സുപ്രീംകോടതിക്ക്​ മുമ്പിൽ തീകൊളുത്തി ജീവനൊടുക്കാൻ ശ്രമിച്ച്​ യുവതിയും യുവാവും

ന്യൂഡൽഹി: സുപ്രീംകോടതിക്ക്​ മുമ്പിൽ തീകൊളുത്തി ആത്മഹത്യക്ക്​ ശ്രമിച്ച്​ ഉത്തർപ്രദേശ് സ്വദേശിയായ​ യുവതിയും യുവാവും. തിങ്കളാഴ്​ച രാവിലെയാണ്​ സംഭവം. ഗുരുതരമായി പൊള്ളലേറ്റ ഇരുവരെയും ആശുപത്രിയിൽ പ്രവേശിച്ചു.

ആത്മാഹൂതിക്കൊരുങ്ങുന്നതിന്​ തൊട്ടുമുമ്പ്​ യുവതിയുടേതായ ഫേസ്​ബുക്ക്​ ലൈവ്​ വിഡിയോ പുറത്തുവിട്ടിരുന്നു. ബഹുജൻ സമാജ്​വാദി പാർട്ടി എം.പി അതുൽ റായ്​ക്കെതിരെ യുവതി ബലാത്സംഗ പരാതി കൊടുത്തിരുന്നു. കേസിൽ പൊലീസ്​ എം.പിയെ സഹായിക്കുകയാണെന്നായിരുന്നു ആരോപണം. 'എനിക്കെതിരെ അവർ ജാമ്യമില്ലാ വാറണ്ട്​ പുറപ്പെടുവിച്ചു. ജഡ്​ജ്​ ഹാജരാകാൻ വിളിച്ചു. അവരെല്ലാം ആ കൂട്ടത്തി​െൻറ ഭാഗമാണ്​. ഞാനും എ​െൻറ സാക്ഷിയും ഇപ്പോൾ കുടുങ്ങി' -അവർ പറഞ്ഞു.

'ഇ​േപ്പാൾ ഞങ്ങൾക്കെതിരെ വ്യാജ കേസുകളും ജാമ്യമില്ലാ വാറണ്ടും പുറ​െപ്പടുവിക്കാൻ കഴിയും. ഇതാണ്​ ഉത്തർപ്രദേശിലെ നിയമസംവിധാനം' -എണ്ണയൊഴിച്ച്​ തീ കൊളുത്തുന്നതിന്​ മുമ്പ്​ യുവാവ്​ പറഞ്ഞു.

ഉത്തർപ്രദേശിലെ ഗാസിയാബാദ്​ സ്വദേശിയാണ്​ യുവതി. 2019ൽ എം.പി അതുൽ രാജിനെതിരെ ഇവർ ബലാത്സംഗ പരാതി നൽകിയിരുന്നു. തുടർന്ന്​ റായ്​ ജയിലിൽ ആകുകയും ചെയ്​തു. ഇതോടെ​ ജനനതീയതി സംബന്ധിച്ച്​ വ്യാജരേഖ ചമച്ചുവെന്ന്​ ചൂണ്ടിക്കാട്ടി കഴിഞ്ഞവർഷം നവംബറിൽ അതുൽ റായ്​യുടെ സഹോദരൻ യുവതിക്കെതിരെ വാരാണസി പൊലീസിൽ കേസ്​ രജിസ്​റ്റർ ചെയ്യുകയായിരുന്നു. തുടർന്ന്​ യുവതിക്കെതിരെ വഞ്ചന, വ്യാജരേഖ ചമക്കൽ, ക്രിമിനൽ ഗൂഡാലോചന തുടങ്ങിയവ പ്രകാരം യുവതിക്കെതിരെ കേസ്​ എടുക്കുകയും ചെയ്​തു.

നിരവധി പരി​േശാധനകൾ നടത്തിയിട്ടും യുവതിയെ കണ്ടെത്താൻ സാധിച്ചില്ലെന്ന്​ പൊലീസ്​ കോടതിയെ അറിയിച്ചതോടെ യുവതിക്കെതിരെ വാരാണസിയിലെ പ്രാദേശിക കോടതി ജാമ്യമില്ലാ വാറണ്ട്​ പുറപ്പെടുവിക്കുകയായിരുന്നു.

തിങ്കളാഴ്​ച രാവിലെ പൊലീസുകാരും സുരക്ഷാ ഉദ്യോഗസ്​ഥരും നോക്കിനിൽ​േക്കയാണ്​ ഇരുവരും തീകൊളുത്തിയത്​. വെള്ളവും മറ്റും ഉപയോഗിച്ച്​ തീ അണക്കാൻ ​ശ്രമിച്ചെങ്കിലും രണ്ടുപേരും കുഴഞ്ഞ്​ നിലത്ത്​ വീഴുകയായിരുന്നുവെന്നും പൊലീസ്​ പറഞ്ഞു. യുവതിക്ക്​ 85 ശതമാനവും യുവാവിന്​ 65 ശതമാനവും പൊള്ളലേറ്റിട്ട​ുണ്ട്​.