യോഗിയുടെ പൊലീസ്​ പിടികൂടിയ പാസ്റ്ററെ കണ്ണന്താനം മോചിപ്പിച്ചു

ന്യൂഡൽഹി: ഉത്തർപ്രദേശിലെ മീറത്തിൽ സംഘ്​പരിവാർ സംഘടനയായ ബജ്​റംഗ്​ദളി​​​െൻറ പരാതിയിൽ യോഗി ആദിത്യനാഥ്​ സർക് കാറി​​​െൻറ പൊലീസ്​ കസ്​റ്റഡിയിലെടുത്ത മലയാളി പാസ്​റ്ററെയും കുടുംബത്തെയും കേന്ദ്ര ടൂറിസം സഹമന്ത്രി അൽഫോൻസ ്​ കണ്ണന്താനം ഇടപെട്ട്​ രക്ഷപ്പെടുത്തി.

മീറത്തിലെ മവാനയിൽ കൈക്കുഞ്ഞ്​ ഉൾ​െപ്പടെ പൊലീസ് കസ്​റ്റഡിയിലെടു ത്ത പാസ്​റ്ററെയും സംഘത്തെയുമാണ്​ യു.പി കേഡറിലുള്ള മലയാളി ഉദ്യോഗസ്​ഥൻ മുഖേന നടത്തിയ ഇടപെടലിലൂടെ മോചിപ്പിച്ചതെന്ന്​ കണ്ണന്താനം അറിയിച്ചു.

തിങ്കളാഴ്​ച ഉച്ചയോടെ മവാനയിൽ പ്രാർഥനയോഗം നടക്കു​േമ്പാഴാണ്​ പാസ്​റ്റർ കെ.വി. അബ്രഹാമി​​​െൻറ നേതൃത്വത്തിലുള്ള സംഘത്തെ ബജ്​റംഗ്​ദൾ നൽകിയ പരാതിയിൽ പൊലീസ് പിടികൂടിയത്​. സംഘത്തിൽ സ്ത്രീകളും ഒരു വയസ്സുള്ള കുട്ടിയും ഉൾപ്പെട്ടിരുന്നു. മന്ത്രി കണ്ണന്താനത്തിനു വിവരം ലഭിച്ചപ്പോൾ യു.പി കേഡറിലുള്ള മലയാളി ഐ.പി.എസ് ഉദ്യോഗസ്ഥനായ കിരണിനെ വിവരം അറിയിച്ചു.

സംഭവത്തി​​​െൻറ നിജസ്​ഥിതി അന്വേഷിച്ച് അവരുടെ മോചനത്തിന്​ ആവശ്യമായ നടപടികൾ സ്വീകരിക്കാൻ നിർദേശിച്ചുവെന്നും കണ്ണന്താനം പറഞ്ഞു. തുടർന്നാണ് ചൊവ്വാഴ്​ച രാവിലെ ഉത്തർപ്രദേശ്​ പൊലീസ്​ സംഘത്തെ വിട്ടയച്ചത്​.