ജനങ്ങൾ വിലയിരുത്ത​ട്ടെ; സഖ്യസർക്കാറിനെതിരായ ഹരജി സുപ്രീംകോടതി തള്ളി

ന്യൂഡൽഹി: മഹാരാഷ്​ട്രയിലെ സഖ്യത്തെ ജനങ്ങൾ വിലയിരുത്ത​ട്ടെയെന്ന്​ സുപ്രീംകോടതി. സഖ്യത്തിനെതിരായി സമർപ്പിക്കപ്പെട്ട ഹരജി തള്ളിയാണ്​ കോടതി പരാമർശം. അഖില ഭാരതീയ ഹിന്ദു മഹാസഭ നേതാവ്​ പ്രമോദ്​ ജോഷിയാണ്​ ഹരജി നൽകിയത്​. ജസ്​റ്റിസ്​ എൻ.വി രമണയുടെ നേതൃത്വത്തിലുള്ള ബെഞ്ചാണ്​ ഹരജി പരിഗണിച്ചത്​.

ആര്​ ആർക്കൊപ്പം എപ്പോൾ സഖ്യമുണ്ടാക്കണമെന്ന്​ സുപ്രീംകോടതിക്ക്​ പറയാനാവില്ല. കോടതിയുടെ അധികാരപരിധിക്ക്​​ കീഴിൽ വരുന്ന പ്രശ്​നമല്ല. തെരഞ്ഞെടുപ്പിന്​ മുമ്പ്​ വരുന്ന സഖ്യങ്ങൾ സംബന്ധിച്ച്​ മുൻ ഉത്തരവുകളും കോടതി ചൂണ്ടിക്കാട്ടി.

എൻ.വി രമണക്കൊപ്പം ജസ്​റ്റിസ്​ അശോക്​ ഭൂഷണും സഞ്​ജീവ്​ ഖന്നയും കേസ്​ പരിഗണിച്ച ബെഞ്ചിൽ അംഗങ്ങളാണ്​.