മോദി തോൽവി പേടിയിലാണ്​

ഒ​ന്നാം​ഘ​ട്ടം പോ​ളി​ങ്​ പി​ന്നി​ട്ട​തോ​ടെ ന​രേ​ന്ദ്ര മോ​ദി​യും സം​ഘ്​​പ​രി​വാ​റും അ​ങ്ക​ലാ​പ്പി​ലാ​ണെ​ന്നും പ​ച്ച​ക്ക്​ വ​ർ​ഗീ​യ​ത പ്ര​ധാ​ന​മ​ന്ത്രി ത​ന്നെ ആ​വ​ർ​ത്തി​ച്ച്​ പ​റ​യു​ന്ന​തി​ന്‍റെ സാ​ഹ​ച​ര്യം തോ​ൽ​വി പേ​ടി​യാ​ണെ​ന്നും കോ​ൺ​ഗ്ര​സ്​ അ​ധ്യ​ക്ഷ​ൻ മ​ല്ലി​കാ​ർ​ജു​ൻ ഖാ​ർ​ഗെ. അ​ഭി​മു​ഖ​ത്തി​ൽ​നി​ന്ന്

• പ​ച്ച​യാ​യ വ​ർ​ഗീ​യ പ​രാ​മ​ർ​ശ​ങ്ങ​ൾ പ്ര​ധാ​ന​മ​ന്ത്രി ആ​വ​ർ​ത്തി​ക്കു​ക​യാ​ണ്​?

ന​രേ​ന്ദ്ര മോ​ദി​യെ വ​ലി​യ​തോ​തി​ൽ നി​രാ​ശ ബാ​ധി​ച്ചി​രി​ക്കു​ന്നു. അ​തു​കൊ​ണ്ടാ​ണ്​ ഇ​ങ്ങ​നെ​യൊ​ക്കെ പി​ന്നെ​യും പി​ന്നെ​യും പ​റ​യു​ന്ന​ത്. കോ​ൺ​ഗ്ര​സ്​ ഹി​ന്ദു​ക്ക​ളു​ടെ സ്വ​ത്തും സ്വ​ർ​ണ​വും പ​ണ​വും പി​ടി​ച്ചെ​ടു​ത്ത്​ കൂ​ടു​ത​ൽ കു​ട്ടി​ക​ളു​ള്ള​വ​ർ​ക്ക്​ അ​താ​യ​ത്​ മു​സ്​​ലിം​ക​ൾ​ക്ക്​ ന​ൽ​കു​മെ​ന്നൊ​ക്കെ ആ​രെ​ങ്കി​ലും പ​റ​യു​മോ...​ എ​നി​ക്ക്​ അ​ഞ്ച്​ മ​ക്ക​ളു​ണ്ട്.

ലാ​ലു പ്ര​സാ​ദി​ന്​ ഒ​മ്പ​ത്​ മ​ക്ക​ളു​ണ്ട്. ധാ​രാ​ളം മ​ക്ക​ളു​ള്ള കു​ടും​ബ​മാ​യി​രു​ന്നു ഗാ​ന്ധി​ജി​യു​ടേ​ത്. അം​ബേ​ദ്​​ക​ർ അ​ദ്ദേ​ഹ​ത്തി​ന്‍റെ കു​ടും​ബ​ത്തി​ലെ 14ാമ​ത്തെ പു​ത്ര​നാ​ണ്. എ​ല്ലാം മ​ത​വു​മാ​യി കൂ​ട്ടി​ക്കെ​ട്ട​രു​ത്. അ​ത്​ വ​ള​രെ മോ​ശ​മാ​ണ്. ഇ​ത്ത​രം ന​ട​പ​ടി​ക​ൾ രാ​ജ്യ​ത്തെ ത​ക​ർ​ക്കും. പ്ര​ധാ​ന​മ​ന്ത്രി രാ​ജ്യ​ത്തി​ന്‍റെ ച​രി​ത്രം പ​ഠി​ക്ക​ണം.

