സാക്കിർ നായികിന്​ എതിരെ കുറ്റപത്രം ഉടൻ സമർപിക്കും

മുംബൈ: ഭീകരവാദ ഗൂഡാലോചന, യുവാക്കളെ ജിഹാദിന്​ പ്രേരിപ്പിക്കൽ, നിർബന്ധ മതമാറ്റം, ഭീകര പ്രത്തനങ്ങൾക്ക്​ ഫണ്ടിങ്​ തുടങ്ങിയ കുറ്റങ്ങളാരോപിച്ച്​ വിവാദ ഇസ്​ലാമിക പ്രചാരകൻ ഡോ. സാക്കിർ നായികിന്​ എതിരെ ദേശീയ അന്വേഷണ ഏജൻസിയുടെ (എൻ.െഎ.എ) കുറ്റപത്രം. യു.എ.പി.എ നിയമത്തിലെ 10,13, 18 വകുപ്പുകൾ ചുമത്താൻ കേന്ദ്രം അനുമതി നൽകിയതോടെ പ്രത്യേക കോടതിയിൽ കുറ്റപത്രം സമർപ്പിക്കാൻ ഒരുങ്ങുകയാണ്​ എൻ.െഎ.എ.

ദിവസങ്ങൾക്കകം കുറ്റപത്രം നൽകുമെന്ന്​ എൻ.െഎ.എ വൃത്തങ്ങൾ പറഞ്ഞു. സാക്കിർ നായിക്കിന്​ എതിരെ ആരോപിക്കപ്പെട്ട കുറ്റങ്ങളിൽ വ്യക്​തമായ തെളിവുകൾ കണ്ടെത്തിയതായി അവകാശപ്പെട്ടു. 2016 നവമ്പറിലാണ്​ സാക്കിർ നായികിന്​ എതിരെ എൻ.െഎ.എ കേസെടുത്തത്​. ധാക്ക ഭീകരാക്രമണം നടത്തിയ യുവാവിനെ സ്വാധീനച്ചത്​ സാക്കിർ നായികാണെന്ന്​ ബംഗളാദേശ്​ അവകാശപ്പെട്ടതിന്​ പിന്നാലെയായിരുന്നു ഇത്​. ആ സമയത്ത്​ വിദേശത്തായിരുന്ന സാക്കിർ നായിക്​ പിന്നീട്​ ഇന്ത്യയിലേക്ക്​ വന്നില്ല. അദ്ദേഹത്തിന്‍റെ ഇസ്​ലാമിക്​ റിസർച്ച്​ ഫൗണ്ടേഷനും പീസ്​ ടിവിയും കേന്ദ്രം നിരോധിച്ചു. സാക്കിർ നായിക്കും ബന്ധുക്കളും ഡയറക്​ടർമാരായ നാലോളം കമ്പനികളുടെ സാമ്പത്തിക ഇടപാടിലെ ക്രമക്കേടിന്​ എതിരെ എൻഫോഴ്​സ്​മ​െൻറ്​ ഡയറക്​ടറേറ്റും കേസെടുത്തു.

മൂന്ന്​ തവണ സമൻൺസ്​ അയച്ചിട്ടും ചോദ്യം ചെയ്യലിന്​ ഹാജറാകാത്തതിനെ തുടർന്ന്​ സാക്കിർ നായികിന്‍റെ പാസ്​പോർട്ട്​ റദ്ദാക്കുകയും ഇൻറർപോൾ നോട്ടീസ്​ പുറപ്പെടുവിക്കുകയും ചെയ്​തു. ആരോപണങ്ങളിൽ വാസ്​തവമില്ലെന്ന്​ അവകാശപ്പെട്ട സാക്കിർ നായിക്​ ചോദ്യം ചെയ്യലിന്​ നേരിട്ട്​ ഹാജറാകാൻ പറ്റിയ സാഹചര്യമല്ല ഇന്ത്യയിലുള്ളതെന്ന്​ രേഖാമൂലം അറിയിച്ചിരുന്നു.