ജനവിധി നൽകിയ അവസരം കളഞ്ഞു കുളിച്ചു; യോഗിയെ വിമർശിച്ച്​ ബി.ജെ.പി എം.എൽ.എ

ലക്​നോ: യു.പി മുഖ്യമന്ത്രി യോഗി ആദിത്യനാഥിനെ രൂക്ഷമായി വിമർശിച്ച്​ ബി.ജെ.പി എം.എൽ.എ. ഹർദോയ്​ ജില്ലയിൽ നിന്നുള്ള ശ്യം പ്രകാശ്​ എന്ന എം.എൽ.എയാണ്​ ഫേസ്​ബുക്കിലൂടെ ആദിത്യനാഥിനെ വിമർശിച്ചത്​. 

യോഗിയെ പരിഹസിച്ച്​ ഒരു കവിതയാണ്​ ഫേസ്​ബുക്കിൽ ശ്യാം പ്രകാശ്​ കുറിച്ചത്​. ഗൊരഖ്​പൂർ, ഫൂൽപൂർ, കൈരാന, നൂർപൂർ എന്നിവിടങ്ങി​െല പരാജയം വേദനിപ്പിക്കുന്നു എന്ന്​ കുറിച്ചുകൊണ്ടാണ്​ ശ്യാം പ്രകാശ്​ ഫേസ്​ബുക്ക്​ കുറിപ്പ്​ തുടങ്ങുന്നത്​. 

രാഷ്​ട്രീയക്കാരനായ പുരോഹിതൻ മോദിയുടെ അപേക്ഷ പ്രകാരം അധികാരത്തിലേറി. എന്നാൽ ജനവിധി നൽകിയ അവസരം കളഞ്ഞു കുളിച്ചു. ഇത്​ ത​​​െൻറ അഭിപ്രായമാണ്​. അഴിമതി അതി​​​െൻറ പാരമ്യത്തിലാണ്​. ജനങ്ങൾ സ്വാഭിപ്രായ പ്രകാരമാണ്​ പ്രവർത്തിക്കുന്നത്​. മുഖ്യമന്ത്രി ഇക്കാര്യം ശ്രദ്ധിച്ച്​ കഠിനാധ്വാനം ചെയ്യണം. എങ്കിൽ മാത്രമേ ജനങ്ങൾ കൂടെയുണ്ടാകൂ എന്നർഥം വരുന്ന വരികളാണ്​ ശ്യം പ്രകാശ്​ ഫേസ്​ബുക്കിൽ കുറിച്ചത്​.

ആദിത്യനാഥി​​​െൻറത്​ ദുർഭരണമാണെന്നും ശ്യാം പ്രകാശ്​ ആരോപിക്കുന്നു. ട്രെയിൻ പാളം തെറ്റിയിരിക്കുന്നു. ഒാഫീസർ-രാജ്​ പൂർണമായും പരാജയമാണെന്നും അദ്ദേഹം​ കുറ്റ​െപ്പടുത്തി. 

കഴിഞ്ഞ വർഷമാണ്​ യോഗി ആദിത്യനാഥ്​ യു.പിയിൽ അധികാരത്തിലേറിയത്​. അതിനു പിറകെ നാല്​ പ്രധാന സീറ്റുകളിലെ ഉപതെരഞ്ഞെടുപ്പുകളിൽ ബി.ജെ.പി പരാജയപ്പെട്ടിരുന്നു. മുഖ്യമന്ത്രി ആദിത്യനാഥി​​​െൻറ ഗൊരഖ്​പൂരും ഉപമുഖ്യമന്ത്രി കേശവ പ്രസാദ്​ മൗര്യയുടെ ഫൂൽപൂരുമടക്കം ബി.ജെ.പിക്ക്​ നഷ്​ടമായി. കഴിഞ്ഞ ദിവസം വോ​െട്ടണ്ണിയ കൈരാനയിലും ബി.ജെ.പി ദയനീയമായി പരാജയപ്പെട്ടിരുന്നു.