• ഭി​ന്നി​പ്പി​ച്ച്​ വി​ജ​യി​ക്കാ​നു​ള്ള ഈ ​ത​ന്ത്ര​ത്തെ പ്ര​തി​പ​ക്ഷം എ​ങ്ങ​നെ​യാ​ണ്​ നേ​രി​ടു​ക?

ഇ​ത്ത​രം മോ​ശം വ​ർ​ത്ത​മാ​നം പ​റ​ഞ്ഞ ​പ്ര​ധാ​ന​മ​ന്ത്രി​യെ തു​റ​ന്നു​കാ​ട്ടും. ഭ​ര​ണ​ഘ​ട​ന​യും മ​തേ​ത​ര​ത്വ​വും രാ​ജ്യ​വും സം​ര​ക്ഷി​ക്ക​പ്പെ​ടാ​ൻ ഇ​ത്ത​ര​മൊ​രാ​ളും പാ​ർ​ട്ടി​യും ഭ​ര​ണ​ത്തി​ൽ തു​ട​രാ​ൻ പാ​ടി​ല്ലെ​ന്ന് ജ​ന​ങ്ങ​ളെ ബോ​ധ്യ​പ്പെ​ടു​ത്തും. ജ​ന​ങ്ങ​ൾ അ​തൊ​ക്കെ മ​ന​സ്സി​ലാ​ക്കു​ന്നു​ണ്ട്. 55 വ​ർ​ഷം രാ​ജ്യം ഭ​രി​ച്ച​വ​രാ​ണ്​ ഞ​ങ്ങ​ൾ. മോ​ദി പ​റ​ഞ്ഞ​തു​പോ​ലെ എ​ന്തെ​ങ്കി​ലും കോ​ൺ​ഗ്ര​സ്​ സ​ർ​ക്കാ​റു​ക​ൾ ചെ​യ്തി​ട്ടു​ണ്ടോ...? ഭൂ​പ​രി​ഷ്ക​ര​ണം, ബാ​ങ്ക്​ ദേ​ശ​സാ​ത്​​ക​ര​ണം, തൊ​ഴി​ലു​റ​പ്പ്, വി​വ​രാ​വ​കാ​ശം തു​ട​ങ്ങി​യ പു​രോ​ഗ​മ​ന​പ​ര​മാ​യ ന​യ​ങ്ങ​ളാ​ണ്​ കോ​ൺ​ഗ്ര​സ്​ കൊ​ണ്ടു​വ​ന്ന​ത്. ന​രേ​ന്ദ്ര മോ​ദി എ​ല്ലാ​കാ​ല​ത്തും ​വ​ർ​ഗീ​യ ​ധ്രു​വീ​ക​ര​ണ​ത്തി​ന്‍റെ ആ​ളാ​ണ്.

ഗു​ജ​റാ​ത്ത്​ ക​ലാ​പ​ത്തി​ന്‍റെ പേ​രു​പ​റ​ഞ്ഞാ​ണ്​ 2014ൽ ​അ​​ദ്ദേ​ഹം പ്ര​ധാ​ന​മ​ന്ത്രി​യാ​യ​ത്. 2019ലും ​വ​ർ​ഗീ​യ​ത പ​റ​ഞ്ഞാ​ണ്​ വോ​ട്ട്​ പി​ടി​ച്ച​ത്. ഇ​പ്പോ​ൾ ഹി​ന്ദു സ്ത്രീ​ക​ളു​ടെ താ​ലി​മാ​ല​യെ​ക്കു​റി​ച്ച്​ പ​റ​യു​ന്ന​തും അ​തി​ന്‍റെ മ​റ്റൊ​രു പ​തി​പ്പ്​ മാ​ത്രം. നാ​ലാം​കി​ട രാ​ഷ്ട്രീ​യ​ക്കാ​ര​ന്‍റെ നി​ല​വാ​ര​ത്തി​ലാ​ണ്​ മോ​ദി പ്ര​വ​ർ​ത്തി​ക്കു​ന്ന​ത്.

