ഇന്ത്യയിൽ പബ്​ജി നിരോധനം എന്നെന്നേക്കു​മാക്കുമോ? സൂചനകളുമായി കേന്ദ്ര മ​ന്ത്രി ജാവ്​ദേക്കർ

ന്യൂഡൽഹി: ചൈനീസ്​ മൊബൈൽ ആപുകൾക്ക്​ നിരോധനമേർപെടുത്തിയ കൂട്ടത്തിൽ കേന്ദ്ര സർക്കാർ ഉൾ​െപടുത്തിയ 'പബ്​ജി'ക്ക്​ ഉടനൊന്നും നിരോധനം നീങ്ങില്ലെന്ന്​ സൂചന. ജനപ്രിയ ഓൺലൈൻ ഗെയിമായിരുന്ന 'പബ്​ജി' മാസങ്ങളായി രാജ്യത്ത്​ ലഭ്യമല്ല. ഇതുൾപെടെ 100ലേറെ ചൈനീസ്​ ​െമാബൈൽ ആപുകൾക്കാണ്​ താഴു വീണിരുന്നത്​. കൗമാരക്കാരുടെ ഇഷ്​ട ഗെയിമായിരുന്ന 'പബ്​ജി' ഹിംസയെ പ്രോൽസാഹിപ്പിക്കുന്നതും അശ്ലീലവും അതിൽ മാത്രമായി മുഴുകാൻ പ്രേരിപ്പിക്കുന്നവയുമാണെന്ന്​ കേന്ദ്ര മന്ത്രി പ്രകാശ്​ ജാവ്​ദേക്കർ പറഞ്ഞു. ഇന്ത്യൻ സാംസ്​കാരിക മൂല്യങ്ങൾ ഉയർത്തിക്കാട്ടുന്ന ഗെയിമുകളും മറ്റും വികസിപ്പിക്കാനായി സ്​ഥാപിച്ച പ്രത്യേക കേ​ന്ദ്രം ഉദ്​ഘാടനം ചെയ്​ത്​ സംസാരിക്കവെയായിരുന്നു പ്രതികരണം.

​െമാബൈൽ ഫോണുകൾ വഴിയും മറ്റും ലഭ്യമായ പല ഗെയിമുകളും 'ഹിംസ നിറഞ്ഞതും അശ്ലീലവും അതിൽ മുഴുകാൻ നിർബന്ധിക്കുന്നതും ഒപ്പം കുരുന്നു മനസ്സുകളെ സങ്കീർണമാക്കുന്നതുമാണെന്നും പബ്​ജി അതിൽ ഒന്നു മാത്രമാണെന്നും' ജാവ്​ദേക്കർ പറഞ്ഞു. അവയെ വിമർശിക്കുന്നതിന്​ പകരം 'മേക്​ ഇൻ ഇന്ത്യ' കാമ്പയിനിൽ ഉൾപെടുത്തി സ്വന്തം ഗെയിമുകൾ വികസിപ്പിക്കുക മാത്രമാണ്​ പോംവഴി.

പുതുതായി സ്​ഥാപിച്ച ഗെയിമിങ്​ കേന്ദ്രത്തിൽ വി.എഫ്​.എക്​, ഗെയിമിങ്​, ആനിമേഷൻ എന്നിവ ഉൾപെടുത്തിയ കോഴ്​സ്​ പഠിപ്പിക്കും. ഈ വർഷം മുതൽ തന്നെ കോഴ്​സുകൾ ആരംഭിക്കും.

ബോംബെ ​ഐ.ഐ.ടിയുമായി സഹകരിച്ചാണ്​ സെന്‍റർ ഓഫ്​ എക്​സലൻസ്​ എന്ന പേരിൽ സ്​ഥാപനം തുടങ്ങുക. ഗെയിമിങ്​, അനുബന്ധ മേഖലകൾ എന്നിവക്ക്​ ഈ കേന്ദ്രത്തിൽ സവിശേഷ പ്രാധാന്യം നൽകും.