ഒ​റ്റ​യ​ടി​ക്ക്​ മ​രം വീ​ഴ്ത്താനാവില്ല; ദുർബലമായ കൊമ്പുകൾ മുറിക്കണം

ക​ർ​ണാ​ട​ക​യി​ൽ ക​ഴി​ഞ്ഞ ബി.​ജെ.​പി സ​ർ​ക്കാ​റി​ന്‍റെ കാ​ല​ത്ത്​ സാ​ധാ​ര​ണ​ക്കാ​രു​ടെ ജീ​വി​തം അ​സ​ഹ​നീ​യ​മാ​യി​ത്തു​ട​ങ്ങി​യ​പ്പോ​ഴാ​ണ്​ സം​സ്ഥാ​ന​ത്തെ പൗ​രാ​വ​കാ​ശ കൂ​ട്ടാ​യ്മ​ക​ൾ ‘എ​ദ്ദേ​ളു ക​ർ​ണാ​ട​ക’(​വേ​ക്​ അ​പ്​ ക​ർ​ണാ​ട​ക) എ​ന്ന ബാ​ന​റി​ൽ രം​ഗ​ത്തു​വ​രു​ന്ന​ത്. ക​ഴി​ഞ്ഞ​വ​ർ​ഷം ന​ട​ന്ന നി​യ​മ​സ​ഭ തെ​ര​ഞ്ഞെ​ടു​പ്പി​ൽ കോ​ൺ​ഗ്ര​സി​ന്‍റെ വ​ൻ വി​ജ​യ​ത്തി​നു പി​ന്നി​ലെ പ്ര​ധാ​ന ഘ​ട​ക​ങ്ങ​ളി​ലൊ​ന്ന്​ ‘എ​ദ്ദേ​ളു ക​ർ​ണാ​ട​ക’​യു​ടെ ആ​സൂ​ത്രി​ത കാ​മ്പ​യി​നാ​യി​രു​ന്നു. ക​ർ​ണാ​ട​ക മോ​ഡ​ലി​ൽ​നി​ന്ന്​ പ്ര​ചോ​ദ​ന​മു​ൾ​ക്കൊ​ണ്ട്​ ദേ​ശീ​യ​ത​ല​ത്തി​ൽ ‘വേ​ക്​ അ​പ്​ ഇ​ന്ത്യ’​എ​ന്ന​പേ​രി​ൽ സെ​ക്കു​ല​ർ കൂ​ട്ടാ​യ്മ​ക​ളു​ടെ പ്ര​വ​ർ​ത്ത​ന​വും ഈ ​ലോ​ക്സ​ഭ തെ​ര​ഞ്ഞെ​ടു​പ്പി​ൽ ന​ട​ന്നു​വ​രു​ന്നു. ‘എ​ദ്ദേ​ളു ക​ർ​ണാ​ട​ക’​ക​ൺ​വീ​ന​ർ നൂ​ർ ശ്രീ​ധ​ർ ‘മാ​ധ്യ​മ’​ത്തി​ന്​ അ​നു​വ​ദി​ച്ച അ​ഭി​മു​ഖം...

ക​ർ​ണാ​ട​ക നി​യ​മ​സ​ഭ തെ​ര​ഞ്ഞെ​ടു​പ്പ്​ നി​ങ്ങ​ളു​ടെ ടെ​സ്റ്റി​ങ്​ ​ഗ്രൗ​ണ്ടാ​യി​രു​ന്നു. അ​തി​ന്റെ വി​ജ​യ​ത്തി​നു പി​ന്നാ​ലെ​യാ​ണ്​ പൊ​തു​തെ​ര​ഞ്ഞെ​ടു​പ്പ്. എ​ന്തൊ​ക്കെ​യാ​ണ്​ പ്ലാ​ൻ?