• പ്ര​ധാ​ന​മ​ന്ത്രി​യു​ടെ വി​വാ​ദ പ്ര​സം​ഗ​ത്തി​ൽ തെ​ര​ഞ്ഞെ​ടു​പ്പ്​ ക​മീ​ഷ​ന്‍റെ നി​ല​പാ​ട്​ തൃ​പ്തി​ക​ര​​മാ​ണോ...?

സെ​ല​ക്ഷ​ൻ ന​ട​ത്തു​ന്ന​ത്​ മോ​ദി​യാ​ണ്. അ​പ്പോ​ൾ പി​ന്നെ ഇ​ല​ക്ഷ​നും മോ​ദി​യു​ടേ​ത്​ മാ​ത്ര​മാ​യി മാ​റി. തെ​ര​ഞ്ഞെ​ടു​പ്പ്​ ക​മീ​ഷ​ൻ അം​ഗ​ങ്ങ​ളെ നി​ശ്​​ച​യി​ക്കു​ന്ന​തി​നു​ള്ള അ​ധി​കാ​രം സ​ർ​ക്കാ​റി​ലേ​ക്ക്​ മാ​റ്റി​യ​ത്​ മോ​ദി​യാ​ണ്. ഇ​ല​ക്ഷ​ൻ ന​ട​പ​ടി​ക്ര​മ​ങ്ങ​ൾ തു​ട​ങ്ങി​യ​തി​ന്​ ശേ​ഷ​മാ​ണ്​ ഇ​ക്കു​റി ഒ​രു അം​ഗ​ത്തെ രാ​ജി​വെ​പ്പി​ച്ച​ത്. പു​തി​യ ര​ണ്ടു​പേ​രെ നി​യ​മി​ക്കു​ക​യും ചെ​യ്തു. തെ​ര​ഞ്ഞെ​ടു​പ്പ്​ ക​മീ​ഷ​ൻ സ​ർ​ക്കാ​ർ പ​റ​യു​ന്ന​ത്​ അ​നു​സ​രി​ക്കു​ന്ന​വ​രാ​കു​ന്ന​ത്​ ദു​ര​ന്ത​മാ​ണ്.

ഇ​ല​ക്ഷ​ൻ ക​മീ​ഷ​ൻ മാ​ത്ര​മ​ല്ല, സ്വ​യം​ഭ​ര​ണാ​വ​കാ​ശ​മു​ള്ള എ​ല്ലാ ഭ​ര​ണ​ഘ​ട​ന സ്ഥാ​പ​ന​ങ്ങ​ളി​ലും അ​വ​ർ ഇ​ട​പെ​ടു​ക​യാ​ണ്. സ​ർ​വ​ക​ലാ​ശാ​ല​ക​ളി​ലും പാ​ഠ്യ​പ​ദ്ധ​തി പ​രി​ഷ്ക​ര​ണ​ത്തി​ലു​മു​ള്ള ഇ​ട​പെ​ട​ൽ ഉ​ദാ​ഹ​ര​ണം. ഭ​ര​ണ​സം​വി​ധാ​ന​ത്തി​ൽ എ​ല്ലാ​യി​ട​ത്തും സം​ഘ്​​പ​രി​വാ​റാ​ണ്. ആ​ർ.​എ​സ്.​എ​സു​കാ​രെ കേ​ന്ദ്ര സ​ർ​വി​സി​ൽ ജോ​യ​ന്‍റ്​ സെ​​ക്ര​ട്ട​റി​മാ​രാ​യി ക​രാ​റി​ൽ നി​യ​മ​നം ന​ൽ​കും. പി​ന്നീ​ട്​ സ്ഥി​ര​പ്പെ​ടു​ത്തും. ഇ​താ​ണ്​ പ്ര​വ​ർ​ത്ത​ന​രീ​തി.

