കോവിഡിനെ മറികടക്കാൻ യോഗയും പ്രാണായാമവും ശീലമാക്കൂ -രാഷ്​ട്രപതി

ന്യൂഡൽഹി: കോവിഡിനെ മറികടക്കാൻ യോഗയും പ്രാണായാമവും ശീലമാക്കാൻ ഉപദേശിച്ച്​ രാഷ്​ട്രപതി രാംനാഥ്​ കോവിന്ദ്​. പ്രസിഡൻറ്​ ഓഫ്​ ഇന്ത്യയുടെ ഔദ്യോഗിക ട്വിറ്റർ ഹാൻഡിലിലൂടെയാണ്​ രാഷ്​ട്രപതിയുടെ ഉപദേശം.

രാഷ്​ട്രപതി ട്വീറ്റ്​ ചെയ്​തത്​ ഇങ്ങനെ: '' നമുക്കെല്ലാവർക്കും യോഗയും പ്രാണായാമവും നിത്യജീവിതത്തി​െൻറ ഭാഗമാക്കാം. നമുക്ക്​ സമൂഹത്തിലേക്ക്​ ഇത്​ പ്രചരിപ്പിക്കുകയും ചെയ്യാം. ഈ മഹാമാരി മൂലമുണ്ടായ ദുരന്തത്തെ മറികടക്കാൻ നമുക്കിത്​ കൊണ്ട്​ മാത്രമേ കഴിയൂ. കൂടാതെ ഇതുവഴി നമുക്ക്​ ആരോഗ്യമുള്ള രാജ്യത്തെ വാർത്തെടുക്കാനും കഴിയും''.

മറ്റൊരു ട്വീറ്റിൽ വാക്​സിനേഷ​െൻറ പ്രാധാന്യവും രാഷ്​ട്രപതി ഉണർത്തി. ''ഏറ്റവും ആദ്യം സ്വയം വാക്​സിനെടുക്കൽ മാത്രമല്ല, മറ്റുള്ളവരെ വാക്​സിനേഷനായി പ്രചോദിപ്പിക്കുന്നതും ഓരോരുത്തരുടെയും കടമയാണ്​. ഇത് ചെയ്യുന്നതിലൂടെ നിങ്ങൾ ബോധമുള്ള ഒരു പൗര​െൻറ ചുമതലകൾ നിർവഹിക്കുകയാണ്​'' -രാഷ്​ട്രപതി ട്വീറ്റ്​ ചെയ്​തു.