‘തീ​വ്ര​വാ​ദ ചാ​പ്പ​യ​ടി​ക്കാ​ൻ സ​മു​ദാ​യം നി​ന്നു​ത​രി​ല്ല’

ദ​ക്ഷി​ണ കേ​ര​ള ജം​ഇ​യ്യ​തു​ൽ ഉ​ല​മ തെ​ക്ക​ൻ കേ​ര​ള​ത്തി​ലെ മാ​ത്ര​മ​ല്ല, തെ​ന്നി​ന്ത്യ​യി​ലെ ത​ന്നെ ഇ​സ്‍ലാ​മി​ക പ​ണ്ഡി​ത​രു​ടെ ആ​ധി​കാ​രി​ക മു​ന്നേ​റ്റ​ങ്ങ​ളി​ലൊ​ന്നാ​ണ്. രൂ​പ​വ​ത്ക​ര​ണ​ത്തി​​ന്റെ 70ാം വാ​ർ​ഷി​ക വേ​ള​യി​ൽ സം​ഘ​ട​ന മു​ന്നോ​ട്ടു​വെ​ക്കു​ന്ന പ്ര​മേ​യ​വും സ​മ​കാ​ലി​ക രാ​ഷ്ട്രീ​യ സാ​മൂ​ഹി​ക സാ​ഹ​ച​ര്യ​ങ്ങ​ളും സം​ബ​ന്ധി​ച്ച് സം​സ്ഥാ​ന ജ​ന​റ​ൽ സെ​ക്ര​ട്ട​റി തൊ​ടി​യൂ​ർ മു​ഹ​മ്മ​ദ്​ കു​ഞ്ഞ്​ മൗ​ല​വി ‘മാ​ധ്യ​മ’​വു​മാ​യി സം​സാ​രി​ച്ചു. പ്ര​സ​ക്ത ഭാ​ഗ​ങ്ങ​ൾ:

?തെ​ന്നി​ന്ത്യ​ൻ മു​സ്​​ലിം സ​മൂ​ഹ​ത്തി​ന്റെ മ​ത-​സാം​സ്കാ​രി​ക ജീ​വി​ത​ത്തി​ൽ കൃ​ത്യ​മാ​യ അ​ട​യാ​ള​പ്പെ​ടു​ത്ത​ലു​ക​ൾ ന​ട​ത്തി​യ കൂ​ട്ടാ​യ്മ​യാ​ണ് ദ​ക്ഷി​ണ​കേ​ര​ള ജം​ഇ​യ്യ​തു​ൽ ഉ​ല​മ. സം​ഘ​ട​ന​യു​ടെ ക​ഴി​ഞ്ഞ​കാ​ല പ്ര​വ​ർ​ത്ത​ന​ങ്ങ​ൾ ചു​രു​ക്ക​ത്തി​ൽ വി​വ​രി​ക്കാ​മോ?

മു​സ്​​ലിം സ​മു​ദാ​യ​ത്തി​ന്‍റെ സാ​മൂ​ഹി​ക-​സാം​സ്കാ​രി​ക - വി​ദ്യാ​ഭ്യാ​സ-​ആ​ത്​​മീ​യ മേ​ഖ​ല​ക​ളി​ലെ സ​മ​ഗ്ര പു​രോ​ഗ​തി​യും ഇ​സ്​​ലാ​മി​ക ന​വോ​ത്ഥാ​ന​വും ല​ക്ഷ്യ​മി​ട്ട്​ പ​ണ്ഡി​ത ശ്രേ​ഷ്ഠ​രു​ടെ മു​ൻ​കൈ​യി​ൽ 1955ലാ​ണ് തി​രു-​കൊ​ച്ചി കേ​ന്ദ്ര​മാ​ക്കി ദ​ക്ഷി​ണ കേ​ര​ള ജം​ഇ​യ്യ​തു​ൽ ഉ​ല​മ പി​റ​വി​യെ​ടു​ത്ത​ത്. അ​ന്നു​മു​ത​ൽ സ​മു​ദാ​യ​ത്തെ ബാ​ധി​ക്കു​ന്ന സ​ങ്കീ​ർ​ണ​മാ​യ പ​ല സാ​മൂ​ഹി​ക പ്ര​ശ്ന​ങ്ങ​ളി​ൽ സ​മ​യോ​ചി​ത​മാ​യി ഇ​ട​പെ​ടാ​നും പ​ല​തി​ലും ഗു​ണ​പ​ര​മാ​യ ഫ​ലം ക​ണ്ടെ​ത്താ​നും സം​ഘ​ട​ന​ക്ക്​ സാ​ധി​ച്ചു.

