![Woman arrested after video of her assaulting bus driver in Vijayawada Woman arrested after video of her assaulting bus driver in Vijayawada](https://www.madhyamam.com/h-upload/2022/02/10/1416848-bus-driver.webp)
സൈഡ് നൽകാത്തതിൽ തർക്കം; ബസിൽ കയറി ഡ്രൈവറെ മർദിച്ച യുവതി അറസ്റ്റിൽ
text_fieldsആന്ധ്രാപ്രദേശിലെ വിജയവാഡയിൽ ട്രാൻസ്പോർട്ട് ബസ് ഡ്രൈവറെ ആക്രമിച്ച സംഭവത്തിൽ യുവതി അറസ്റ്റിൽ. വിജയവാഡ സ്വദേശി നന്ദിനി (28)യാണ് അറസ്റ്റിലായത്. ബസ് ഡ്രൈവർ മുസലയ്യ നൽകിയ പരാതിയുടെ അടിസ്ഥാനത്തിലാണ് നടപടി.ബുധനാഴ്ച്ചയായിരുന്നു സംഭവം. റോഡിന്റെ തെറ്റായ വശത്തിലൂടെയാണ് നന്ദിനി സഞ്ചരിച്ചതെന്ന് പൊലീസ് പറഞ്ഞു. ബസ് നീക്കാൻ കുറച്ച് സമയം കാത്തുനിൽക്കണമെന്ന് ഡ്രൈവർ ആവശ്യപ്പെട്ടതിനെ തുടർന്നുണ്ടായ വാക്കേറ്റമാണ് ആക്രമണത്തിൽ കലാശിച്ചത്.
സ്ത്രീ ബസിനുള്ളിലേക്ക് കയറി ഡ്രൈവറെ ക്രൂരമായി മർദ്ദിക്കുകയായിരുന്നു. സംഭവത്തിൽ ബസിലെ യാത്രക്കാർ മൊബൈൽ ക്യാമറയിൽ പകർത്തിയ ദൃശ്യങ്ങൾ പൊലീസ് പരിശോധിച്ചു. പരാതിയുടെ അടിസ്ഥാനത്തിൽ സൂര്യറപേട്ട് പൊലീസ് നടത്തിയ അന്വേഷണത്തിൽ വിവധ വകുപ്പുകൾ ചുമത്തി സ്ത്രീയെ അറസ്റ്റ് ചെയ്തതായി അധികൃതർ അറിയിച്ചു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.