‘‘എ​ല്ലാ.....​വ​ർ...​ക്കും ന​മ​ഷ്കാ​രം... സോ പ്ലീസ് വോട്ട് ഫോർ ഖാദർ’’

വേ​ന​ൽ​ച്ചൂ​ടിനൊപ്പം തെ​ര​ഞ്ഞെ​ടു​പ്പി​ന്റെ ചൂ​ടിലേക്കും നാട് നീങ്ങുകയാണ്. കേ​ര​ള​ത്തി​ന്റെ വ​ട​ക്കേ​യ​റ്റ​ത്തു​നി​ന്ന് മ​ത്സ​രി​ച്ച് ഇ​ന്ത്യ​ൻ പാ​ർ​ല​മെ​ന്റി​ൽ മ​രി​ക്കും​വ​രെ പ്ര​തി​പ​ക്ഷ നേതാവാ​യ എ.​കെ.​ജി തൊ​ട്ട്
അ​ദ്ദേ​ഹ​ത്തി​ന്റെ മ​രു​മ​ക​ൻ പി. ​ക​രു​ണാ​ക​ര​ൻ, ഖാദർ മാങ്ങാട്, കെ.​സി. വേ​ണു​ഗോ​പാ​ൽ, ടി. ​സി​ദ്ദീ​ഖ്, കെ. ​സു​രേ​ന്ദ്ര​ൻ എ​ന്നി​ങ്ങനെ പ​ല ഘ​ട്ട​ങ്ങ​ളി​ലാ​യി നി​യ​മ​സ​ഭ​യിലേക്കും ലോ​ക്സ​ഭ​യിലേക്കും കാ​സ​ർ​കോ​ട് മണ്ഡലത്തിൽനിന്ന് മ​ത്സ​രി​ച്ച പ്ര​മു​ഖ​ർ നി​ര​വ​ധി​. കാ​സ​ർ​കോ​ടി​ന്റെ മ​ണ്ണി​ൽ ജനവിധി തേടിയവരുടെ പ​ഴ​യ​കാ​ല അ​നു​ഭ​വ​ങ്ങ​ളു​മാ​യി ഇ​ന്നു​മു​ത​ൽ ‘വോ​​ട്ടി​നൊ​രോ​ട്ടം’ തുടങ്ങുന്നു...

ഒ​രു വോ​ട്ട് നി​ങ്ങ​ൾ​ക്കും ഒ​മ്പ​തു വോ​ട്ട് എ​ൽ.​ഡി.​എ​ഫി​നും’

1998 ഫെ​ബ്രു​വ​രി ആ​റി​നാ​ണ് ആ​ദ്യം മ​ത്സ​രി​ച്ച​ത്. കാ​സ​ർ​കോ​ട്ട് മ​ത്സ​രി​ച്ച​പ്പോ​ൾ ഒ​ട്ടേ​റെ ര​സ​ക​ര​മാ​യ അ​നു​ഭ​വ​ങ്ങ​ളാ​ണ് എ​നി​ക്കു​ണ്ടാ​യ​ത്.

ഒ​രു ദി​വ​സം തെ​ര​ഞ്ഞെ​ടു​പ്പ് പ്ര​ചാ​ര​ണ​ത്തി​ന് പോ​യ​പ്പോ​ൾ ഇ​രു​വ​ശ​ങ്ങ​ളി​ലും പ്ര​വ​ർ​ത്ത​ക​ർ സ്ഥാ​നാ​ർ​ഥി​യെ കാ​ണാ​ൻ നി​ന്നി​രു​ന്നു. അ​തി​ലൊ​രാ​ൾ മു​ന്നോ​ട്ടു​വ​ന്ന് എ​ന്നോ​ട് പ​റ​ഞ്ഞു, സി.​പി.​എ​മ്മു​കാ​ര​നാ​യ ഞാ​ൻ നി​ങ്ങ​ൾ​ക്കൊ​രു വോ​ട്ട് ചെ​യ്തി​ട്ടു​ണ്ട്. ഞാ​ൻ ക​ട​പ്പെ​ട്ട​വ​നാ​യി അ​ദ്ദേ​ഹ​ത്തെ നോ​ക്കി​. എ​ന്റെ ക​ണ്ണു​ത​ള്ളി​ച്ചു​കൊ​ണ്ട് അ​ദ്ദേ​ഹം പ​റ​ഞ്ഞു: ‘അ​തി​നു​ശേ​ഷം അ​ന്നു​ത​ന്നെ ഒ​മ്പ​തു വോ​ട്ടും ചെ​യ്തു. പ​ക്ഷേ, എ​ൽ.​ഡി.​എ​ഫ് സ്ഥാ​നാ​ർ​ഥി​ക്കാ​ണ് ചെ​യ്ത​ത്’!. ക​ള്ള​വോ​ട്ടി​ന്റെ ര​സ​ക​ര​മാ​യ അ​നു​ഭ​വ​സാ​ക്ഷ്യ​മാ​യി​രു​ന്നു ആ ​നി​ഷ്ക​ള​ങ്ക​മാ​യ തു​റ​ന്നു​പ​റ​ച്ചിൽ.