സ​മു​ദാ​യം വെ​ല്ലു​വി​ളി നേ​രി​ട്ട, അ​ന്ത​സ്സ് ചോ​ദ്യം ചെ​യ്യ​പ്പെ​ട്ട ഘ​ട്ട​ങ്ങ​ളി​ലൊ​ക്കെ​യും പ്ര​തി​രോ​ധി​ക്കാ​ൻ മു​ന്‍നി​ര​യി​ൽ ദ​ക്ഷി​ണ​യു​ണ്ടാ​യി​രു​ന്നു. ന​ര​സിം​ഹ​റാ​വു പ്ര​ധാ​ന​മ​ന്ത്രി​യാ​യി​രു​ന്ന കാ​ല​ത്ത്​ ഏ​ക സി​വി​ൽ​കോ​ഡി​ന്​ മു​റ​വി​ളി ഉ​യ​ർ​ന്ന​പ്പോ​ൾ ഡ​ൽ​ഹി​യി​ൽ സ​മ​രം ചെ​യ്​​ത്​ അ​ദ്ദേ​ഹ​ത്തെ​ക്കൊ​ണ്ട്​ ഏ​ക സി​വി​ൽ​കോ​ഡ്​ ന​ട​പ്പാ​ക്കി​ല്ലെ​ന്ന്​ പ​റ​യി​ച്ച​ത്​ ഒ​രു​ദാ​ഹ​ര​ണം മാ​ത്രം. ശ​രീ​അ​ത്ത്​ പ്ര​ക്ഷോ​ഭം, പൗ​ര​ത്വ ഭേ​ദ​ഗ​തി​ക്കെ​തി​രി​ലെ സ​മ​ര​ങ്ങ​ൾ, മ​അ്​​ദ​നി വി​ഷ​യം തു​ട​ങ്ങി സ​മു​ദാ​യം പ്ര​തി​ക്കൂ​ട്ടി​ലാ​യ സ​മ​കാ​ലി​ക പ്ര​ശ്ന​ങ്ങ​ളി​ലൊ​ക്കെ​യും ഇ​ട​പെ​ട്ടു.

മൂ​വാ​യി​ര​ത്തോ​ളം പ്രാ​ഥ​മി​ക മ​ദ്റ​സ​ക​ളും ബി​രു​ദ-​ബി​രു​ദാ​ന​ന്ത​ര കോ​ഴ്​​സു​ക​ളു​ള്ള ആ​ർ​ട്ട്​​സ്​ ആ​ൻ​ഡ്​ സ​യ​ൻ​സ്​ പ​ഠി​പ്പി​ക്കു​ന്ന 16 സ്ഥാ​പ​ന​ങ്ങ​ളും സം​ഘ​ട​ന​യു​ടെ നി​യ​ന്ത്ര​ണ​ത്തി​ൽ പ്ര​വ​ർ​ത്തി​ക്കു​ന്നു. അ​നാ​ഥ പെ​ൺ​കു​ട്ടി​ക​ളെ ദ​ത്തെ​ടു​ത്ത്​ വി​ദ്യാ​ഭ്യാ​സം പ​ക​ർ​ന്നു​ന​ൽ​കി വി​വാ​ഹം ചെ​യ്ത് കു​ടും​ബ ജീ​വി​ത​ത്തി​ലേ​ക്കെ​ത്തി​ക്കു​ന്ന​ത​ട​ക്കം നി​ര​വ​ധി സേ​വ​ന​പ്ര​വ​ർ​ത്ത​ന​ങ്ങ​ളും ന​ട​ത്തു​ന്നു.

? എ​ഴു​പ​താം വാ​ർ​ഷി​കം മു​ന്നോ​ട്ടു​വെ​ക്കു​ന്ന പ്ര​ധാ​ന സ​ന്ദേ​ശ​മെ​ന്താ​ണ്​?

