ഭാര്യയുടെ ദുരൂഹ മരണത്തിന് പിന്നാലെ യുവാവ് തടാകത്തിൽ മരിച്ചനിലയിൽ
text_fieldsബംഗളൂരു: യുവതി ദുരൂഹ സാഹചര്യത്തിൽ മരിച്ചതിന് പിന്നാലെ ഭർത്താവിന്റെ മൃതദേഹം തടാകത്തിൽ കണ്ടെത്തി. മാണ്ഡ്യ ജില്ലയിൽ കെ.ആർ പേട്ട താലൂക്കിലെ ഗഡ്ഡെഹൊസറുവിൽ എ. മോഹന്റെ (35) ജഡമാണ് ബുധനാഴ്ച കണ്ടെത്തിയത്. ഇയാളുടെ ഭാര്യ സ്വാതി (28) ചൊവ്വാഴ്ച ഭർതൃവീട്ടിൽ തൂങ്ങിമരിച്ച നിലയിൽ കണ്ടെത്തിയിരുന്നു. സ്വാതിയെ മോഹനും വീട്ടുകാരും ചേർന്ന് കൊലപ്പെടുത്തിയതാണെന്ന് ആരോപിച്ച് ബന്ധുക്കൾ രംഗത്തുവന്നിരുന്നു. ഇതേത്തുടർന്ന് മോഹനേയും മാതാപിതാക്കളേയും കാണാതായി.
തിരച്ചിലിനിടയിലാണ് മൃതദേഹം തടാകത്തിൽ കണ്ടെത്തിയത്. ആത്മഹത്യയാണെന്ന് സംശയിക്കുന്നതായി പൊലീസ് പറഞ്ഞു. മോഹന്റെ രക്ഷിതാക്കൾ വീട്ടിൽ തിരിച്ചെത്തിയിട്ടില്ല. സ്വാതിയുടെ മരണകാരണം അറിവായിട്ടില്ലെന്നും പൊലീസ് പറഞ്ഞു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.