‘അ​നു​ഗ്ര​ഹം മോ​നു​ണ്ടാ​കും, വോ​ട്ട് ചു​റ്റി​ക അ​രി​വാ​ളി​നും’!

കോ​ൺ​ഗ്ര​സു​കാ​ർ പൊ​തു​വേ പോ​യി​ട്ട് കാ​ര്യ​മി​ല്ലാ​ത്ത സി.​പി.​എം കോ​ട്ട​യാ​ണ് മ​ടി​​ക്കൈ. എ​ന്നി​രു​ന്നാ​ലും പോ​കാ​മെ​ന്നു​വെ​ച്ച് വ​ണ്ടി​യി​ൽ ക​യ​റി കൈ​വീ​ശി​യി​രു​ന്നു. അ​വി​ട​ത്തെ പ്ര​ചാ​ര​ണ​ത്തി​ൽ സം​സാ​രി​ക്കു​മ്പോ​ൾ കേ​ൾ​ക്കാ​ൻ ഒ​രു​ പൂ​ച്ച​ക്കു​ട്ടി​പോ​ലും ഉ​ണ്ടാ​യി​രു​ന്നി​ല്ല. എ​ന്റെ കൂ​ടെ വ​ന്ന ര​ണ്ടു​മൂ​ന്നു​പേ​ർ മാ​ത്രം. കു​റ​ച്ചു​ക​ഴി​ഞ്ഞ​പ്പോ​ൾ ഒ​രാ​ൾ വ​ന്ന് എ​ന്റെ മു​ന്നി​ൽ ദ​യ​നീ​യ​മാ​യ ക​ണ്ണു​ക​ളോ​ടെ താ​ടി​ക്ക് കൈ​യും​വെ​ച്ച് ഇ​രു​ന്നു.

90 വ​യ​സ്സു തോ​ന്നി​ക്കു​ന്ന ഒ​രാ​ൾ എ​ന്റെ പ്ര​സം​ഗം കേ​ൾ​ക്കാ​ൻ വ​ന്നി​രി​ക്കു​ന്നു. അ​തും ക​മ്യൂ​ണി​സ്റ്റ് കോ​ട്ട​യി​ൽ! എ​നി​ക്ക് ആ​വേ​ശ​മാ​യി. പ്ര​സം​ഗം അ​വ​സാ​നി​ച്ച​പ്പോ​ൾ ഞാ​ൻ അ​ടു​ത്തു​പോ​യി അ​നു​ഗ്ര​ഹ​ത്തി​നു​വേ​ണ്ടി അ​ദ്ദേ​ഹ​ത്തി​ന്റെ കൈ ​ബ​ല​മാ​യി പി​ടി​ച്ച് എ​ന്റെ ത​ല​യി​ൽ വെ​ച്ചു. ഈ ​അ​സാ​ധാ​ര​ണ പ്ര​വൃ​ത്തി​ക​ണ്ട് അ​ദ്ദേ​ഹ​മെ​ന്നോ​ട് പ​റ​ഞ്ഞു, അ​നു​ഗ്ര​ഹം മോ​നു​ണ്ടാ​കും. വോ​ട്ട്, ചു​റ്റി​ക അ​രി​വാ​ളി​നും!...

‘ക​ന്ന​ട സാ​ക്കൂ...’