‘ഉ​റ​ച്ച ആ​ദ​ർ​ശം, ഒ​രു​മ​യു​ള്ള ഉ​മ്മ​ത്ത്​’ എ​ന്ന ​പ്ര​മേ​യ​ത്തി​ലെ കാ​മ്പ​യി​ന​ട​ക്കം​ ഒ​രു​വ​ർ​ഷം നീ​ളു​ന്ന പ​രി​പാ​ടി​ക​ളാ​ണ്​ ആ​സൂ​ത്ര​ണം ചെ​യ്തി​രി​ക്കു​ന്ന​ത്. പ്ര​മേ​യ​ത്തി​ന്റെ ത​ല​ക്കെ​ട്ടി​ൽ ത​ന്നെ അ​തി​ന്‍റെ എ​ല്ലാ കാ​മ്പും ഉ​ൾ​ക്കൊ​ള്ളു​ന്നു​ണ്ട്. സ​മു​ദാ​യം നേ​രി​ടു​ന്ന ആ​ദ​ർ​ശ​പ​ര​മാ​യ ​വെ​ല്ലു​വി​ളി​ക​ളെ പ്ര​തി​രോ​ധി​ക്കു​ന്ന​തി​നൊ​പ്പം സ​മു​ദാ​യ​ത്തി​ന്‍റെ മു​ഴു​വ​നാ​യ ഐ​ക്യ​വും ഇ​ത​ര സ​മു​ദാ​യ​ങ്ങ​ളു​മാ​യു​ള്ള ബ​ന്ധം ഊ​ട്ടി​യു​റ​പ്പി​ച്ച് നാ​ടി​ന്റെ സാ​ഹോ​ദ​ര്യ​വും സ​മാ​ധാ​ന​വും ഉ​റ​പ്പാ​ക്കു​ന്ന​തി​നു​ള്ള പ്ര​വ​ർ​ത്ത​ന​ങ്ങ​ളും കാ​മ്പ​യി​ൻ ല​ക്ഷ്യ​മി​ടു​ന്നു. ടേ​ബി​ൾ ടോ​ക്കു​ക​ളും മ​റ്റു പ്ര​വ​ർ​ത്ത​ന​ങ്ങ​ളും എ​ല്ലാ ജി​ല്ല​ക​ളി​ലും സം​ഘ​ടി​പ്പി​ക്കു​ന്നു​ണ്ട്.

? ചി​ല മു​സ്‍ലിം സം​ഘ​ട​ന​ക​ളെ ഭീ​ക​ര​വാ​ദ ചാ​പ്പ​കു​ത്തി ഒ​റ്റ​പ്പെ​ടു​ത്താ​നു​ള്ള ശ്ര​മ​ങ്ങ​ൾ കേ​ന്ദ്ര - സം​സ്ഥാ​ന ഭ​ര​ണ​കൂ​ട​ങ്ങ​ളി​ൽ​നി​ന്നും അ​വ​യെ നി​യ​ന്ത്രി​ക്കു​ന്ന ​രാ​ഷ്ട്രീ​യ പ്ര​സ്​​ഥാ​ന​ങ്ങ​ളി​ൽ നി​ന്നും നി​ര​ന്ത​ര​മാ​യി ഉ​ണ്ടാ​കു​ന്നു, അ​തി​നെ എ​ങ്ങ​നെ നോ​ക്കി​ക്കാ​ണു​ന്നു?

ഞ​ങ്ങ​ളു​ടെ പ്ര​സ്ഥാ​ന​ത്തി​ന്​ രാ​ഷ്ട്രീ​യ ആ​ഭി​മു​ഖ്യ​മി​ല്ല. എ​ല്ലാ മ​ത​നി​ര​പേ​ക്ഷ രാ​ഷ്ട്രീ​യ പാ​ർ​ട്ടി​ക​ളോ​ടും സ​മ​ദൂ​ര​മാ​ണ്​ സൂ​ക്ഷി​ച്ചു​പോ​രു​ന്ന​ത്. അ​തേ​സ​മ​യം മു​സ്​​ലിം സ​മു​ദാ​യ​ത്തി​ലെ ഏ​തെ​ങ്കി​ലും സം​ഘ​ട​ന​ക​ളെ ഭീ​ക​ര​വാ​ദി​ക​ളെ​ന്നും അ​പ​ക​ട​കാ​രി​ക​ളെ​ന്നും ചാ​പ്പ​കു​ത്തി ഒ​റ്റ​പ്പെ​ടു​ത്തു​ന്ന സ​മീ​പ​നം ആ​ര് ന​ട​ത്തി​യാ​ലും അ​തം​ഗീ​ക​രി​ച്ചു കൊ​ടു​ക്കാ​നാ​വി​ല്ല.

