രത്തനാകുമോ നോയൽ?

മും​ബൈ: ല​ളി​ത​മാ​യി ജീ​വി​ക്കു​ക​യും വ്യ​വ​സാ​യ സാ​മ്രാ​ജ്യം ന​യി​ക്കു​ന്ന​തി​നൊ​പ്പം മ​നു​ഷ്യ​രെ​യും മൃ​ഗ​ങ്ങ​ളെ​യും ചേ​ർ​ത്തു​പി​ടി​ക്കു​ക​യും സ​മ്പാ​ദ്യ​ത്തി​ന്റെ മു​ക്കാ​ൽ പ​ങ്കും ജീ​വ​കാ​രു​ണ്യ പ്ര​വ​ർ​ത്ത​ന​ത്തി​ന്​​ നീ​ക്കി​വെ​ക്കു​ക​യും ചെ​യ്ത ര​ത്ത​ൻ ടാ​റ്റ​ക്ക്​ പ​ക​ര​ക്കാ​ര​നാ​കു​ക നോ​യ​ൽ ടാ​റ്റ​ക്ക് എ​ളു​പ്പ​മാ​കി​ല്ല. ര​ത്ത​ൻ ടാ​റ്റ​യു​ടെ നി​ര്യാ​ണ​ത്തോ​ടെ ടാ​റ്റ ക​മ്പ​നി​ക​ളു​ടെ ഭൂ​രി​പ​ക്ഷ ഓ​ഹ​രി ഉ​ട​മ​യാ​യ ടാ​റ്റ ട്ര​സ്റ്റി​ന്റെ ചെ​യ​ർ​മാ​നാ​യി അ​ദ്ദേ​ഹ​ത്തി​ന്റെ അ​ർ​ധ സ​ഹോ​ദ​ര​ൻ നോ​യ​ൽ ടാ​റ്റ​യെ ആ​ണ് നി​യോ​ഗി​ച്ചി​രി​ക്കു​ന്ന​ത്.

ര​ത്ത​ൻ ടാ​റ്റ​യു​ടെ പാ​ര​മ്പ​ര്യം നോ​യ​ൽ എ​ങ്ങ​നെ മു​ന്നോ​ട്ട്​ കൊ​ണ്ടു​പോ​കു​മെ​ന്ന്​ വ്യ​വ​സാ​യ ലോ​കം ഉ​റ്റു​നോ​ക്കു​ന്നു. ക​ഴി​ഞ്ഞ നാ​ല്​ പ​തി​റ്റാ​ണ്ടാ​യി ര​ത്ത​ൻ ടാ​റ്റ​യു​ടെ നി​ഴ​ലി​ൽ ടാ​റ്റ സാ​മ്രാ​ജ്യ​ത്തി​ന്റെ വി​വി​ധ ക​മ്പ​നി​ക​ളു​ടെ അ​മ​ര​ത്ത്​ നോ​യ​ലു​ണ്ട്. 2012ൽ ​ടാ​റ്റ സ​ൺ​സി​ൽ​നി​ന്ന്​ ര​ത്ത​ൻ ടാ​റ്റ വി​ര​മി​ക്കു​മ്പോ​ൾ നോ​യ​ൽ ചെ​യ​ർ​മാ​നാ​കു​മെ​ന്നാ​ണ്​ ക​രു​ത​പ്പെ​ട്ട​ത്.

എ​ന്നാ​ൽ, ടാ​റ്റ കു​ടും​ബ​ത്തി​ന്​ പു​റ​ത്തേ​ക്കാ​ണ്​ ആ ​പ​ദ​വി പോ​യ​ത്. ടാ​റ്റ ട്ര​സ്റ്റി​നെ​യും ടാ​റ്റ സ​ൺ​സി​നെ​യും ഒ​രാ​ൾ​ത​ന്നെ ന​യി​ക്കേ​ണ്ടെ​ന്ന നി​ബ​ന്ധ​ന​യും കൊ​ണ്ടു​വ​ന്നു. ട്ര​സ്റ്റി​ൽ ത​ന്റെ പി​ൻ​ഗാ​മി ആ​രാ​ക​ണ​മെ​ന്ന്​ ര​ത്ത​ൻ ഒ​രി​ക്ക​ലും പ​റ​ഞ്ഞി​ട്ടി​ല്ല. വെ​ള്ളി​യാ​ഴ്ച ന​ട​ന്ന ട്ര​സ്റ്റ്​ യോ​ഗ​ത്തി​ലാ​ണ്​ നോ​യ​ലി​നെ ഐ​ക​ക​ണ്ഠ്യേ​ന ചെ​യ​ർ​മാ​നാ​യി തെ​ര​ഞ്ഞെ​ടു​ത്ത​ത്.

നോ​യ​ൽ നി​ല​വി​ൽ ട്രെ​ന്റ്, വൊ​ൾ​ടാ​സ്, ടാ​റ്റ ഇ​ൻ​വെ​സ്റ്റ്​​മെ​ന്റ്​ കോ​ർ​പ​റേ​ഷ​ൻ, ടാ​റ്റ ഇ​ന്റ​ർ​നാ​ഷ​ന​ൽ എ​ന്നീ ക​മ്പ​നി​ക​ളു​ടെ ചെ​യ​ർ​മാ​നും ടാ​റ്റ സ്റ്റീ​ൽ, ടൈ​റ്റ​ൻ എ​ന്നി​വ​യു​ടെ വൈ​സ്​ ചെ​യ​ർ​മാ​നു​മാ​ണ്. സ​ർ ര​ത്ത​ൻ ടാ​റ്റ ട്ര​സ്റ്റ്, സ​ർ ദൊ​റാ​ബ്​​ജി ടാ​റ്റ ട്ര​സ്റ്റ്​ എ​ന്നി​വ​യി​ൽ അം​ഗ​വു​മാ​ണ്​. 2010 ആ​ഗ​സ്റ്റ്​ മു​ത​ൽ 2021 ന​വം​ബ​ർ വ​രെ ടാ​റ്റ ഗ്രൂ​പ്പി​ന്റെ വ്യാ​പാ​ര, വി​ത​ര​ണ ക​മ്പ​നി​യാ​യ ടാ​റ്റ ഇ​ന്റ​ർ​നാ​ഷ​ന​ലി​ൽ എം.​ഡി​യാ​യി​രു​ന്നു നോ​യ​ൽ.

ഈ ​കാ​ല​യ​ള​വി​ൽ ക​മ്പ​നി​യു​ടെ വ​രു​മാ​നം 500 മി​ല്യ​ൺ ഡോ​ള​റി​ൽ​നി​ന്ന്​ മൂ​ന്ന്​ ബി​ല്യ​ൺ ഡോ​ള​റാ​യി ഉ​യ​ർ​ന്നി​രു​ന്നു. ട്രെ​ന്റി​ന്റെ എം.​ഡി​യാ​യി​രി​ക്കെ ഒ​രു സ്റ്റോ​റി​ൽ​നി​ന്ന്​ രാ​ജ്യ​ത്തു​ട​നീ​ളം 700 സ്റ്റോ​റു​ക​ളി​ലെ​ത്തി​ച്ചു. യു.​കെ​യി​ലെ സു​സ്സെ​ക്​​സ്​ സ​ർ​വ​ക​ലാ​ശാ​ല​യി​ലും ഇ​ൻ​സീ​ഡി​ലും പ​ഠി​ച്ച നോ​യ​ൽ ഐ​റി​ഷ്​ പൗ​ര​നാ​ണ്.