ബാന്ദ്രയിൽ സഹതാപ പ്രതീക്ഷയുമായി സീഷാൻ സീദ്ദീഖി

മും​ബൈ: ന​ഗ​ര​ത്തി​ലെ പ്ര​ധാ​ന നി​യ​മ​സ​ഭ സീ​റ്റു​ക​ളി​ൽ ഒ​ന്നാ​ണ്​ ബാ​ന്ദ്ര ഈ​സ്റ്റ്. 2008ലെ ​മ​ണ്ഡ​ല പു​നഃ​ക്ര​മീ​ക​ര​ണം​വ​രെ കോ​ൺ​ഗ്ര​സ്​ ത​ട്ട​ക​മാ​യി​രു​ന്നു. തൊ​ട്ട​ടു​ത്ത (​2009ലെ) ​തെ​ര​ഞ്ഞെ​ടു​പ്പ്​ മു​ത​ൽ ശി​വ​സേ​ന​യു​ടെ കോ​ട്ട​യാ​യി അ​ത്​ മാ​റി. 2019ൽ ​സീ​ഷാ​ൻ സി​ദ്ദീ​ഖി​യി​ലൂ​ടെ കോ​ൺ​ഗ്ര​സ്​ ബാ​ന്ദ്ര ഈ​സ്റ്റ്​ തി​രി​ച്ചു​പി​ടി​ച്ചെ​ങ്കി​ലും ഇ​ത്ത​വ​ണ അ​ത്​ എം.​വി.​എ സ​ഖ്യ​ക​ക്ഷി​യാ​യ ഉ​ദ്ധ​വ്​ പ​ക്ഷ​ത്തി​ന്​ വി​ട്ടു​കൊ​ടു​ക്കേ​ണ്ടി​വ​ന്നു. സീ​ഷാ​ൻ സി​ദ്ദീ​ഖി​യാ​ക​ട്ടെ മ​ഹാ​യു​തി സ​ഖ്യ​ക​ക്ഷി​യാ​യ അ​ജി​ത്​ പ​വാ​ർ പ​ക്ഷ എ​ൻ.​സി.​പി​യി​ൽ ചേ​ർ​ന്ന്​ അ​വ​രു​ടെ സ്ഥാ​നാ​ർ​ഥി​യാ​യി. ഉ​ദ്ധ​വ്​ താ​ക്ക​റെ​യു​ടെ ഭാ​ര്യാ​സ​ഹോ​ദ​ര പു​ത്ര​നും യു​വ​സേ​ന നേ​താ​വു​മാ​യ വ​രു​ൺ സ​ർ​ദേ​ശാ​യി​യാ​ണ്​ എം.​വി.​എ സ്ഥാ​നാ​ർ​ഥി. ഇ​രു​വ​രും 30ക​ളി​ലെ​ത്തി​യ യു​വ​പോ​രാ​ളി​ക​ൾ. 2015ലെ ​ഉ​പ​തെ​ര​ഞ്ഞെ​ടു​പ്പി​ൽ ശി​വ​സേ​ന ടി​ക്ക​റ്റി​ൽ മ​ണ്ഡ​ല​ത്തി​ൽ ജ​യി​ച്ച തൃ​പ്​​തി സാ​വ​ന്ത്​ ഇ​ത്ത​വ​ണ രാ​ജ്​ താ​ക്ക​റെ​യു​ടെ എം.​എ​ൻ.​എ​സ് ടി​ക്ക​റ്റി​ൽ മ​ത്സ​രി​ക്കു​ന്നു. ത്രി​കോ​ണ പോ​രി​നാ​ണ്​ മ​ണ്ഡ​ലം സാ​ക്ഷ്യം വ​ഹി​ക്കു​ന്ന​ത്.