• ഇ​ൻ​ഡ്യ മു​ന്ന​ണി​യു​ടെ വി​ജ​യ​പ്ര​തീ​ക്ഷ എ​ത്ര​ത്തോ​ള​മാ​ണ്...

രാ​ജ്യ​ത്തി​ന്‍റെ വി​വി​ധ ഭാ​ഗ​ങ്ങ​ളി​ൽ സ​ഞ്ച​രി​ച്ചു. ജ​ന​ങ്ങ​ളു​മാ​യി സം​സാ​രി​ച്ചു. ജ​ന​വി​കാ​രം ഞ​ങ്ങ​ൾ​ക്ക്​ അ​നു​കൂ​ല​മാ​ണ്. ഇ​ൻ​ഡ്യ മു​ന്ന​ണി വി​ജ​യി​ക്കും. മോ​ദി സ​ർ​ക്കാ​റി​നെ​തി​രാ​യ ശ​ക്ത​മാ​യ ജ​ന​വി​കാ​ര​മു​ണ്ട്. അ​ത്​ അ​ത്ര​മേ​ൽ പു​റ​ത്ത്​ കാ​ണു​ന്നി​ല്ലാ​യി​രി​ക്കാം. എ​ന്നാ​ൽ, സ​ർ​ക്കാ​ർ മാ​റ​ണ​മെ​ന്ന ആ​ഗ്ര​ഹം എ​ല്ലാ​വി​ഭാ​ഗം ജ​ന​ങ്ങ​ളി​ലും ശ​ക്ത​മാ​ണ്. കോ​ൺ​ഗ്ര​സി​നും ഇ​ൻ​ഡ്യ മു​ന്ന​ണി​ക്കും അ​നു​കൂ​ല​മാ​യി വ​രി​ക​യാ​ണ്​ കാ​ര്യ​ങ്ങ​ൾ.

ഒ​ന്നാം​ഘ​ട്ട പോ​ളി​ങ്​​ ന​ട​ന്ന മ​ണ്ഡ​ല​ങ്ങ​ളി​ൽ ഇ​ൻ​ഡ്യ മു​ന്ന​ണി​ക്കാ​ണ്​ മേ​ൽ​​ക്കൈ. ര​ണ്ടാം​ഘ​ട്ട​ത്തി​ൽ കേ​ര​ള​ത്തി​ല​ട​ക്കം കോ​ൺ​ഗ്ര​സ​ട​ക്കം കാ​ര്യ​മാ​യി മു​ന്നേ​റും. അ​ത്​ മോ​ദി​ക്കു​മ​റി​യാം. അ​തി​നാ​ലാ​ണ്​ മോ​ദി കോ​ൺ​ഗ്ര​സി​നെ തു​ട​ർ​ച്ച​യാ​യി ക​ട​ന്നാ​​ക്ര​മി​ക്കു​ന്ന​ത്. മോ​ദി പ​റ​യു​ന്ന​ത്​ ഇ​ക്കു​റി 400ൽ ​കൂ​ടു​ത​ൽ സീ​റ്റെ​ന്നാ​ണ്​ ആ​വ​ർ​ത്തി​ച്ച്​ അ​വ​കാ​ശ​പ്പെ​ടു​ന്ന​ത്. അ​ത്ര​യും ആ​ത്മ​വി​ശ്വാ​സ​മു​ണ്ടെ​ങ്കി​ൽ എ​ന്തി​നാ​ണ്​ മ​റ്റ്​ പാ​ർ​ട്ടി​ക​ളി​ൽ നേ​താ​ക്ക​ളെ സ്വാ​ധീ​നി​ച്ച്​ ബി.​ജെ.​പി​യി​ലേ​ക്ക്​ കൊ​ണ്ടു​വ​രാ​ൻ പ​ണി​യെ​ടു​ക്കു​ന്ന​ത്.

• മോ​ദി​യു​ടെ ഗാ​ര​ന്‍റി വാ​ഗ്​​ദാ​ന​ങ്ങ​ളെ എ​ങ്ങ​നെ വി​ല​യി​രു​ത്തു​ന്നു?