ലോ​ക്സ​ഭ തെ​ര​ഞ്ഞെ​ടു​പ്പ്​ മു​ന്നി​ൽ​ക്ക​ണ്ട്​ ഞ​ങ്ങ​ൾ മാ​സ​ങ്ങ​ൾ​ക്കു​മു​മ്പേ ഹോം​വ​ർ​ക്ക്​ തു​ട​ങ്ങി​യി​രു​ന്നു. വി​വി​ധ രീ​തി​യി​ലു​ള്ള പ്ര​വ​ർ​ത്ത​ന​ങ്ങ​ൾ ആ​സൂ​ത്ര​ണം ചെ​യ്യാ​ൻ അ​ത്​ ആ​വ​ശ്യ​മാ​യി​രു​ന്നു. നി​യ​മ​സ​ഭ തെ​ര​ഞ്ഞെ​ടു​പ്പി​ൽ ല​ഭി​ച്ച ഫ​ലം ഞ​ങ്ങ​ൾ​ക്ക്​ പ്ര​തീ​ക്ഷ പ​ക​രു​ന്ന​താ​യി​രു​ന്നു. എ​ദ്ദേ​ളു ക​ർ​ണാ​ട​ക (വേ​ക് അ​പ്​ ക​ർ​ണാ​ട​ക) തീ​ർ​ത്ത മോ​ഡ​ൽ മ​റ്റു സം​സ്ഥാ​ന​ങ്ങ​ളി​ലെ വി​വി​ധ പൗ​രാ​വ​കാ​ശ കൂ​ട്ടാ​യ്മ​ക​ൾ​ക്ക്​ പ്ര​ചോ​ദ​ന​മാ​യി.

പ​ല​രും ഇ​ങ്ങോ​ട്ടു ബ​ന്ധ​പ്പെ​ട്ടു. ഈ ​ഗ്രൂ​പ്പു​ക​ളെ​യെ​ല്ലാം ചേ​ർ​ത്ത്​ സെ​പ്റ്റം​ബ​ർ 30, ഒ​ക്​​ടോ​ബ​ർ ഒ​ന്ന്​ തീ​യ​തി​ക​ളി​ൽ ബം​ഗ​ളൂ​രു​വി​ൽ വെ​ച്ച്​ ദേ​ശീ​യ​ത​ല കാ​മ്പ​യി​ൻ ആ​ലോ​ച​ന​യോ​ഗം ന​ട​ത്തി. ഇ​പ്പോ​ൾ ‘വേ​ക്​ അ​പ്​ ഇ​ന്ത്യ’24 സം​സ്ഥാ​ന​ങ്ങ​ളി​ൽ സാ​ന്നി​ധ്യ​മു​ള്ള നെ​റ്റ്​​വ​ർ​ക്കാ​ണ്. താ​രാ​റാ​വു, ന​ദീം ഖാ​ൻ, ടീ​സ്​​റ്റ സെ​റ്റ​ൽ​വാ​ദ്, ഡോ. ​ല​ളി​ത, സ​ൽ​മാ​ൻ, സ്വാ​തി തു​ട​ങ്ങി​യ​വ​രാ​ണ്​ ‘വേ​ക്​ അ​പ്​ ഇ​ന്ത്യ’​ന​യി​ക്കു​ന്ന​ത്. ക​ർ​ണാ​ട​ക​യി​ലെ പ്ര​വ​ർ​ത്ത​ന​ങ്ങ​ളാ​ണ്​ ഞാ​ൻ നോ​ക്കു​ന്ന​ത്.

എ​ന്താ​ണ്​ നി​ങ്ങ​ളു​ടെ രാ​ഷ്ട്രീ​യ ആ​ഹ്വാ​നം?

എ​ൻ.​ഡി.​എ​യെ പ​രാ​ജ​യ​പ്പെ​ടു​ത്തു​ക​യും ‘ഇ​ൻ​ഡ്യ’​മു​ന്ന​ണി​യെ പി​ന്തു​ണ​ക്കു​ക​യും ചെ​യ്യു​ന്ന​തി​നൊ​പ്പം ‘ഇ​ൻ​ഡ്യ’​മു​ന്ന​ണി​യോ​ട്​ തി​രു​ത്ത​ൽ ശ​ക്തി​യാ​യി പോ​രാ​ടു​ക​യും ചെ​യ്യു​ക എ​ന്ന​താ​ണ്​ ഞ​ങ്ങ​ൾ ന​ൽ​കു​ന്ന രാ​ഷ്ട്രീ​യ ആ​ഹ്വാ​നം.