ഇ​ന്ത്യ​യു​ടെ ഭ​ര​ണ​ഘ​ട​ന​യെ​യും നി​യ​മ​വാ​ഴ്ച​യെ​യും ദേ​ശീ​യ​ത​യെ​യും അ​ഖ​ണ്ഡ​ത​യെ​യും അം​ഗീ​ക​രി​ക്കാ​ത്ത ഒ​രു പ്ര​സ്ഥാ​ന​വും മു​സ്‍ലിം സ​മു​ദാ​യ​ത്തി​ൽ​ കേ​ര​ള​ത്തി​ലോ ന​മ്മ​ൾ അ​റി​യു​ന്ന മ​റ്റു പ്ര​ദേ​ശ​ങ്ങ​ളി​ലോ ഇ​ല്ല എ​ന്ന​താ​ണ്​ ദ​ക്ഷി​ണ കേ​ര​ള ജം​ഇ​യ്യ​തു​ൽ ഉ​ല​മ​യു​ടെ നി​ല​പാ​ട്. ത​ങ്ങ​ൾ​ക്ക്​ ഇ​ഷ്ട​മ​ല്ലാ​ത്ത​വ​രെ​യും ഒ​പ്പം നി​ൽ​ക്കാ​ത്ത​വ​രെ​യും തീ​വ്ര​വാ​ദി​ക​ളാ​ക്കി ആ​ർ.​എ​സ്.​എ​സി​ന്റെ സ്വ​ര​ത്തി​ൽ സി.​പി.​എം​പോ​ലു​ള്ള സം​ഘ​ട​ന​ക​ൾ സം​സാ​രി​ക്കു​ന്ന​ത്​ ശ​രി​യ​ല്ല.

? അ​തു​പ​ക്ഷേ കേ​ര​ള​ത്തി​ലെ ത​ന്നെ എ​ല്ലാ മു​സ്​​ലിം സം​ഘ​ട​ന​ക​ളും അം​ഗീ​ക​രി​ക്കു​ന്നു​​ണ്ടോ?

ഇ​ക്കാ​ര്യ​ത്തി​ലും ‘ദ​ക്ഷി​ണ’​ക്ക്​ വ്യ​ക്​​ത​മാ​യ നി​ല​പാ​ടു​ണ്ട്. സ്ഥാ​പി​ത താ​ൽ​പ​ര്യ​ങ്ങ​ളു​ടെ പേ​രി​ൽ മു​സ്‍ലിം സ​മു​ദാ​യ​ത്തി​ൽ​പ്പെ​ട്ട ​പ്ര​സ്ഥാ​ന​ങ്ങ​ളി​ൽ തീ​വ്ര​വാ​ദം ആ​രോ​പി​ക്കു​ക​യും ഫാ​ഷി​സ​ത്തി​ന് വെ​ട്ടാ​ൻ പാ​ക​ത്തി​ന് ന​മ്മു​ടെ ത​ല​പി​ടി​ച്ചു​കൊ​ടു​ക്കു​ക​യും ചെ​യ്യു​ന്ന​വ​രെ മു​സ്‍ലിം സ​മു​ദാ​യം ഒ​ന്ന​ട​ങ്കം മാ​ന​സി​ക​മാ​യി പ​ടി​ക്കു​പു​റ​ത്ത് നി​ർ​ത്ത​ണം എ​ന്ന​താ​ണ്​ സം​ഘ​ട​ന​യു​​ടെ അ​ച​ഞ്ച​ല നി​ല​പാ​ട്.