മോ​ദി​യു​ടെ ഗാ​ര​ന്‍റി എ​ന്ന്​ പ​റ​യു​ന്ന​ത്​ അ​ദ്ദേ​ഹം പ​റ​യു​ന്ന കാ​ര്യ​ങ്ങ​ൾ ഒ​ന്നും ത​ന്നെ ന​ട​പ്പാ​ക്കി​ല്ല എ​ന്ന​തി​നു​ള്ള ഗാ​ര​ന്‍റി​യാ​ണ്. വ​ർ​ഷം ര​ണ്ടു​കോ​ടി ​യു​വാ​ക്ക​ൾ​ക്ക്​ ജോ​ലി വാ​ഗ്ദാ​നം​ ചെ​യ്താ​ണ്​ മോ​ദി വോ​ട്ട്​ നേ​ടി​യ​ത്. ര​ണ്ടു​കോ​ടി തൊ​ഴി​ൽ ആ​ർ​ക്കെ​ങ്കി​ലും കി​ട്ടി​യോ? 15 ല​ക്ഷം ന​ൽ​കു​മെ​ന്ന്​ പ​റ​ഞ്ഞു. കോ​ൺ​ഗ്ര​സ്​ വി​ദേ​ശ​ത്ത്​ ക​ട​ത്തി​യ ക​ള്ള​പ്പ​ണം തി​രി​ച്ചു​കൊ​ണ്ടു​വ​രു​മെ​ന്ന്​ പ​റ​ഞ്ഞു. ആ​ർ​ക്കെ​ങ്കി​ലും 15 ല​ക്ഷം കി​ട്ടി​യോ? ക​ള്ള​പ്പ​ണം എ​ത്ര​പേ​രി​ൽ​നി​ന്ന്​ പി​ടി​ച്ചെ​ടു​ത്തു?

ക​ർ​ഷ​ക​രു​​ടെ വ​രു​മാ​നം ഇ​ര​ട്ടി​യാ​ക്കു​മെ​ന്ന്​ പ​റ​ഞ്ഞി​ട്ട്​ എ​ന്താ​യി? മോ​ദി​ജി, നി​ങ്ങ​ൾ നു​ണ​യ​നാ​ണെ​ന്ന്​ ആ​വ​ർ​ത്തി​ച്ച്​ പ​റ​യ​ണ്ടേി​വ​രു​ന്ന​ത്​ അ​തു​കൊ​ണ്ടാ​ണ്. അ​ത്​ വ​സ്തു​ത​യാ​ണ്. എ​ല്ലാ​വ​ർ​ക്കും മ​ന​സ്സി​ലാ​കു​ന്ന ക​ര്യം. അ​ത്​ പ​റ​ഞ്ഞ​തി​ന്‍റെ പേ​രി​ൽ ഞ​ങ്ങ​ളോ​ട്​ ക്ഷോ​ഭി​ച്ചി​ട്ട്​ കാ​ര്യ​മി​ല്ല. ഞാ​ൻ ഞാ​ൻ മോ​ദി മോ​ദി എ​ന്നാ​ണ്​ പ്ര​ധാ​ന​മ​ന്ത്രി പ​റ​യു​ന്ന​ത്. ഒ​രു നേ​താ​വ​ല്ല, പാ​ർ​ട്ടി​യാ​ണ്​ ഭ​രി​ക്കു​ന്ന​ത്. മോ​ദി​യു​ടെ ഞാ​ൻ ഞാ​ൻ എ​ന്ന്​ പ​റ​യു​ന്ന​ത്​ ഏ​കാ​ധി​പ​ത്യ​ത്തി​ന്‍റെ ല​ക്ഷ​ണ​മാ​ണ്.

