച്ച​പ്പോ​ൾ ബ​ജ​റ്റി​ന് മു​ന്നോ​ടി​യാ​യു​ള്ള സാ​മ്പ​ത്തി​ക സ​ർ​വേ റി​പ്പോ​ർ​ട്ട് കേ​ന്ദ്ര ധ​ന​മ​ന്ത്രി നി​ർ​മ​ല സീ​താ​രാ​മ​ൻ ലോ​ക്സ​ഭ​യി​ൽ വെ​ച്ചു.

സെ​ൻ​ട്ര​ൽ ഹാ​ളി​ല്ലാ​ത്ത പു​തി​യ പാ​ർ​ല​മെ​ന്റി​ന്റെ ലോ​ക്സ​ഭ​യി​ലാ​ണ് ഇ​രു​സ​ഭ​ക​ളു​ടെ​യും എം.​പി​മാ​രെ രാ​ഷ്ട്ര​പ​തി അ​ഭി​സം​ബോ​ധ​ന ചെ​യ്ത​ത്. മ​ഹാ​കും​ഭ​മേ​ള​യി​​ൽ മ​ര​ണ​പ്പെ​ട്ട​വ​രു​ടെ കു​ടും​ബ​ങ്ങ​ൾ​ക്ക് അ​നു​ശോ​ച​ന​മ​ർ​പ്പി​ച്ചു​കൊ​ണ്ട് പ്ര​സം​ഗം തു​ട​ങ്ങി​യ​പ്പോ​ൾ ആ​രാ​ണ് അ​തി​നു​ത്ത​ര​വാ​ദി​യെ​ന്ന് പ്ര​തി​പ​ക്ഷ എം.​പി​മാ​ർ ചോ​ദി​ക്കു​ന്നു​ണ്ടാ​യി​രു​ന്നു.

ബ​ജ​റ്റി​ന്റെ മു​ന്നോ​ടി​യാ​യി പു​തി​യ വാ​ഗ്ദാ​ന​ങ്ങ​ളൊ​ന്നും ന​ട​ത്താ​തി​രു​ന്ന രാ​ഷ്​​​ട്ര​പ​തി ഒ​രു രാ​ഷ്ട്രം, ഒ​രു തെ​ര​ഞ്ഞെ​ടു​പ്പ്, വ​ഖ​ഫ് ബി​ല്‍ എ​ന്നി​വ സ​ര്‍ക്കാ​ര്‍ ഏ​റ്റെ​ടു​ത്ത വ​ലി​യ പ​രി​ഷ്‌​കാ​ര​ങ്ങ​ളാ​ണെ​ന്ന് പ​റ​ഞ്ഞു. സാധാരണക്കാരായ മൂ​ന്ന് കോ​ടി കു​ടും​ബ​ങ്ങ​ൾ​ക്ക് പു​തി​യ വീ​ടു​ക​ൾ നി​ർ​മി​ക്കാ​ൻ തീ​രു​മാ​നി​ച്ച​താ​ണ്.

യു​വാ​ക്ക​ളു​ടെ വി​ദ്യാ​ഭ്യാ​സ​ത്തി​നും തൊ​ഴി​ല​വ​സ​ര​ങ്ങ​ൾ സൃ​ഷ്ടി​ക്കു​ന്ന​തി​നും പ്ര​ത്യേ​ക ശ്ര​ദ്ധ ചെ​ലു​ത്തും. 2047ൽ ​വി​ക​സി​ത ഇ​ന്ത്യ എ​ന്ന ല​ക്ഷ്യം കൈ​വ​രി​ക്കു​മെ​ന്ന സ​ർ​ക്കാ​റി​ന്റെ പ​തി​വ് പ്ര​ഖ്യാ​പ​ന​വും രാ​ഷ്​​ട്ര​പ​തി ആ​വ​ർ​ത്തി​ച്ചു.