കാര്‍ബോംബ് സ്ഫോടനത്തില്‍ 10 മരണം

സന്‍ആ: യമനില്‍ അല്‍ഖാഇദയെന്ന് കരുതുന്ന സംഘം നടത്തിയ കാര്‍ബോംബാക്രമണത്തില്‍ സര്‍ക്കാര്‍ അനുകൂല സേനയിലെ 10 പേര്‍ കൊല്ലപ്പെട്ടു. രണ്ടു കാറില്‍ ബോംബുകള്‍ നിറച്ചാണ് ആക്രമണം നടത്തിയതെന്ന് സൈനിക വൃത്തങ്ങള്‍ അറിയിച്ചു. ലഹ്ജ് പ്രവിശ്യയിലെ യാഫിയ എന്ന സ്ഥലത്താണ് ആക്രമണം നടന്നത്. ഈ പ്രദേശത്ത് യമന്‍ അല്‍ഖാഇദ ചില പ്രദേശങ്ങള്‍ പിടിച്ചെടുത്തിരുന്നു. സൈന്യത്തില്‍നിന്ന് പിടിച്ചെടുത്ത കനത്ത ആയുധശേഖരം ഇവിടെ സൂക്ഷിച്ചുവെച്ചതായാണ് സൈന്യം കരുതുന്നത്. ആഭ്യന്തര സംഘര്‍ഷം നിലനില്‍ക്കുന്ന യമനിലെ സാഹചര്യം മുതലെടുത്താണ് ചില പ്രദേശങ്ങളില്‍ അല്‍ഖാഇദ ആധിപത്യം നേടിയത്.