അ​ത്​ പ്ര​സ്​​ഥാ​നം പ​ര​സ്യ​മാ​യി പ​റ​ഞ്ഞി​ട്ടു​ള്ള കാ​ര്യ​മാ​ണ്. ത​ങ്ങ​ൾ​ക്ക്​ ആ​ഭി​മു​ഖ്യ​മു​ള്ള ​​രാ​ഷ്​​ട്രീ​യ പ്ര​സ്ഥാ​ന​ങ്ങ​ളു​ടെ പ്രീ​തി​യും കൈ​യ​ടി​യും നേ​ടാ​ൻ വേ​ണ്ടി മു​സ്‍ലിം സ​മു​ദാ​യ സം​ഘ​ട​ന​ക​ൾ​ക്കു​മേ​ൽ വ​ർ​ഗീ​യ​ത ആ​രോ​പി​ക്കു​ക​യും തീ​വ്ര​വാ​ദി​ക​ളെ​ന്ന് അ​ധി​ക്ഷേ​പി​ക്കു​ക​യും ചെ​യ്യു​ന്ന സ​മു​ദാ​യ​ത്തി​ലെ ചി​ല നേ​താ​ക്ക​ളോ​ട് പ​റ​യാ​നു​ള്ള​ത്, നി​ങ്ങ​ൾ ചെ​യ്യു​ന്ന​ത് പ്ര​വാ​ച​ക​ന്റെ നി​ല​പാ​ടു​ക​ളോ​ടു​​ള്ള അ​നീ​തി​യാ​ണെ​ന്നാ​ണ്. ദൈ​വ​ത്തോ​ട്​ പ​ശ്ചാ​ത്ത​പി​ച്ച് മ​ട​ങ്ങേ​ണ്ട കാ​ര്യ​വു​മാ​ണ​ത്. ഒ​രു രാ​ഷ്ട്രീ​യ സം​ഘ​ട​ന​യോ​ടും വി​ധേ​യ​ത്വം ഇ​ല്ലാ​ത്ത ദ​ക്ഷി​ണ കേ​ര​ള ജം​ഇ​യ്യ​തു​ൽ ഉ​ല​മ​ക്ക്​ ഇ​ക്കാ​ര്യം തു​റ​ന്നു​പ​റ​യു​ന്ന​തി​ന്​ ഒ​രു മ​ടി​യും മ​റ​യും ഇ​ല്ല.

? പ്ര​മേ​യം ചൂ​ണ്ടി​ക്കാ​ട്ടു​ന്ന ‘ഒ​രു​മ​യു​ള്ള ഉ​മ്മ​ത്ത്​ ’ എ​ന്ന സ​ന്ദേ​ശം മു​ന്നോ​ട്ടു​വെ​ച്ച് 1999ൽ ​രൂ​പ​പ്പെ​ട്ടി​രു​ന്ന മു​സ്​​ലിം സൗ​ഹൃ​ദ​വേ​ദി​യി​ൽ ജം​ഇ​യ്യ​തു​ൽ ഉ​ല​മ​യും പ​ങ്കാ​ളി​യാ​യി​രു​ന്ന​ല്ലോ, ഇ​നി​യും അ​ത്ത​ര​മൊ​രു കൂ​ട്ടാ​യ്മ​ക്ക്​ സാ​ധ്യ​ത​യു​ണ്ടോ?

മു​സ്​​ലിം സൗ​ഹൃ​ദ​വേ​ദി കു​റ​ച്ചു​കാ​ലം ന​ന്നാ​യി പ്ര​വ​ർ​ത്തി​ച്ചു. അ​ത്ത​ര​മൊ​രു സം​വി​ധാ​നം ത​ന്നെ​യാ​ണ്​ പ്ര​മേ​യം ല​ക്ഷ്യം വെ​ക്കു​ന്ന​തും. ഓ​രോ സം​ഘ​ട​ന​ക്കും അ​വ​ര​വ​രു​ടേ​താ​യ ല​ക്ഷ്യ​ങ്ങ​ളും പ്ര​വ​ർ​ത്ത​ന ശൈ​ലി​യു​മു​ണ്ട്. അ​തൊ​ക്കെ നി​ല​നി​ൽ​ക്കേ​ത​ന്നെ യോ​ജി​ക്കാ​വു​ന്ന മേ​ഖ​ല​ക​ളി​​ലൊ​ക്കെ യോ​ജി​ച്ച്​ സ​മു​ദാ​യ​ത്തി​ന്‍റെ പൊ​തു​പ്ര​ശ്ന​ങ്ങ​ളി​ൽ ഇ​ട​പെ​ടു​ക എ​ന്ന​താ​ണ്​ ഉ​ദ്ദേ​ശി​ക്കു​ന്ന​ത്. അ​പ്പോ​ഴും ഇ​ത​ര​സ​മു​ദാ​യ​ങ്ങ​ൾ​ക്ക്​ ദോ​ഷം വ​രു​ത്തു​ന്ന​തൊ​ന്നും സം​ഭ​വി​ക്കു​ക​യു​മ​രു​ത്. മു​സ്​​ലിം സൗ​ഹൃ​ദ​വേ​ദി​ക്ക് ഇ​നി​യും പ്ര​സ​ക്തി​യും സാ​ധ്യ​ത​യു​മു​ണ്ട്. വ​ർ​ഗീ​യ​ത ഇ​ല്ലാ​താ​ക്കാ​ൻ അ​ത്ത​രം കൂ​ട്ടാ​യ്മ​ക​ൾ​ക്ക്​ ക​ഴി​യും. അ​ത്ത​രം മു​ന്നേ​റ്റ​ങ്ങ​ൾ നാം ​ജീ​വി​ക്കു​ന്ന കാ​ല​ഘ​ട്ട​ത്തി​ന്റെ ആ​വ​ശ്യ​മാ​ണ്.

