യുവതിക്ക് ക്രൂരമർദനവും ബലാത്സംഗവും, വി​ഡിയോയും പ്രചരിപ്പിച്ചു; ബംഗളൂരുവിൽ ആറുപേർ അറസ്​റ്റിൽ

ബംഗളൂരു: യുവതിയെ ബലാത്സംഗം ചെയ്യുകയും ക്രുരമായി ഉപദ്രവിക്കുകയും ചെയ്​ത ആറുപേർ ബംഗളൂരുവിൽ അറസ്​റ്റിൽ. രണ്ടു സ്​ത്രീകൾ ഉൾപ്പെടെ ആറുപേരാണ്​ അറസ്​റ്റിലായത്​. ആറുദിവസം മുമ്പ്​ ബംഗളൂരുവിൽവെച്ചായിരുന്നു ആക്രമണം.

ആക്രമണത്തി​െൻറ വിഡിയോ ദൃശ്യങ്ങൾ ​സമൂഹമാധ്യമങ്ങളിൽ പ്രചരിച്ചിരുന്നു. അസമിൽ നടന്നതെന്ന തരത്തിലാണ്​ ദൃശ്യങ്ങൾ പ്രചരിച്ചത്​. കൂടാതെ അ​സം പൊലീസ്​ അന്വേഷണവും ആരംഭിച്ചിരുന്നു.

സ്​ത്രീയെ ഉപദ്രവിക്കുന്ന ദൃശ്യങ്ങളാണ്​ വിഡിയോയിൽ. 22കാരിയുടെ സ്വകാര്യഭാഗത്ത്​ കുപ്പി കയറ്റിയതായാണ്​ വിവരം. കൂടാതെ ​യുവതി കൂട്ടബലാത്സംഗത്തിന്​ ഇരയായതായും പറയുന്നു.

വിഡിയോയിലെ ഉള്ളടക്കത്തെ അടിസ്​ഥാനമാക്കിയും പ്രതികളെ ചോദ്യം ചെയ്​തതി​െൻറ അടിസ്​ഥാനത്തിലും ഇവർക്കെതിരെ ബലാത്സംഗം, ആക്രമണം, മറ്റു കുറ്റങ്ങൾ തുടങ്ങിയ ചുമത്തിയതായി ബംഗളൂരു പൊലീസ്​ പറഞ്ഞു.

'പ്രാഥമിക അന്വേഷണത്തി​െൻറ അടിസ്​ഥാനത്തിൽ എല്ലാവരും ഒരേ സംഘത്തിലെ ആളുകളാണെന്നാണ്​ നിഗമനം. ഇവർ ബംഗ്ലാദേശികളാണെന്നാണ്​ വിവരം. സാമ്പത്തിക തർക്കത്തി​െൻറ ഭാഗമായി പ്രതികൾ യുവതിയെ ക്രൂരമായി ഉപദ്രവിക്കുകയായിരുന്നു. യുവതിയും ബംഗ്ലാദേശിയാണ്​. മനുഷ്യക്കടത്തി​െൻറ ഭാഗമായി ഇന്ത്യയിലെത്തി​ച്ചതെന്നാണ്​ നിഗമനം' -പൊലീസ്​ കൂട്ടിച്ചേർത്തു.

യുവതി ഇപ്പോൾ മറ്റൊരു സംസ്​ഥാനത്താണെന്നും അവരെ കൂട്ടിക്കൊണ്ടുവരാൻ പൊലീസ്​ സംഘം പുറപ്പെട്ടിട്ടു​ണ്ടെന്നും​ പറഞ്ഞു. പെൺകുട്ടിയെ സംസ്​ഥാനത്ത്​ എത്തിച്ചതിന്​ ശേഷം മജിസ്​ട്രേറ്റിന്​ മുമ്പിൽ മൊഴി രേഖപ്പെടുത്തും.

ആക്രമണത്തി​െൻറ വിഡിയോ ദൃശ്യങ്ങളിൽ ഉ​ത്തരേന്ത്യൻ ഭാഗങ്ങളിൽ വ്യാപകമായി പ്രചരിച്ചിരുന്നു. ആക്രമണത്തി​െൻറ ദൃശ്യങ്ങൾ പ്രചരിച്ചതോടെ അസം പൊലീസ്​ ഇവർക്കായി അ​ന്വേഷണം പ്രഖ്യാപിച്ചിരുന്നു. യുവതിയെ അഞ്ചുപേർ ചേർന്ന്​ ക്രൂരമായി ഉപദ്രവിക്കുന്ന വിഡിയോ ദൃശ്യങ്ങൾ വൻ​തോതിൽ പ്രചരിച്ചിരുന്നു. ആക്രമണം എവിടെവെച്ചായിരുന്നോ, എന്നാണെന്നോ വ്യക്തമല്ല. ഇൗ കുറ്റകൃത്യവുമായി ബന്ധപ്പെട്ട്​ ആരെയെങ്കിലും കുറിച്ച്​ വിവരം ലഭിക്കുകയാണെങ്കിൽ ഉടൻ വിവരം അറിയിക്കണം. അവർക്ക്​ പാരിതോഷികം നൽകും' -അസം പൊലീസി​െൻറ ട്വിറ്റർ പോസ്​റ്റിൽ പറയുന്നു.