കാ​സ​ർ​കോ​ടി​ന്റെ അ​തി​ർ​ത്തി പ്ര​ദേ​ശ​ങ്ങ​ളി​ൽ പ്ര​ചാ​ര​ണ​ത്തി​ന് പോ​ക​വേ സു​ഹൃ​ത്തു​ക്ക​ളു​ടെ അ​ഭ്യ​ർ​ഥ​ന​മാ​നി​ച്ച് അ​വ​ർ മ​ല​യാ​ള​ത്തി​ൽ എ​ഴു​തി​ത്ത​ന്ന ക​ന്ന​ട പ്ര​സം​ഗം പ​ഠി​ക്കു​ക​യു​ണ്ടാ​യി. എ​ങ്ങ​നെ പ​ഠി​ച്ചി​ട്ടും ആ​വേ​ശം വ​രു​മ്പോ​ൾ മ​റ​ക്കു​മോ എ​ന്ന പേ​ടി​കൊ​ണ്ട് സു​ഹൃ​ത്തു​ക്ക​ളി​ലൊ​രാ​ളെ വെ​ള്ള​പേ​പ്പ​റി​ൽ വ​ലു​താ​യി എ​ഴു​തി​യി​ട്ട് സ്റ്റേ​ജി​ൽ ഞാ​ൻ പ്ര​സം​ഗി​ക്കു​മ്പോ​ൾ എ​നി​ക്ക് കാ​ണു​ന്ന വി​ധ​ത്തി​ലും ജ​ന​ങ്ങ​ൾ കാ​ണാ​തെ​യും നി​ൽ​ക്കാ​ൻ ച​ട്ടം​കെ​ട്ടി.

ക​ന്ന​ട​യി​ൽ പ്ര​സം​ഗം ക​ത്തി​ക്ക​യ​റി​യ​പ്പോ​ൾ ജ​ന​ങ്ങ​ൾ കൈ​യ​ടി​ച്ചു. എ​നി​ക്കാ​​ണെ​ങ്കി​ൽ ആ​വേ​ശം ക​യ​റി. പൊ​ടു​ന്ന​നെ സു​ഹൃ​ത്തി​ന്റെ കൈ​യി​ൽ​നി​ന്ന് പേ​പ്പ​ർ പ​റ​ന്നു​പോ​യി. അ​യാ​ൾ അ​തി​ന്റെ പി​ന്നാ​ലെ ഓ​ടി. ഞാ​നാ​ണെ​ങ്കി​ൽ വി​യ​ർ​ക്കു​ക​യാ​ണ്. ഒ​ടു​വി​ൽ സ​ന്ദ​ർ​ഭ​ത്തി​നൊ​ത്തു​യ​ർ​ന്ന് ഒ​രു ഐ​ഡി​യ കാ​ച്ചി: ക​ന്ന​ട മ​ന​സ്സി​ലാ​കാ​ത്ത​വ​ർ​ക്കു​വേ​ണ്ടി ഇ​നി മ​ല​യാ​ള​ത്തി​ൽ സം​സാ​രി​ക്കാ​മെ​ന്നു​പ​റ​ഞ്ഞ് മ​ല​യാ​ള​ത്തി​ൽ തു​ട​ർ​ന്നു. അ​പ്പോ​ൾ ഒ​രു​ വി​രു​ത​ൻ പ​റ​ഞ്ഞു ‘‘ക​ന്ന​ട സാ​ക്കൂ’’... ഞാ​ന​ത് കേ​ട്ട​താ​യി ഭാ​വി​ച്ചി​ല്ല. പെ​ട്ടെ​ന്ന് പ്ര​സം​ഗം നി​ർ​ത്തി വ​ണ്ടി​യി​ൽ ക​യ​റി സ്ഥ​ലം കാ​ലി​യാ​ക്കി.