ഇ​ൻ​ഡ്യ മു​ന്ന​ണി​ക്ക്​ ഉ​പാ​ധി​ക​ളോ​ടെ​യാ​ണ്​ പി​ന്തു​ണ. തെ​ര​ഞ്ഞെ​ടു​പ്പ്​ ക​ഴി​ഞ്ഞ​ല്ല ഞ​ങ്ങ​ൾ ഇ​ൻ​ഡ്യ മു​ന്ന​ണി​യു​മാ​യി പോ​രാ​ടു​ന്ന​ത്. ഇ​ൻ​ഡ്യ മു​ന്ന​ണി ന്യൂ​ന​പ​ക്ഷ​ങ്ങ​ളെ​യോ ദ​ലി​തു​ക​​ളെ​യോ അ​വ​ഗ​ണി​ക്കു​ക​യോ പ​ഴ​യ മോ​ശം പ്ര​വ​ണ​ത​ക​ൾ പു​റ​ത്തെ​ടു​ക്കു​ക​യോ ചെ​യ്യു​ന്ന​താ​യി ശ്ര​ദ്ധ​യി​ൽ​പെ​ട്ടാ​ൽ ഞ​ങ്ങ​ൾ അ​വ​ർ​ക്ക്​ മു​ന്ന​റി​യി​പ്പ്​ ന​ൽ​കും. ഇ​ൻ​ഡ്യ മു​ന്ന​ണി​യെ ഒ​രേ സ​മ​യം പി​ന്തു​ണ​ക്കു​ക​യും അ​വ​രു​മാ​യി പോ​രാ​ടു​ക​യും ചെ​യ്യു​ക എ​ന്ന​താ​ണ്​ ഞ​ങ്ങ​ളു​ടെ ന​യം.

24 സം​സ്ഥാ​ന​ങ്ങ​ളി​ലാ​യി 110 മ​ണ്ഡ​ല​ങ്ങ​ളി​ലാ​ണ്​ ‘വേ​ക് അ​പ്​ ഇ​ൻ​ഡ്യ’​പ്ര​ചാ​ര​ണം ന​ട​ത്തു​ന്ന​ത്. ആ ​മ​ണ്ഡ​ല​ങ്ങ​ൾ തെ​ര​ഞ്ഞെ​ടു​ക്കാ​നു​ള്ള മാ​ന​ദ​ണ്ഡ​മെ​ന്താ​യി​രു​ന്നു?

ക​ഴി​ഞ്ഞ ലോ​ക്സ​ഭ തെ​ര​ഞ്ഞെ​ടു​പ്പി​ൽ ബി.​ജെ.​പി ജ​യി​ച്ച മ​ണ്ഡ​ല​ങ്ങ​ളാ​ണി​വ. എ​ന്നാ​ൽ, ഞ​ങ്ങ​ൾ ഇ​റ​ങ്ങി കാ​ര്യ​മാ​യ പ്ര​ചാ​ര​ണം ന​ട​ത്തി​യാ​ൽ ബി.​ജെ.​പി​യെ പ​രാ​ജ​യ​പ്പെ​ടു​ത്താ​ൻ ക​ഴി​യു​ന്ന മ​ണ്ഡ​ല​ങ്ങ​ൾ കൂ​ടി​യാ​ണ്. 110 മ​ണ്ഡ​ല​ങ്ങ​ളി​ൽ ഫ​ലം നി​ർ​ണ​യി​ക്കാ​നാ​കും​വി​ധം ഇ​ട​പെ​ടാ​നാ​വു​ക എ​ന്ന​ത്​ ചെ​റി​യ കാ​ര്യ​മ​ല്ല​ല്ലോ...

ഏ​റ്റ​വും ശ​ക്ത​മാ​യ സം​ഘ​ട​ന സം​വി​ധാ​ന​മാ​ണ്​ ആ​ർ.​എ​സ്.​എ​സി​നും ബി.​ജെ.​പി​ക്കു​മു​ള്ള​ത്. ക​ർ​ണാ​ട​ക​യി​ലെ പോ​ലെ മ​റ്റി​ട​ങ്ങ​ളി​ലും ഇ​ത്​ ഫ​ലം കാ​ണു​മെ​ന്ന്​ പ്ര​തീ​ക്ഷ​യു​ണ്ടോ?