? ലി​ബ​റ​ലി​സം എ​ന്ന ലേ​ബ​ലി​ൽ ദൈ​വ നി​ഷേ​ധ​ത്തി​ലൂ​ന്നി, മ​ത​ത്തി​ന്‍റെ​യും സ​മൂ​ഹ​ത്തി​ന്‍റെ​യും നി​യ​ന്ത്ര​ണ​ത്തി​ൽ​നി​ന്ന്​ വ്യ​ക്​​തി​ക​ളെ മോ​ചി​പ്പി​ക്ക​ണ​മെ​ന്ന ആ​വ​ശ്യ​മു​യ​ർ​ത്തി മു​സ്​​ലിം സ​മു​ദാ​യ​ത്തെ ഉ​ന്ന​മി​ട്ട് നീ​ക്ക​ങ്ങ​ൾ ന​ട​ക്കു​ന്ന​തായി ആക്ഷേപമുയരുന്നുണ്ട്. അതിനെ സം​ഘ​ട​ന എ​ങ്ങ​നെ കാ​ണു​ന്നു?

അ​ക്കാ​ര്യം മ​ന​സ്സി​ലാ​ക്കി​ത്ത​ന്നെ​യാ​ണ്​ പ്ര​മേ​യ​ത്തി​ൽ പ്ര​ഥ​മ പ​രി​ഗ​ണ​ന​യാ​യി ‘ഉ​റ​ച്ച ആ​ദ​ർ​ശം’ എ​ന്ന ത​ല​ക്കെ​ട്ട്​ ഉ​ൾ​ക്കൊ​ള്ളി​ച്ചി​രി​ക്കു​ന്ന​ത്. വ്യ​ക്​​തി​യെ ദൈ​വ​ത്തി​ന്‍റെ സ്ഥാ​ന​ത്ത്​ പ്ര​തി​ഷ്ഠി​ക്കു​ന്ന​താ​ണ്​ ആ​ധു​നി​ക ലി​ബ​റ​ലി​സം. അ​ത്​ ഒ​രു ത​ര​ത്തി​ലും മു​സ്​​ലിം സ​മു​ദാ​യ​ത്തി​ന്​ അം​ഗീ​ക​രി​ക്കാ​നാ​വി​ല്ല. ബോ​ധ​വ​ത്ക​ര​ണം ത​ന്നെ​യാ​ണ്​ അ​ത്ത​രം ആ​ശ​യ​ങ്ങ​ളെ​ പ്ര​തി​രോ​ധി​ക്കാ​നു​ള്ള മാ​ർ​ഗം. ‘ദ​ക്ഷി​ണ’​യു​ടെ മേ​ൽ​നോ​ട്ട​ത്തി​ലു​ള്ള പ​ള്ളി​ക​ളി​ലെ ഖു​ത്തു​ബ​ക​ളി​ൽ ഇ​മാ​മു​മാ​ർ ഇ​ക്കാ​ര്യ​ങ്ങ​ൾ വ്യ​ക്​​ത​മാ​ക്കി സ​മു​ദാ​യ അം​ഗ​ങ്ങ​ളെ ബോ​ധ​വ​ത്ക​രി​ക്കും.

