വിമതര്‍ക്ക് മാപ്പുനല്‍കുമെന്ന് ബശ്ശാര്‍

ഡമസ്കസ്: മൂന്നുമാസത്തിനകം ആയുധംവെച്ച്​ കീഴടങ്ങാന്‍ തയാറായാല്‍ പൊതുമാപ്പ് നല്‍കുമെന്ന് സിറിയന്‍ പ്രസിഡന്‍റ് ബശ്ശാര്‍ അല്‍അസദ്.  ഒരു മാസത്തിനിടെ കീഴടങ്ങാന്‍ സന്നദ്ധരായാല്‍  വിമത തടവുകാരെ മുഴുവന്‍ വിട്ടയക്കും. സന്‍അ വാര്‍ത്താ ഏജന്‍സിയാണ് ഇക്കാര്യം റിപ്പോര്‍ട്ട് ചെയ്തത്. അലെപോയില്‍ വിമതര്‍ക്കെതിരെ സൈന്യത്തിന്‍െറ ആക്രമണം മുന്നേറുന്ന പശ്ചാത്തലത്തിലാണ് ബശ്ശാറിന്‍െറ പ്രഖ്യാപനം.