2019ൽ ​സി​റ്റി​ങ്​ എം.​എ​ൽ.​എ​യാ​യ തൃ​പ്​​തി സാ​വ​ന്തി​ന്​ ടി​ക്ക​റ്റ്​ നി​ഷേ​ധി​ച്ച​തി​നെ​തു​ട​ർ​ന്ന്​ ശി​വ​സേ​ന​യി​ലു​ണ്ടാ​യ ഉ​ൾ​പോ​രാ​ണ്​ ക​ന്നി​യ​ങ്ക​ത്തി​ൽ​ത​ന്നെ സീ​ഷാ​ൻ സി​ദ്ദീ​ഖി​യു​ടെ വി​ജ​യ​ത്തി​ന്​ വ​ഴി​തെ​ളി​ച്ച​ത്. 5,790 വോ​ട്ടി​ന്റെ ഭൂ​രി​പ​ക്ഷ​ത്തി​നാ​യി​രു​ന്നു വി​ജ​യം. കോ​ൺ​ഗ്ര​സി​ലെ മു​സ്‍ലിം മു​ഖ​വും ബോ​ളി​വു​ഡ്​ താ​ര​ങ്ങ​ളു​ടെ തോ​ഴ​നു​മാ​യ പി​താ​വ്​ ബാ​ബ സി​ദ്ദീ​ഖി​യു​ടെ പി​ൻ​ബ​ല​വും സീ​ഷാ​നെ തു​ണ​ച്ചു. ഇ​ത്ത​വ​ണ പി​താ​വി​ല്ല. ഒ​ക്​​ടോ​ബ​ർ 12ന്​ ​രാ​ത്രി സീ​ഷാ​ന്റെ ഓ​ഫി​സി​ന​ടു​ത്തു​വെ​ച്ച്​ അ​ധോ​ലോ​ക​ക്കാ​രു​ടെ വെ​ടി​യേ​റ്റ്​ അ​ദ്ദേ​ഹം മ​രി​ച്ചു. മ​രി​ക്കു​ന്ന​തി​ന്​ മാ​സ​ങ്ങ​ൾ​ക്ക്​ മു​മ്പ്​ അ​ദ്ദേ​ഹം കോ​ൺ​ഗ്ര​സ്​ വി​ട്ട്​ അ​ജി​ത്​ പ​ക്ഷ​ത്ത്​ ചേ​ർ​ന്നി​രു​ന്നു. പാ​ർ​ട്ടി​യി​ൽ തു​ട​ർ​ന്ന സീ​ഷാ​നെ രാ​ജ്യ​സ​ഭ തെ​ര​ഞ്ഞെ​ടു​പ്പി​ലെ ക്രോ​സ്​ വോ​ട്ടി​ന്റെ പേ​രി​ൽ കോ​ൺ​ഗ്ര​സ്​ പി​ന്നീ​ട്​ പു​റ​ത്താ​ക്കി.

മു​സ്​​ലിം, ഉ​ത്ത​രേ​ന്ത്യ​ൻ വോ​ട്ടു​ക​ളു​ള്ള ബാ​ന്ദ്ര​യി​ൽ സ​ഹ​താ​പ​വോ​ട്ടു​ൾ സീ​ഷാ​നെ തു​ണ​ക്കു​മോ എ​ന്നാ​ണ്​ ഉ​റ്റു​നോ​ക്കു​ന്ന​ത്. ശി​വ​സേ​ന (യു.​ബി.​ടി) അ​ധ്യ​ക്ഷ​ൻ ഉ​ദ്ധ​വ്​ താ​ക്ക​റെ​യു​ടെ​യും കു​ടും​ബ​ത്തി​ന്റെ​യും വോ​ട്ട്​ ഈ ​മ​ണ്ഡ​ല​ത്തി​ലാ​ണ്. ഉ​ദ്ധ​വ്​ പ​ക്ഷ​ത്തി​ന്റെ അ​ണി​യ​റ​നീ​ക്ക​ങ്ങ​ളി​ൽ സ​ജീ​വ​മാ​യി​രു​ന്നു വ​രു​ൺ. സ​ർ​വ​ക​ലാ​ശാ​ല തെ​ര​ഞ്ഞെ​ടു​പ്പു​ക​ളി​ൽ യു​വ​സേ​ന​യു​ടെ വി​ജ​യം നെ​യ്ത ത​ന്ത്ര​ജ്ഞ​ൻ. ആ​ദ്യ​മാ​യാ​ണ്​ നേ​രി​ട്ട്​ തെ​ര​ഞ്ഞെ​ടു​പ്പ്​ ക​ള​ത്തി​ലി​റ​ങ്ങു​ന്ന​ത്. ര​ണ്ട്​ ശി​വ​സേ​ന​ക​ൾ​ക്കി​ട​യി​ൽ ആ​രു​ടെ വോ​ട്ടി​ലാ​ണ്​ തൃ​പ്​​തി സാ​വ​ന്ത്​ വി​ള്ള​ൽ​വീ​ഴ്​​ത്തു​ക എ​ന്ന്​ ക​ണ്ട​റി​യ​ണം.