ഹരിയാനയിൽ തട്ടിക്കൊണ്ടു പോകലിൽ നിന്ന് യുവതി രക്ഷപെട്ടത് തലനാരിഴക്ക്

യമുനാനഗർ (ഹരിയാന): ഹരിയാനയിലെ യമുനാനഗറിൽ തട്ടിക്കൊണ്ടുപോകലിൽനിന്ന് യുവതി രക്ഷപെട്ടത് തലനാരിഴക്ക്. ശനിയാഴ്ചയാണ് സംഭവം. സംഭവത്തിന്റെ മുഴുവൻ ദൃശ്യങ്ങളും സമീപത്തെ സി. സി ടി.വി കാമറയിൽ പതിഞ്ഞിട്ടുണ്ട്.

യുവതി നിലവിളിച്ച് ഒച്ചകൂട്ടിയതിനെ തുടർന്ന് നാലുപേരും തട്ടിക്കൊണ്ടുപോകൽ ശ്രമം ഉപേക്ഷിച്ച് ഓടി രക്ഷപ്പെടുകയായിരുന്നുവെന്നാണ് സ്ഥിരീകരിക്കാത്ത റിപ്പോർട്ടുകൾ. എന്നാൽ, കുറ്റകൃത്യത്തിന് പിന്നിലെ സത്യാവസ്ഥ കണ്ടെത്താനും എന്താണ് സംഭവിച്ചതെന്ന് കണ്ടെത്താനുമായി അന്വേഷണം ആരംഭിച്ചതായി പൊലീസ് അറിയിച്ചു. പാർക്ക് ചെയ്തിരുന്ന യുവതിയുടെ കാറിലേക്ക് നാലുപേർ കടന്നുവന്ന് അവരെ തട്ടിക്കൊണ്ടുപോകാൻ ശ്രമിക്കുകയായിരുന്നുവെന്ന് പൊലീസ് പറഞ്ഞു.