വനിത മാവോവാദി തമിഴ്​നാട്​ പൊലീസിൽ കീഴടങ്ങി

ചെ​ൈന്ന: ഒളിവിലായിരുന്ന കർണാടകയിലെ വനിത മാവോവാദി പ്രഭ എന്ന സന്ധ്യ തമിഴ്​നാട്​ പൊലീസിൽ കീഴടങ്ങി. ഞായറാഴ്​ച ഉച്ചയോടെ തിരുപ്പത്തൂർ ജില്ല പൊലീസ്​ സൂപ്രണ്ടിന്​ മുന്നിലാണ്​ അവർ ഹാജരായത്​.

കർണാടക ശിവമൊഗ്ഗ സ്വദേശിനിയായ ഇവർ 2006 മുതൽ ഒളിവിലായിരുന്നു​. പാർട്ടിയുടെ സംസ്ഥാന കമ്മിറ്റി അംഗമായ ഇവരുടെ പേരിൽ 44 കേസുകളുണ്ടെന്ന്​ വെല്ലൂർ മേഖല ഡി.​െഎ.ജി എ.ജി ബാബു അറിയിച്ചു. പ്രഭയെ സംസ്ഥാന സർക്കാർ നിയന്ത്രണത്തിലുള്ള അഗതി കേന്ദ്രത്തിലേക്ക്​ മാറ്റി.

തമിഴ്​നാട്​ സർക്കാറി​െൻറ മാവോവാദി പുനരധിവാസ പദ്ധതിപ്രകാരം സാധാരണ ജീവിതം നയിക്കാൻ ആഗ്രഹിക്കുന്നതായി പ്രഭ നേരത്തെ എസ്​.പി ഡോ. ബാലകൃഷ്​ണനെ അറിയിച്ചിരുന്നു.

പുനരധിവാസ നിധിയായി ഒന്നര ലക്ഷം രൂപ മുതൽ രണ്ടു ലക്ഷം രൂപ വരെ സംസ്ഥാന സർക്കാർ അനുവദിക്കും. ഇതിനു​ പുറമെ മൂന്നു​ വർഷത്തേക്ക്​ മാസന്തോറും 4000 രൂപയും നൽകും.