ഗുജറാത്തിൽ ബി.ജെ.പി കൂപ്പുകുത്തും; യോഗേന്ദ്ര യാദവ്​

ന്യൂഡൽഹി: ഗുജറാത്തിൽ ബി.ജെ.പി വൻ പരാജയമേറ്റ്​ വാങ്ങുമെന്ന് ആം ആദ്​മി പാർട്ടി മുൻ ദേശീയ നേതാവും രാഷ്​ട്രീയ നിരീക്ഷകനുമായ യോഗേന്ദ്ര യാദവ്​.​  ട്വിറ്ററിലൂടെയാണ്​ ഗുജറാത്ത്​ തെരഞ്ഞെടുപ്പ്​ ഫലം ബി​.ജെ.പിക്ക്​ എതിരാവുമെന്ന യോഗേന്ദ്ര യാദവി​​​െൻറ​​ പ്രവചനം​. 

നേരത്തെ, എ.ബി.പി ന്യൂസ്​ ഹിന്ദി ചാനൽ നടത്തിയ ​സർവേകൾ ഉയർത്തികാട്ടിയായിരുന്നു​ യാദവിന്‍റെ പ്രവചനം​.  
ആഗസ്​റ്റിൽ നടത്തിയ സർവേയിൽ ബി.ജെ.പിയുടെ ലീഡ് ​30 ശതമാനമായിരുന്നെന്നും ഒക്​ടോബറിൽ അത്​ 6 ശതമാനവും നവംബറിൽ പൂജ്യം ശതമാനവുമായെന്നും യാദവ്​ ചൂണ്ടിക്കാട്ടുന്നു.

യോഗേന്ദ്ര യാദവി​​​െൻറ ട്വീറ്റ്​

 

കാറ്റ്​ വീശുന്നത്​ ബി​.ജെ.പിക്ക്​ എതിരാണ്​. തെരഞ്ഞെടുപ്പിൽ ബി.ജെ.പി കനത്ത പരാജയം ഏറ്റുവാങ്ങു​ം. അത്​ വലിയ രാഷ്​ട്രീയ ഭൂകമ്പം ഉണ്ടാക്കുമെന്നും യോഗേന്ദ്ര യാദവ് വ്യക്കമാക്കുന്നു.