രാ​ഹു​ൽ ഗാ​ന്ധി ആ​ദ്യ​മാ​യി പ്ര​സം​ഗി​ച്ച​ത് ക​ണ്ണൂ​രി​ൽ

’98ലെ ​ഒ​രു​ദി​വ​സം ക​ണ്ണൂ​രി​ലാ​ണ് കാ​സ​ർ​കോ​ടി​ന്റെ​യും തെ​ര​ഞ്ഞെ​ടു​പ്പ് റാ​ലി. അ​ന്ന് സോ​ണി​യ ഗാ​ന്ധി​യും മ​ക​ൻ രാ​ഹു​ൽ ഗാ​ന്ധി​യു​മെ​ത്തി​യി​രു​ന്നു. അ​ന്ന​ത്തെ ഡി.​സി.​സി പ്ര​സി​ഡ​ന്റ് കെ. ​സു​ധാ​ക​ര​നും ക​ണ്ണൂ​ർ മ​ണ്ഡ​ലം സ്ഥാ​നാ​ർ​ഥി മു​ല്ല​പ്പ​ള്ളി രാ​മ​ച​ന്ദ്ര​നു​മൊ​ക്കെ​യാ​യി സീ​നി​യ​ർ നേ​താ​ക്ക​ൾ ഉ​ണ്ടാ​യി​രു​ന്നു വേ​ദി​യി​ൽ. സോ​ണി​യ ഗാ​ന്ധി പ്ര​സം​ഗം തു​ട​ങ്ങി. ക​ണ്ണൂ​ർ സ്റ്റേ​ഡി​യം നി​റ​ഞ്ഞു​ക​വി​ഞ്ഞിരുന്നു.. എ​ന്റെ തൊ​ട്ട​ടു​ത്ത് ചെ​റു​പ്പ​ക്കാ​ര​നാ​യ രാ​ഹു​ലു​ണ്ടാ​യി​രു​ന്നു. അ​ദ്ദേ​ഹ​ത്തെ പ​രി​ച​യ​പ്പെ​ട്ടു. എ​ന്നി​ട്ട് മെ​​ല്ലെ ചെ​വി​യി​ൽ പ​റ​ഞ്ഞു: എ​നി​ക്കു​വേ​ണ്ടി ഒ​ന്ന് വോ​ട്ട​ഭ്യ​ർ​ഥി​ക്ക​ണം. രാ​ഹു​ൽ അ​ത് കേ​ട്ട​താ​യി ഭാ​വി​ച്ചി​ല്ല. വീ​ണ്ടും പ​റ​ഞ്ഞ​പ്പോ​ൾ പ​റ്റി​ല്ലെ​ന്നു പ​റ​ഞ്ഞു. ഞാ​നും വി​ട്ടി​ല്ല, എ​നി​ക്കു​വേ​ണ്ടി വോ​ട്ട​ഭ്യ​ർ​ഥി​ച്ചേ മ​തി​യാ​കൂ എ​ന്ന് പ​റ​ഞ്ഞു.

അ​പ്പോ​ൾ പ​റ​ഞ്ഞു, എ​നി​ക്ക് പ്ര​സം​ഗി​ക്കാ​ന​റി​യി​ല്ല. ഞാ​ൻ പ​റ​ഞ്ഞു: സാ​ര​മി​ല്ല, ഞാ​നെ​ഴു​തി​ത്ത​രാം. അ​തു​പോ​ലെ ഒ​റ്റ​വാ​ച​കം പ​റ​ഞ്ഞാ​മ​തി. അ​പ്പോ​ൾ പ​റ​ഞ്ഞു, അ​മ്മ സ​മ്മ​തി​ക്കി​ല്ല, ഞാ​നി​തു​വ​രെ പ്ര​സം​ഗി​ച്ചി​ട്ടി​ല്ല എ​ന്ന്. അ​മ്മ സ​മ്മ​തി​ച്ചാ​ൽ പ്ര​സം​ഗി​ക്കു​മോ​യെ​ന്ന് ഞാ​ൻ ചോ​ദി​ച്ചു. അ​പ്പോ​ൾ ചി​രി​ച്ചു. സോ​ണി​യ ഗാ​ന്ധി പ്ര​സം​ഗം നി​ർ​ത്തി​യ ഉ​ട​ൻ ഞാ​ന​വ​രോ​ട് അനുവാദം ചോ​ദി​ച്ചു, അ​വ​ർ സ​മ്മ​തി​ച്ചു. രാ​ഹു​ൽ മൈ​ക്കി​നു​മു​ന്നി​ൽ ആ​ദ്യ​മാ​യി പ്ര​സം​ഗി​ച്ചു. ‘എ​ല്ലാ.....​വ​ർ...​ക്കും ന​മ​ഷ്കാ​രം... സോ പ്ലീസ് വോട്ട് ഫോർ ഖാദർ’... ഞാ​ൻ കോ​ര​ിത്ത​രി​ച്ചു. അ​തു​പ​റ​ഞ്ഞ് രാ​ഹു​ൽ ഗാ​ന്ധി പി​ൻ​വാ​ങ്ങി. ഞാ​ൻ വേ​ഗം വീ​ണ്ടും രാ​ഹു​ലി​നെ മൈ​ക്കി​ന് മു​ന്നി​ലേ​ക്ക് കൊ​ണ്ടു​പോ​യി മു​ല്ല​പ്പ​ള്ളി​ക്കു​കൂ​ടി വോ​ട്ട​ഭ്യ​ർ​ഥി​ക്കാ​ൻ പ​റ​ഞ്ഞു. വ​ള​രെ സീ​നി​യ​ർ നേ​താ​വ​ല്ലെ മോ​ശ​മ​ല്ലെ എ​ന്നു​ വി​ചാ​രി​ച്ചാ​ണി​ത് ചെ​യ്ത​ത്. അ​പ്പോ​ഴ​താ രാ​ഹു​ൽ മൈ​ക്കി​ലൂ​ടെ ‘മു​ള്ള​പ്പ​ള്ളി ആൾസോ...’ ഞാ​ൻ ഞെ​ട്ടി... ജ​ന​ങ്ങ​ളും.