? സ​മു​ദാ​യം അ​ന​ർ​ഹ​മാ​യ​ത് നേ​ടി​യെ​ടു​ക്കു​ന്നു എ​ന്ന പ്ര​ചാ​ര​വേ​ല​യി​ലൂ​ടെ മു​സ്‍ലിം വി​രു​ദ്ധ​ത കേ​ര​ള സ​മൂ​ഹ​ത്തി​ൽ പ​ട​ർ​ത്തി​വി​ടു​ന്ന​ത് വ്യാ​പ​ക​മാ​യി​രി​ക്കു​ന്നു. ഇ​തി​ലെ​ല്ലാം ഒ​രു വ്യ​ക്ത​ത വ​രു​ത്താ​ൻ സ​ർ​ക്കാ​ർ ജോ​ലി, വി​ദ്യാ​ഭ്യാ​സ സ്ഥാ​പ​ന​ങ്ങ​ളി​ലെ പ്രാ​തി​നി​ധ്യം എ​ന്നി​വ സം​ബ​ന്ധ​മാ​യ സ്ഥി​തി​വി​വ​ര​ക്ക​ണ​ക്ക്​ പു​റ​ത്തു​വി​ടേ​ണ്ട​തി​ല്ലേ?

തീ​ർ​ച്ച​യാ​യും അ​താ​വ​ശ്യ​മാ​ണ്. കേ​ര​ള​ത്തി​ലെ മ​ദ്റ​സ അ​ധ്യാ​പ​ക​ർ​ക്ക് സ​ർ​ക്കാ​ർ ശ​മ്പ​ളം ന​ൽ​കു​ന്നു എ​ന്നും മ​റ്റും വ്യാ​പ​ക​മാ​യ അ​സ​ത്യ പ്ര​ചാ​ര​ണ​ങ്ങ​ളാ​ണ് അ​ഴി​ച്ചു​വി​ട്ടു​കൊ​ണ്ടി​രി​ക്കു​ന്ന​ത്. പ്ര​ചാ​ര​ണം ക​ള്ള​മാ​ണെ​ന്ന​റി​യു​ന്ന, അ​ത് തി​രു​ത്താ​ൻ ബാ​ധ്യ​ത​യു​ള്ള അ​ധി​കൃ​ത​ർ മൗ​ന​മ​വ​ലം​ബി​ക്കു​ന്ന​ത് അ​ധാ​ർ​മി​ക​ത​യാ​ണ്. സ​ർ​ക്കാ​ർ ജോ​ലി​ക​ളി​ൽ 12 ശ​ത​മാ​നം പ്രാ​തി​നി​ധ്യം ല​ഭി​ക്കേ​ണ്ട മു​സ്​​ലിം സ​മു​ദാ​യ​ത്തി​ന് അ​തി​ന്റെ പ​കു​തി പോ​ലും ല​ഭി​ച്ചി​ട്ടി​ല്ല.

അ​റ​ബി​ക് സ​ർ​വ​ക​ലാ​ശാ​ല വേ​ണ​മെ​ന്ന​ത്​ എ​ല്ലാ മു​ന്ന​ണി​ക​ളും പ്ര​ക​ട​ന പ​ത്രി​ക​യി​ൽ പ​റ​ഞ്ഞ​താ​ണ്, അ​തു​ണ്ടാ​യി​ല്ല. അ​റ​ബി​ഭാ​ഷ​യു​ടെ വി​കാ​സം മു​സ്​​ലിം​ക​ൾ​ക്ക്​ മാ​ത്ര​മ​ല്ല പ്ര​യോ​ജ​ന​പ്പെ​ടു​ന്ന​ത്. വി​ദേ​ശ​ത്ത്​ ജോ​ലി​ക്കു​പോ​കു​ന്ന എ​ല്ലാ സ​മു​ദാ​യ​ങ്ങ​ളി​ൽ നി​ന്നു​ള്ള ഉ​ദ്യോ​ഗാ​ർ​ഥി​ക​ൾ​ക്കും ഗു​ണം ചെ​യ്യും. ജാ​തി-​സ​മു​ദാ​യ സെ​ൻ​സ​സ്​ ന​ട​പ്പാ​ക്ക​ണ​മെ​ന്ന ആ​വ​ശ്യ​ത്തി​നൊ​പ്പ​മാ​ണ് സം​ഘ​ട​ന.