ലോക കോഫി സമ്മേളനം സമാപിച്ചു

ബം​ഗ​ളൂ​രു: ബം​ഗ​ളൂ​രു പാ​ല​സ് ഗ്രൗ​ണ്ടി​ൽ നാ​ലു ദി​വ​സ​ങ്ങ​ളി​ലാ​യി ന​ട​ന്ന ലോ​ക കോ​ഫി സ​മ്മേ​ള​നം സ​മാ​പി​ച്ചു. സ​മ്മേ​ള​നം പ​ങ്കാ​ളി​ത്തം​കൊ​ണ്ടും സ​ന്ദ​ർ​ശ​ക ബാ​ഹു​ല്യം​കൊ​ണ്ടും പൂ​ർ​ണ​വി​ജ​യ​മാ​യി​രു​ന്നു​വെ​ന്ന് കോ​ഫി ബോ​ര്‍ഡ് ഓ​ഫ് ഇ​ന്ത്യ സി.​ഇ.​ഒ ഡോ. ​കെ.​ജി. ജ​ഗ​ദീ​ശ വാ​ർ​ത്ത​സ​മ്മേ​ള​ന​ത്തി​ൽ പ​റ​ഞ്ഞു. കാ​പ്പി വ്യ​വ​സാ​യ മേ​ഖ​ല അ​ഭി​മു​ഖീ​ക​രി​ക്കു​ന്ന വെ​ല്ലു​വി​ളി​ക​ളും പ​രി​ഹാ​ര​മാ​ര്‍ഗ​ങ്ങ​ളും വി​വി​ധ സെ​ഷ​നു​ക​ളി​ല്‍ ച​ര്‍ച്ച​യാ​യി. രാ​ജ്യാ​ന്ത​ര സ​മ്മേ​ള​നം, സ്‌​കി​ല്‍ ബി​ല്‍ഡി​ങ് സെ​മി​നാ​ര്‍, ഗ്രോ​വേ​ഴ്‌​സ് സ​മ്മേ​ള​നം, സ്റ്റാ​ര്‍ട്ട​പ്പ് കോ​ണ്‍ക്ലേ​വ് എ​ന്നി​വി​ട​ങ്ങ​ളി​ലെ 45 സെ​ഷ​നു​ക​ളി​ലാ​യി 127 പേ​ര്‍ ക്ലാ​സെ​ടു​ത്തു. ഇ​തി​ല്‍ 80 പേ​ര്‍ രാ​ജ്യാ​ന്ത​ര പ്ര​തി​നി​ധി​ക​ളാ​ണ്. 347 ബി ​ടു ബി ​യോ​ഗ​ങ്ങ​ള്‍ ന​ട​ന്നു. സ​മ്മേ​ള​ന​ത്തി​ല്‍ ആ​കെ 2606 പ്ര​തി​നി​ധി​ക​ളാ​ണ് പ​ങ്കെ​ടു​ത്ത​ത്.

കൂ​ടാ​തെ 12,522 ബി​സി​ന​സ് പ്ര​തി​നി​ധി​ക​ളും 253 പ്ര​ദ​ർ​ശ​ക​രും പ​ങ്കെ​ടു​ത്തു. സ​മ്മേ​ള​നം ന​ട​ത്താ​ന്‍ പ​ദ്ധ​തി​യി​ട്ട​പ്പോ​ള്‍ 1600 ഡെ​ലി​ഗേ​റ്റു​ക​ളെ മാ​ത്ര​മാ​ണ് സം​ഘാ​ട​ക​ര്‍ പ്ര​തീ​ക്ഷി​ച്ചി​രു​ന്ന​ത്. എ​ന്നാ​ല്‍, സ​മ്മേ​ള​നം ആ​രം​ഭി​ക്കു​ന്ന​തി​ന് 15 ദി​വ​സം മു​മ്പ് 2000 പേ​ര്‍ ര​ജി​സ്റ്റ​ര്‍ ചെ​യ്ത​തി​നാ​ല്‍ ര​ജി​സ്‌​ട്രേ​ഷ​ന്‍ നി​ര്‍ത്തി​വെ​ക്കേ​ണ്ടി വ​ന്നു. പി​ന്നീ​ട് ര​ജി​സ്‌​ട്രേ​ഷ​ന്‍ പു​ന​രാ​രം​ഭി​ക്കാ​ന്‍ വ​ലി​യ സ​മ്മ​ർ​ദ​മു​ണ്ടാ​യി. തു​ട​ർ​ന്ന് 2700 പേ​രു​ക​ള്‍ ര​ജി​സ്റ്റ​ര്‍ ചെ​യ്ത​താ​യി ജ​ഗ​ദീ​ശ പ​റ​ഞ്ഞു. ഇ​ന്ത്യ​യി​ല്‍ ആ​ദ്യ​മാ​യാ​ണ് ലോ​ക കോ​ഫി സ​മ്മേ​ള​നം ന​ട​ന്ന​ത്. കോ​ഫി ബോ​ര്‍ഡ് ഓ​ഫ് ഇ​ന്ത്യ, വാ​ണി​ജ്യ വ്യ​വ​സാ​യ മ​ന്ത്രാ​ല​യം, ക​ര്‍ണാ​ട​ക സ​ര്‍ക്കാ​ര്‍ എ​ന്നി​വ​യു​മാ​യി സ​ഹ​ക​രി​ച്ച് ഇ​ന്റ​ര്‍നാ​ഷ​ന​ല്‍ കോ​ഫി ഓ​ര്‍ഗ​നൈ​സേ​ഷ​നാ​ണ് സ​മ്മേ​ള​നം സം​ഘ​ടി​പ്പി​ച്ച​ത്.