കർഷക പ്രക്ഷോഭത്തിനിടയിൽ കോവിഡ്​ ബാധിച്ചു മരിച്ച പെൺകുട്ടി പീഡനത്തിനിരയായെന്ന്​ പരാതി​

ചണ്ഡീഗഡ്​: ഡൽഹിയിൽ കർഷക പ്രക്ഷോഭത്തിൽ പ​ങ്കെടുക്കുന്നതി​നിടെ കോവിഡ്​ ബാധിച്ചു മരിച്ച പെൺകുട്ടി പീഡനത്തിനിരയായെന്ന്​ പരാതി​. ഡൽഹി അതിർത്തിയ തിക്രിയിൽ നടന്ന സമരത്തിൽ പ​ങ്കെടുക്കാൻ പശ്ചിമ ബംഗാളിൽ നിന്നെത്തിയ 25 കാരിയാണ്​ പീഡനത്തിരയായതെന്ന്​ പിതാവ്​ പൊലീസിൽ നൽകിയ പരാതിയിൽ പറയുന്നു.

സമരത്തിൽ പ​ങ്കെടുക്കാൻ ഒപ്പമെത്തിയ രണ്ടുപേരാണ്​​ പീഡിപ്പിച്ചതെന്ന്​ മകൾ ഫോണിലൂടെ പറഞ്ഞതായി പരാതിയിൽ പറയുന്നു. പരാതിയുടെ അടിസ്ഥാനത്തിൽ പ്രതികളെ കണ്ടെത്താൻ പൊലീസ്​ ​ശ്രമം ആരംഭിച്ചു.

ഏപ്രിൽ 10 നാണ്​ പെൺകുട്ടി ബംഗാളിൽ നിന്ന്​ പുറപ്പെട്ടത്​. 26 ന്​ കോവിഡ്​ ലക്ഷണങ്ങളെ തുടർന്ന്​ ആശുപത്രിയിൽ പ്രവേശിപ്പിച്ച പെൺകുട്ടി 30 നാണ്​ മരിക്കുന്നത്​.

കോവിഡ്​ രോഗിയെ പോലെ പരിഗണിച്ചാണ്​ചികിത്സ നൽകിയതെന്ന്​ ആശുപത്രി അധികൃതർ അറിയിച്ചതായി പൊലീസ്​ പറഞ്ഞു. കൂടുതൽ രേഖകൾക്കായി അന്വേഷണം ആരംഭിച്ചിരിക്കുകയാണ്​.

അതെ സമയം കാർഷിക നിയമങ്ങൾക്കെതിരായ സമരത്തിന്​ നേതൃത്വം നൽകുന്ന സംയുക്​ത കിസാൻ മോർച്ച അന്വേഷണത്തെ സ്വാഗതം ചെയ്​തു.

'കിസാൻ സോഷ്യൽ ആർമി' എന്ന ​പേരിൽ ബംഗാളിൽ നിന്ന്​ വന്ന സമരാനുകൂലിളോടൊപ്പമാണ്​​ പെൺകുട്ടിയും വന്നത്​. ദില്ലിയിലേക്കുള്ള യാത്രാമധ്യേ തിക്രി അതിർത്തിയിൽ വെച്ച്​ അവരിൽ ചിലരിൽ നിന്ന്​ പെൺകുട്ടിക്ക്​ നേരെ ആക്രമണം ഉണ്ടായതായി അറിഞ്ഞ ഉടൻ കടുത്ത നടപടി സ്വീകരിച്ചിരുന്നു. ഇതിനൊപ്പം 'കിസാൻ സോഷ്യൽ ആർമി' യുടെ പേരിലുള്ള കൂടാരങ്ങളും ബാനറുകളും സമരത്തി​ൽ നിന്ന്​ നീക്കിയെന്നും സംയുക്​ത കിസാൻ മോർച്ച നേതാക്കൾ പ്രസ്​താവനയിൽ പറഞ്ഞു.