അംബേദ്​കറുടെ 25 അടി ഉയരമുള്ള പ്രതിമയും സ്​മാരകവും നിർമിക്കാനൊരുങ്ങി യോഗി; ലക്ഷ്യം ദലിത്​ വോട്ട്​

ലഖ്​നോ: 2022ലെ ഉത്തർപ്രദേശ് നിയമസഭാ തെരഞ്ഞെടുപ്പിൽ ദലിത്​ വോട്ടിൽ കണുനട്ട്​​ ഡോ. ബി.ആർ അംബേദ്കറിനായി സ്​മാരകം പണിയാൻ ഒരുങ്ങി യു.പി മുഖ്യമന്ത്രി യോഗി ആദിത്യനാഥ്​. മുൻമുഖ്യമന്ത്രി മായാവതി നിർമ്മിച്ച അംബേദ്കർ സ്മാരകത്തോട്​ കിടപിടിക്കുന്ന കെട്ടിടവും സ്​മാരകവുമാണ്​ നിർമിക്കുന്നത്​.

അംബേദ്കറുടെ 25 അടി ഉയരമുള്ള പ്രതിമ, 750 പേർക്ക് ഇരിക്കാവുന്ന ഓഡിറ്റോറിയം, ലൈബ്രറി, മ്യൂസിയം, ഗവേഷണ കേന്ദ്രം എന്നിവയാണ്​ അംബേദ്കർ സാംസ്കാരിക കേന്ദ്രത്തിൽ ഒര​ുക്കുക. സാംസ്കാരിക വകുപ്പാണ് സ്മാരകം പണിയാനുള്ള നിർദേശം നൽകിയത്. ഇതിനുള്ള സ്ഥലത്തിന്​ യു.പി മന്ത്രിസഭ വെള്ളിയാഴ്ച അനുമതി നൽകി.

രാഷ്ട്രപതി രാംനാഥ് കോവിന്ദ് ജൂൺ 29 ന് രാവിലെ 11 ന് ലഖ്‌നൗവിലെ ലോക്ഭവൻ ഓഡിറ്റോറിയത്തിൽ അംബേദ്കർ കൾച്ചറൽ സെന്‍ററിന്‍റെ ശിലാസ്​ഥാപനം നിർവഹിക്കും. മുഖ്യമന്ത്രി ആദിത്യനാഥ്, ഗവർണർ ആനന്ദിബെൻ പട്ടേൽ എന്നിവരും പ​ങ്കെടുക്കും.