കോവിഡ്​ ചട്ടങ്ങൾക്ക്​ പുല്ലുവില; മാസ്​ക്​ ധരിക്കാതെ തഹസിൽദാറുടെ ഡാൻസ്, സാമൂഹിക അകലവും പാലിച്ചില്ല -വിഡിയോ വൈറൽ​

ജജ്​പൂർ (ഒഡീഷ): വിവാഹാഘോഷങ്ങൾക്കിടെ കോവിഡ്​ മാനദണ്ഡങ്ങൾ ലംഘിച്ച്​ ഒഡിഷ അഡ്​മിനിസ്രേടറ്റീവ്​ സർവീസിലെ വനിത ഉദ്യോഗസ്​ഥ നൃത്തം ചെയ്​തത്​ വിവാദമായി. സഹോദര​െൻറ വിവാഹചടങ്ങിനിടെയായിര​ുന്നു സുകിന്ദയിൽ തഹസീൽദാറായ ബുൾബുൾ ബെഹറയുടെ​ ഡാൻസ്​. സാമൂഹിക മാധ്യമങ്ങളിലൂടെയാണ്​ ഉദ്യോഗസ്​ഥയുടെ ഡാൻസ്​ പുറത്തായത്​.

കോവിഡ്​ ഡ്യൂട്ടിയും മഹാമാരിയെ കുറിച്ച്​ ജനങ്ങളെ ബോധവാൻമാരാക്കാനും ചുമതലയുള്ള ഉദ്യോഗസ്​ഥക്കെതിരെയാണ്​ ഗുരുതര ആക്ഷേപം. 'തഹസീൽദാർ ഇപ്പോൾ അവധിയിലാണ്​. അവർ മടങ്ങി വരു​േമ്പാൾ വിശദീകരണം ആവശ്യപ്പെടുന്നതായിരിക്കും. വിശദീകരണത്തി​െൻറ അടിസ്​ഥാനത്തിലായിരിക്കും ബാക്കി നടപടികൾ' -ജജ്​പൂർ ജില്ല കലക്​ടർ ചക്രവർത്തി സിങ്​ റാത്തോഡ്​ പറഞ്ഞു.

ഉദ്യോഗസ്​ഥയായാലും പൊത​ുജനങ്ങളായാലും കോവിഡ്​ മാർനിർദേശങ്ങൾ ലംഘിക്കാൻ പാടുള്ളതല്ലെന്ന്​ കലക്​ടർ ഓർമിപ്പിച്ചു.

മാസ്​ക്​ ധരിക്കാതെയും സാമൂഹിക അകലം പാലിക്കാതെയുമാണ്​ ഉദ്യോഗസ്​ഥ ഡാൻസ്​ ചെയ്യുന്നതെന്നാണ്​ വിഡിയോയിൽ കാണാൻ സാധിക്കുന്നത്​. കോവിഡ്​ വ്യാപനത്തി​െൻറ പശ്ചാത്തലത്തിൽ സംസ്​ഥാനത്ത്​ വിവാഹത്തിൽ പ​ങ്കെടുക്കുന്നവരുടെ എണ്ണം 25 ആയി നിജപ്പെടുത്തിയിര​ുന്നു. വിവാദത്തിൽ ആരോപണവിധേയയായ ഉദ്യോഗസ്​ഥ ഇതുവരെ പ്രതികരിച്ചിട്ടില്ല.

ജഗത്​സിങ്​പൂർ ജില്ലയിലെ ജഗന്നാഥ്​പൂർ ഗ്രാമത്തിൽ വെച്ച്​ മേയ്​ 21നായിരുന്നു വിവാഹം. കോവിഡ്​ ചട്ടങ്ങൾ കാറ്റിൽ പറത്തി രാത്രിയായിരുന്നു ആഘോഷങ്ങൾ.

ജജ്​പൂർ ജില്ലയിലെ തന്നെ പനിക്കോയിലി പൊലീസ്​ സ്​റ്റേഷനിൽ വെച്ച്​ നാല്​ ഉദ്യോഗസ്ഥരും ഒരു ഹോം ഗാർഡും യൂനിഫോമിൽ ഡാൻസ്​ ചെയ്യുന്ന വിഡിയോ വൈറലായതിന്​ പിന്നാലെ എ.എസ്​.ഐയെ സസ്​പെൻഡ്​ ചെയ്​തിരുന്നു.