എസ്​.ബി.​െഎ എ.ടി.എമ്മുകളിലൂടെ ഇനി 20, 50രൂപയും

മുംബൈ: സ്​റ്റേറ്റ്​ ബാങ്ക്​ഒാഫ്​ ഇന്ത്യയുടെ എ.ടി.എമ്മിലൂടെ വൈകാതെ 20 രൂപയുടെയും 50രൂപയുടെയും നോട്ടുകൾ ലഭിക്കും. നോട്ട്​ അസാധുവാക്കിയതുമൂലം ബുദ്ധിമുട്ടുന്ന ജനങ്ങൾക്ക്​ ചെറിയ തുക പിൻവലിക്കാൻ കഴിയുന്നത്​ ഉപകാരപ്രദമാകുമെന്ന്​ എസ്​.ബി.​െഎ ചെയർപേഴ്​സൺ അരുന്ധതി ഭട്ടാചാര്യ പറഞ്ഞു.

സൗകര്യപ്രദമായ സമയത്ത്​ നോട്ടുകൾ മാറിലഭിക്കുമെന്ന്​ ജനങ്ങൾക്ക്​ ഉറപ്പുലഭിച്ചതോ​ടെ തെക്കൻ സംസ്​ഥാനങ്ങളിലെ എസ്​.ബി.​െഎ ശാഖകളിൽ ജോലിഭാരം 50ശതമാനത്തോളം കുറഞ്ഞിട്ടുണ്ട്​.

എന്നാൽ എ.ടി.എമ്മുകളിൽ പ്രതീക്ഷിക്കുന്നതിനേക്കാൾ വേഗത്തിൽ പണം തീരുകയാണ്​.   നവംബർ അവസാനത്തോടുകൂടി മാത്രമേ ഇൗ പ്രശ്​നങ്ങൾക്ക്​പരിഹാരമാകൂവെന്നും അവർ കൂട്ടിച്ചേർത്തു.