‘മേ​ക്​ എ ​ഫി​സ്റ്റ്​ ബ്രേ​ക്ക്​ ദ ​ബ്രാ​ഞ്ച്​’​എ​ന്ന​താ​ണ്​ ഞ​ങ്ങ​ളു​ടെ ത​ന്ത്രം. ആ​ർ.​എ​സ്.​എ​സ്, ബി.​ജെ.​പി, ബ​ജ്​​റ​ങ്​​ദ​ൾ, വി​ശ്വ ഹി​ന്ദു പ​രി​ഷ​ത്ത്​ അ​ട​ക്ക​മു​ള്ള സം​ഘ്​​പ​രി​വാ​ർ ഒ​രു വ​ട​വൃ​ക്ഷം പോ​ലെ വ​ള​ർ​ന്നി​രി​ക്കു​ന്നു. ഇ​തി​ന്‍റെ അ​ടി​വേ​ര്​ ശ​ക്ത​മാ​ണ്. ഒ​റ്റ​യ​ടി​ക്ക്​ പ​രാ​ജ​യ​പ്പെ​ടു​ത്തു​ക അ​സാ​ധ്യ​മാ​ണ്. ര​ണ്ടോ മൂ​ന്നോ ദ​ശാ​ബ്​​ദം തു​ട​ർ​ച്ച​യാ​യി പോ​രാ​ടേ​ണ്ടി​വ​രും.

എ​ന്നാ​ൽ, ഇ​ത്ത​വ​ണ അ​ധി​കാ​ര​ത്തി​ലെ​ത്തു​ന്ന​ത്​ ത​ട​യു​ക​യാ​ണ്​ ല​ക്ഷ്യം. ഒ​റ്റ​യ​ടി​ക്ക്​ മ​രം വീ​ഴ്ത്താ​ൻ ശ്ര​മി​ക്കു​ന്ന​തി​നു​ പ​ക​രം ദു​ർ​ബ​ല​മെ​ന്ന്​ തോ​ന്നു​ന്ന ശാ​ഖ​ക​ൾ മു​റി​ക്കു​ക​യാ​ണ്​ വേ​ണ്ട​ത്. ഞ​ങ്ങ​ൾ ജ​ന​ങ്ങ​ൾ​ക്ക്​ ന​ൽ​കു​ന്ന സ​ന്ദേ​ശം അ​താ​ണ്. സം​ഘ്​​പ​രി​വാ​ർ എ​ന്ന വ​ൻ​മ​ര​ത്തി​ലെ എ​ല്ലാ കൊ​മ്പു​ക​ളും ഒ​റ്റ​യ​ടി​ക്ക്​ മു​റി​ക്കാ​ൻ ശ്ര​മി​ക്ക​രു​ത്. അ​ത്​ പാ​ഴ്​​വേ​ല​യാ​ണ്. ദു​ർ​ബ​ല​മാ​യ ശാ​ഖ​ക​ൾ ഏ​തൊ​ക്കെ​യെ​ന്ന്​ ക​ണ്ടെ​ത്തു​ക. അ​വ​യി​ൽ മു​റു​കെ പി​ടി​ച്ച്​ ആ ​കൊ​മ്പു​ക​ൾ പൊ​ട്ടി​ക്കു​ക.

എ​ങ്ങ​നെ​യാ​ണ്​ അ​തി​നു​ള്ള പ്ര​വ​ർ​ത്ത​ന​ങ്ങ​ൾ?

എ​ല്ലാ സം​സ്ഥാ​ന​ത്തും ഞ​ങ്ങ​ൾ സ​ർ​വേ ന​ട​ത്തി​യി​രു​ന്നു. തെ​ര​ഞ്ഞെ​ടു​ത്ത 110 മ​ണ്ഡ​ല​ങ്ങ​ളി​ലെ ക്രി​ട്ടി​ക്ക​ൽ ബൂ​ത്തു​ക​ൾ ക​ണ്ടെ​ത്തി. ഓ​രോ സം​ഘ​ത്തി​നും പ്ര​ത്യേ​കം ദൗ​ത്യ​മേ​ൽ​പി​ച്ചു. ഇ​വ​ർ എ​ങ്ങ​നെ പ്ര​വ​ർ​ത്തി​ക്ക​ണ​മെ​ന്ന​തി​ന്​ പ്ര​ത്യേ​ക പ​രി​ശീ​ല​ന​ങ്ങ​ളും ശി​ൽ​പ​ശാ​ല​ക​ളും സം​ഘ​ടി​പ്പി​ച്ചു.

കേ​ര​ള​ത്തി​ലോ?