• ആ​ദാ​യ​നി​കു​തി ഇ​ട​പെ​ട​ലും പാ​ർ​ട്ടി ഫ​ണ്ട്​ മ​ര​വി​പ്പി​ക്ക​ലു​മൊ​ക്കെ എ​ങ്ങ​നെ​യാ​ണ്​ ത​ര​ണം​ചെ​യ്യു​ന്ന​ത്​ ?

പ്ര​തി​പ​ക്ഷ​ത്തി​ന്​ പ്ര​വ​ർ​ത്ത​ന സ്വാ​ത​ന്ത്ര്യം ല​ഭി​ക്കു​ന്നി​ല്ല. സം​ഭാ​വ​ന സ്വീ​ക​രി​ക്കാ​ൻ അ​നു​വ​ദി​ക്കു​ന്നി​ല്ല. പി​രി​ച്ച തു​ക​യാ​ക​ട്ടെ അ​ക്കൗ​ണ്ടി​ൽ​നി​ന്ന്​ എ​ടു​ക്കാ​നും സ​മ്മ​തി​ക്കു​ന്നി​ല്ല. കോ​ൺ​ഗ്ര​സി​ന്‍റെ 135 കോ​ടി​യാ​ണ്​ നി​കു​തി വ​കു​പ്പി​നെ ​ഉ​പ​യോ​ഗി​ച്ച്​ പി​ടി​ച്ചെ​ടു​ത്ത​ത്. വീ​ടും പ​ണ​വും പാ​ർ​ട്ടി​ക്കും രാ​ജ്യ​ത്തി​നും വേ​ണ്ടി ന​ൽ​കി​യി​ട്ടു​ള്ള​വ​രാ​ണ്​ ഞ​ങ്ങ​ൾ കോ​ൺ​ഗ്ര​സു​കാ​ർ. സ്വാ​ത​ന്ത്ര്യ​സ​മ​ര​ത്തി​ൽ പോ​ലും പ​ങ്കി​ല്ലാ​ത്ത സം​ഘ്​​പ​രി​വാ​റി​ന്​ ഞ​ങ്ങ​ളെ ത​ള​ർ​ത്താ​നാ​കി​ല്ല. പ്ര​തി​സ​ന്ധി​ക​ൾ കോ​ൺ​ഗ്ര​സ്​ അ​തി​ജീ​വി​ക്കും.

• കേ​ര​ള​ത്തി​ൽ കോ​ൺ​ഗ്ര​സി​ന്‍റെ മു​ഖ്യ​എ​തി​രാ​ളി ആ​രാ​ണ്​?

അ​ത്​ സം​സ്ഥാ​ന നേ​താ​ക്ക​ൾ പ​ല​കു​റി പ​റ​ഞ്ഞ കാ​ര്യ​മാ​ണ്. ഞാ​ൻ ആ​വ​ർ​ത്തി​ക്കേ​ണ്ട​തി​ല്ല. ഇ​വി​ടെ 20 സീ​റ്റി​ലും ഞ​ങ്ങ​ൾ ജ​യി​ക്കും.

• മു​ഖ്യ​മ​​ന്ത്രി പി​ണ​റാ​യി വി​ജ​യ​ൻ രാ​ഹു​ൽ ഗാ​ന്ധി​ക്കെ​തി​രെ ന​ട​ത്തു​ന്ന ക​ടു​ത്ത വി​മ​ർ​ശ​ന​ങ്ങ​ളോ​ട്​ കോ​ൺ​ഗ്ര​സ്​ പ്ര​സി​ഡ​ന്‍റി​ന്‍റെ മ​റു​പ​ടി എ​ന്താ​ണ്...

അ​തൊ​ക്കെ പ​റ​ഞ്ഞു​ക​ഴി​ഞ്ഞ​താ​ണ്. വ്യ​ക്തി​പ​ര​മാ​യ വി​മ​ർ​ശ​ന​ങ്ങ​ൾ​ക്ക്​ അ​തേ​രീ​തി​യി​ൽ ത​ന്നെ പ്ര​തി​ക​ര​ണം ന​ൽ​കി​യി​ട്ടു​ണ്ട്.