റോഡിൽ മുള സുരക്ഷാവേലി; ലോകത്താദ്യമെന്ന് മന്ത്രി നി​തി​ൻ ഗ​ഡ്ക​രി

നാ​ഗ്പു​ർ: ലോ​ക​ത്താ​ദ്യ​മാ​യി മു​ള​കൊ​ണ്ടു​ള്ള ക്രാ​ഷ് ബാ​രി​യ​ർ മ​ഹാ​രാ​ഷ്ട്ര​യി​ലെ ഹൈ​വേ​യി​ൽ സ്ഥാ​പി​ച്ച​താ​യി കേ​ന്ദ്ര റോ​ഡ് ഗ​താ​ഗ​ത-​ഹൈ​വേ മ​ന്ത്രി നി​തി​ൻ ഗ​ഡ്ക​രി. റോ​ഡ​പ​ക​ട​ങ്ങ​ളു​ടെ തീ​വ്ര​ത കു​റ​ക്കാ​ൻ വ​ശ​ങ്ങ​ളി​ലും മ​റ്റും സ്ഥാ​പി​ക്കു​ന്ന ഉ​രു​ക്കു​കൊ​ണ്ടു​ള്ള ക്രാ​ഷ് ബാ​രി​യ​റി​നു പ​ക​ര​മാ​ണ് 200 മീ​റ്റ​ർ നീ​ള​ത്തി​ൽ മു​ള​യി​ൽ തീ​ർ​ത്ത ബാ​രി​യ​ർ സ്ഥാ​പി​ച്ച​ത്.

ച​ന്ദ്രാ​പു​രി​നെ​യും യ​വാ​ത്മാ​ലി​നെ​യും ബ​ന്ധി​പ്പി​ക്കു​ന്ന വാ​ണി-​വ​റോ​റ ഹൈ​വേ​യി​ലാ​ണ് പു​തി​യ പ​രീ​ക്ഷ​ണം ന​ട​പ്പാ​ക്കി​യ​ത്.

രാ​ജ്യ​ത്തി​നും മു​ള​വ്യ​വ​സാ​യ​ത്തി​നും അ​ഭി​മാ​നാ​ർ​ഹ​മാ​യ നേ​ട്ട​മാ​ണി​തെ​ന്നും ഉ​രു​ക്കി​ന് മി​ക​ച്ച ബ​ദ​ലാ​യ മു​ള ബാ​രി​യ​ർ പ്ര​കൃ​തി​സൗ​ഹൃ​ദ​മാ​ണെ​ന്നും ഗ​ഡ്ക​രി ട്വി​റ്റ​റി​ൽ കു​റി​ച്ചു. ആ​ത്മ​നി​ർ​ഭ​ർ ഭാ​ര​ത് പ​ദ്ധ​തി​യു​ടെ ഭാ​ഗ​മാ​യ ഇ​തി​ന് ബാ​ഹു​ബ​ലി എ​ന്ന് പേ​രി​ട്ട​താ​യും മ​ന്ത്രി പ​റ​ഞ്ഞു.

‘‘നാ​ഷ​ന​ൽ ഓ​ട്ടോ​മോ​ട്ടി​വ് ടെ​സ്റ്റ് ട്രാ​ക്സ്, സെ​ൻ​ട്ര​ൽ ബി​ൽ​ഡി​ങ് റി​സ​ർ​ച് ഇ​ൻ​സ്റ്റി​റ്റ്യൂ​ട്ട്, ഇ​ന്ത്യ​ൻ റോ​ഡ് കോ​ൺ​ഗ്ര​സ് തു​ട​ങ്ങി​യ​വ​യു​ടെ ക​ർ​ശ​ന ഗു​ണ​നി​ല​വാ​ര പ​രി​ശോ​ധ​ന​ക്കു ശേ​ഷ​മാ​ണ് ഇ​ത് അ​വ​ത​രി​പ്പി​ച്ച​ത്.

ഉ​രു​ക്ക് ബാ​രി​യ​റു​ക​ളു​ടെ പു​ന​രു​പ​യോ​ഗ​മൂ​ല്യം 30-50 ശ​ത​മാ​ന​മാ​ണെ​ങ്കി​ൽ മു​ള​യു​ടേ​തി​ന് 50-70 ശ​ത​മാ​ന​മാ​ണ്.

ട്രീ​റ്റ് ചെ​യ്ത ബാം​ബൂ​സ ബാ​ൽ​കോ​വ വി​ഭാ​ഗം മു​ള​യി​ൽ നി​ർ​മി​ച്ച്, ഹൈ ​ഡെ​ൻ​സി​റ്റി പോ​ളി​എ​ഥി​ലീ​നി​ൽ ആ​വ​ര​ണം ചെ​യ്താ​ണ് ബാ​രി​യ​ർ നി​ർ​മി​ച്ച​ത്’’ -ഗ​ഡ്ക​രി കൂ​ട്ടി​ച്ചേ​ർ​ത്തു.