കേ​ര​ള​ത്തി​ലും ത​മി​ഴ്​​നാ​ട്ടി​ലും ‘വേ​ക്​ അ​പ്​ ഇ​ൻ​ഡ്യ’​യു​ടെ പ്ര​വ​ർ​ത്ത​ന​മു​ണ്ട്. എ​ന്നാ​ൽ,​ ക​ർ​ണാ​ട​ക​യെ​പോ​ലെ അ​ധി​കം പ​ണി​യെ​ടു​ക്കേ​ണ്ട സാ​ഹ​ച​ര്യം അ​വി​ടെ​യി​ല്ല. അ​വി​ടെ​നി​ന്നൊ​ന്നും ബി.​ജെ.​പി​ക്ക്​ കാ​ര്യ​മാ​യ സം​ഭാ​വ​ന​യു​ണ്ടാ​വി​ല്ല. എ​ന്നാ​ൽ, ക​ർ​ണാ​ട​ക​യി​ൽ ഞ​ങ്ങ​ൾ​ക്ക്​ വ​ലി​യ ദൗ​ത്യ​മാ​ണു​ള്ള​ത്.

ക​ർ​ണാ​ട​ക​യി​ൽ എ​ത്ര മ​ണ്ഡ​ല​ങ്ങ​ളി​ലാ​ണ്​ ഫോ​ക്ക​സ്​?

ഏ​റ്റ​വും കൂ​ടു​ത​ൽ സീ​റ്റു​ക​ളി​ൽ ഞ​ങ്ങ​ൾ പ്ര​വ​ർ​ത്തി​ക്കു​ന്ന​ത്​ ക​ർ​ണാ​ട​ക​യി​ലാ​ണ്. ആ​കെ​യു​ള്ള 28 സീ​റ്റി​ൽ കോ​ൺ​ഗ്ര​സി​ന്‍റെ സി​റ്റി​ങ്​ സീ​റ്റാ​യ ബം​ഗ​ളൂ​രു റൂ​റ​ൽ ഒ​ഴി​കെ 27 സീ​റ്റി​ലും ഞ​ങ്ങ​ൾ പ​ണി​യെ​ടു​ക്കു​ന്നു​ണ്ട്. 20 സീ​റ്റാ​ണ്​ ടാ​ർ​ഗ​റ്റ്. ബം​ഗ​ളൂ​രു റൂ​റ​ലി​ൽ ഡി.​കെ. സു​രേ​ഷി​നാ​യി സ​ഹോ​ദ​ര​ൻ ഡി.​കെ. ശി​വ​കു​മാ​ർ​ത​ന്നെ ന​ന്നാ​യി പ​ണി​യെ​ടു​ത്തി​ട്ടു​ണ്ട്. അ​വി​ടെ അ​വ​ർ ത​ന്നെ വി​ജ​യ​മു​റ​പ്പാ​ക്കും.

ബി.​ജെ.​പി​ക്കെ​തി​രെ​യാ​ണ്​ നി​ങ്ങ​ൾ പ​ണി​യെ​ടു​ക്കു​ന്ന​ത്. സ്വാ​ഭാ​വി​ക​മാ​യും ക​ർ​ണാ​ട​ക​യി​ൽ കോ​ൺ​ഗ്ര​സി​നാ​ണ്​ അ​തി​ന്‍റെ ഗു​ണം ല​ഭി​ക്കു​ക. പ്ര​ചാ​ര​ണ​ത്തി​ന്​ കോ​ൺ​ഗ്ര​സി​ൽ​നി​ന്ന്​ എ​ന്തെ​ങ്കി​ലും സ​ഹ​ക​ര​ണ​മു​ണ്ടോ?

സ​ഹ​ക​ര​ണ​മു​ണ്ട്. പ​ക്ഷേ, ഞ​ങ്ങ​ൾ പ്ര​തീ​ക്ഷി​ക്കു​ന്ന രീ​തി​യി​ല​ല്ല അ​വ​രു​ടെ പ്ര​ചാ​ര​ണം നീ​ങ്ങു​ന്ന​ത്. തെ​ര​ഞ്ഞെ​ടു​പ്പ്​ പ്ര​ചാ​ര​ണ​ത്തി​ന്‍റെ അ​വ​സാ​ന ഘ​ട്ട​ത്തി​ൽ ക​ർ​ഷ​ക​പ്ര​ശ്​​ന​ങ്ങ​ൾ ജ​ന​ങ്ങ​ളു​ടെ ശ്ര​ദ്ധ​യി​ൽ കൊ​ണ്ടു​വ​രാ​നാ​ണ്​ ഞ​ങ്ങ​ൾ കോ​ൺ​ഗ്ര​സ്​ നേ​താ​ക്ക​ളോ​ട്​ അ​ഭ്യ​ർ​ഥി​ച്ച​ത്.