ഞാൻ കൊറോണയുമായി വന്നതാണ്​; വീടിന്​ പുറത്ത്​ കറൻസി നോട്ടും ഒരു കുറിപ്പും

പട്​ന: കോവിഡ്​ മഹാമാരിയെ പിടിച്ചുകെട്ടാൻ രാജ്യമൊട്ടാകെ ലോക്​ഡൗണിലാണ്​. വീടകങ്ങളിൽ വെറുതെയിരിക്കുന്ന ജന ങ്ങളുടെ പരിഭ്രാന്തിയകറ്റാൻ സർക്കാറുകൾ കഠിന പ്രയത്​നത്തിലാണ്​. എന്നാൽ, ചിലയിടങ്ങളിൽ സാമൂഹിക വിരുദ്ധർ അതിന്​ വ ലിയ രീതിയിലാണ്​ പ്രതിസന്ധി സൃഷ്​ടിക്കുന്നത്​.

ബിഹാറിലെ ഒരു ചെറിയ ഗ്രാമത്തിൽ ഇത്തരത്തിൽ ജനങ്ങളെ പരിഭ്രാന ്തിയിലാക്കിയിരിക്കുകയാണ്​ ഒരു വിരുതൻ. ഗ്രാമവാസികളിൽ ചിലർക്ക് വീടിന്​ പുറത്ത്​ ഒരു കറൻസി നോട്ടും കൂടെ കുറിപ്പും ലഭിച്ചു. കുറിപ്പിൽ കുത്തിക്കുറിച്ചിരിക്കുന്നതാക​ട്ടെ ‘ഞാൻ കൊറോണയുമായി വന്നതാണ്​. ഇൗ പണം എടുക്കണം..ഇല്ലേങ്കിൽ ഞാൻ എല്ലാവരെയും ഉപദ്രവിക്കും’ എന്നും. ബിഹാറിലെ ഹിന്ദുസ്ഥാൻ എന്ന പത്രമാണ്​ സംഭവം റിപ്പോർട്ട്​ ചെയ്​തിരിക്കുന്നത്​.

20 രൂപ, 50 രൂപ, 100 രൂപ നോട്ടുകളാണ്​ വീടിന്​ മുന്നിലായി വെച്ചിരിക്കുന്നത്​. കൂടെ വെച്ച കുറിപ്പടിയിൽ എല്ലാം ഒരാളുടെ കയ്യക്ഷരമാണെന്നതിനാൽ സംഭവത്തിന്​ പിന്നിൽ ഒരാൾ മാത്രമാണെന്നാണ്​ പൊലീസി​​​​െൻറ അനുമാനം. മൂന്ന്​ വീടുകളിലാണ്​ ഇത്തരത്തിൽ നോട്ടും കുറിപ്പും വെച്ചിരിക്കുന്നത്​. വെള്ളിയാഴ്​ച മുതൽ മറ്റു ചില വീടുകളിലും ഇത്തരത്തിൽ കറൻസികൾ കണ്ടെത്തിയതായി റിപ്പോർട്ടുണ്ട്​. എന്തായാലും പൊലീസ്​ ശക്​തമായ അന്വേഷണം ആരംഭിച്ചിട്ടുണ്ട്​.

കോവിഡ്​ 19 വൈറസ്​ കറൻസി നോട്ടുകളിലൂടെ പടരുമെന്ന തരത്തിൽ ജനങ്ങളെ പരിഭ്രാന്തരാക്കുന്ന സന്ദേശങ്ങൾ വ്യാപകമായി പ്രചരിക്കുന്നുണ്ട്​. അതിനിടയിലാണ്​ ഇത്തരം ഞെട്ടിപ്പിക്കുന്ന സംഭവം അരങ്ങേറുന്നത്​.

കറൻസികളിലൂടെ കോവിഡ്​ പകരുമോ എന്ന കാര്യത്തിൽ അന്വേഷണം നടത്തുന്നതിന്​ ഉത്തരവിടാൻ കഴിഞ്ഞ മാസം കോൺഫഡറേഷൻ ഒാഫ്​ ഒാൾ ഇന്ത്യ ട്രെയ്​ഡേഴ്​സ്​ ധനമന്ത്രി നിർമലാ സീതാരാമനോട്​ അഭ്യർഥിച്ചിരുന്നു. നിലവിൽ കറൻസി നോട്ടിലൂടെ കോവിഡ്​ പടരുമെന്ന കാര്യത്തിൽ ശാസ്​ത്രീയമായ തെളിവോ പഠന റിപ്പോർ​ട്ടോ വന്നിട്ടില്ല.

Latest Video