സൈകോവ്​-ഡി കോവിഡ്​ വാക്​സിൻ പ്രതിമാസം ഒരു കോടി ഡോസ്​ ഉൽപാദിപ്പിക്കാൻ സൈഡസ്​ കാഡില

ന്യൂഡൽഹി: പുതുതായി ഡ്രഗ്​ കൺട്രോളർ ജനറലിൽനിന്ന്​ അനുമതി തേടിയ കോവിഡ്​ പ്രതിരോധ മരുന്നായ സൈകോവ്​-ഡി പ്രതിമാസം ഒരു കോടി ഡോസ്​ വീതം നിർമിക്കാൻ ആലോചിക്കുന്നതായി സൈഡസ്​ കാഡില. അനുമതി ലഭിച്ചാൽ ഇന്ത്യയിൽ ഉപയോഗിക്കുന്ന അഞ്ചാമത്തെ കോവിഡ്​ വാക്​സിനാകും ഇത്​്​്​. ആഗസ്​റ്റ്​ മുതൽ നിർമാണം ആരംഭിക്കാനാണ്​ ആലോചന. ഈ വർഷം അഞ്ചു കോടി വാക്​സിനാണ്​ ലക്ഷ്യമിടുന്നത്​.

കോവിഷീൽഡിനു പുറമെ ​കൊവാക്​സിൻ, റഷ്യയുടെ സ്​പുട്​നിക്​, യു.എസ്​ വാക്​സിനായ മോഡേണ എന്നിവക്കാണ്​ നിലവിൽ അനുമതി.

ലോകത്തെ ആദ്യ പ്ലാസ്​മിഡ്​ ഡി.എൻ.എ വാക്​സിനാണ്​ സൈ​േകാവ്​-ഡി. കോവിഡ്​ ബാധിതരിൽ 66.6 ശതമാനം ഫലം കണ്ടതായും അനുമതി ലഭിച്ചാൽ, 45-60 ദിവസത്തിനുള്ളിൽ ലഭ്യമാക്കാനാകുമെന്നും കാഡില മാനേജിങ്​ ഡയറക്​ടർ ഡോ. ഷർവിൽ പ​ട്ടേൽ പറഞ്ഞു.

മുതിർന്നവർക്ക്​ മാത്രമല്ല, 12-18 പ്രായക്കാർക്കും വാക്​സിൻ നൽകാനാകും.

അനുമതി ലഭിക്കുന്ന മുറക്ക്​ വാക്​സി​െൻറ വില പ്രഖ്യാപിക്കുമെന്നും​ കമ്പനി പറയുന്നു.