തിരക്കേറിയ വഴിയരികയിൽ സ്​ത്രീ​െയ ബലാത്​സംഗം ചെയ്​തു

ന്യൂഡൽഹി: ആന്ധ്രാപ്രദേശിലെ വിശാഖപട്ടണത്ത്​ പട്ടാപ്പകൽ വഴിയോരത്തുവച്ച് നാട്ടുകാർ നോക്കി നിൽക്കെ സ്ത്രീ  ബലാത്സംഗത്തിന് ഇരയായി. ആളുകൾ കാഴ്​ചക്കാരായി നിൽക്കുകയും ദൃശ്യം പകർത്തുകയും ചെയ്​തതല്ലാതെ ആരും ഇവരെ സഹായിച്ചില്ല. 

20കാരനായ ഗഞ്ചി ശിവയാണ്​ പ്രതി. ഇയാൾ മദ്യപിച്ചിട്ടുണ്ടായിരുന്നെന്നും വാർത്തകളുണ്ട്​. സംഭവത്തിനു ശേഷം​ പ്രതിയെ  പൊലീസ്​ അറസ്​റ്റ്​ ചെയ്​തു. ഞായറാഴ്ച നടന്ന സംഭവം ഒരു ഓട്ടോ ഡ്രൈവറാണ് പകർത്തിയത്​. മൊബൈൽ ദൃശ്യങ്ങള്‍ ഇദ്ദേഹം പൊലീസിന്​ കൈമാറി. 

സ്​ത്രീ റെയിൽവേ സ്​റ്റേഷനു സമീപത്തെ തിരക്കേറിയ നടപ്പാതയി​െല മരച്ചുവട്ടിലിരിക്കു​േമ്പാഴാണ്​ പ്രതി അവരെ ബലാത്​സംഗം ചെയ്​തത്​. ഈ സമയം നിരവധിപേര്‍ ഫുട്പാത്തിലൂടെ നടക്കുന്നത് വീഡിയോയില്‍ കാണാമെങ്കിലും ആരും സഹായിക്കാന്‍ തയ്യാറായില്ല. ബലാത്സംഗത്തിന് ഇരയായ സ്ത്രീയെ ആശുപത്രിയില്‍ പ്രവേശിപ്പിച്ചിട്ടുണ്ട്. 

സംഭവം പുറംലോകം അറിഞ്ഞതോടെ ദൃശ്യങ്ങള്‍ പകര്‍ത്തിയ ഓട്ടോ ഡ്രൈവര്‍ക്കെതിരെയും പരാതിയുമായി വനിതാ സംഘടനകള്‍ അടക്കമുള്ളവര്‍ രംഗത്തെത്തിയിട്ടുണ്ട്. സ്ത്രീയെ സഹായിക്കാന്‍ തയ്യാറാകാതെ സംഭവത്തി​​െൻറ ദൃശ്യങ്ങള്‍ പകര്‍ത്തിയ ഓട്ടോ ഡ്രൈവര്‍ക്കെതിരെയും കേസെടുക്കണമെന്ന് വിവിധ സംഘടനകള്‍ ആവശ്യപ്പെട്ടു.