സൈനികരുടെ കൈവശം ആയുധമുണ്ടായിരുന്നു; രാഹുലിന്​ വിദേശകാര്യമന്ത്രിയുടെ മറുപടി

ന്യൂഡൽഹി: ഗാൽവാൻ താഴ്​വരയിൽ നടന്ന ഇന്ത്യ-ചൈന സംഘർഷത്തിൽ കൂടുതൽ വിശദീകരണവുമായി വിദേശകാര്യമന്ത്രി എസ്​.ജയശങ്കർ. സംഘർഷം നടക്കു​​​​േമ്പാൾ ഇന്ത്യൻ സൈനികരുടെ കൈവശം ആയുധമുണ്ടായിരുന്നുവെന്ന്​ ജയശങ്കർ പറഞ്ഞു.

ചൈനീസ്​ അതിർത്തിയിലുണ്ടായിരുന്ന സൈനികരുടെ കൈവശം ആയുധമുണ്ടായിരുന്നു. എന്നാൽ, നിയന്ത്രണരേഖയിലുണ്ടാവുന്ന തർക്കങ്ങൾക്കിടെ തോക്ക്​ ഉപയോഗിക്കാറില്ലെന്നും ജയശങ്കർ വ്യക്​തമാക്കി. ആയുധങ്ങളില്ലാതെ സൈന്യത്തെ എന്തിന്​ അതിർത്തിയിലേക്ക്​ അയച്ചുവെന്ന കോൺഗ്രസ്​ നേതാവ്​ രാഹുൽ ഗാന്ധിയുടെ വിമർശനത്തോടാണ്​ ജയശങ്കറിൻെറ മറുപടി.

1996ലേയും 2005ലേയും കരാറുകൾ അനുസരിച്ചാണ്​ ചൈനീസ്​ അതിർത്തിയിലെ കാര്യങ്ങൾ നിയന്ത്രിക്കുന്നത്​. ഇതിൽ ആദ്യ കരാർ ഒപ്പിട്ടത്​ ദേവഗൗഡയുടെ കാലത്തും രണ്ടാമത്തേത്​ മൻമോഹൻെറ കാലത്തുമായിരുന്നു. നിയന്ത്രണരേഖയിൽ ചൈനീസ്​ പീപ്പിൾസ്​ ലിബറേഷൻ ആർമിയും ഇന്ത്യൻ സൈന്യവും തമ്മിൽ നടന്ന ഏറ്റുമുട്ടലിൽ 20 ഇന്ത്യൻ സൈനികർ വീരമൃത്യു വരിച്ചിരുന്നു.

LATEST VIDEO