നി​ർ​മി​തബു​ദ്ധി എ​ന്ന അ​ജ്ഞാ​ത ജീ​വി

മ​ല​യാ​ള​ത്തി​ലെ സ​മാ​ന്ത​ര സി​നി​മ സം​രം​ഭ​ങ്ങ​ളെ​യും അ​തി​ന്‍റെ വ​ക്താ​ക്ക​ളെ​യും ഏ​റ്റ​വും ആ​ഴ​ത്തി​ൽ സ്വാ​ധീ​നി​ച്ച ഇ​ന്ത്യ​ൻ ഭാ​ഷാ സി​നി​മ​ക​ൾ ഒ​രു​പ​ക്ഷേ ബം​ഗാ​ളി​ൽ​നി​ന്നു​ള്ള​വ​യാ​കും. സ​ത്യ​ജി​ത്​ റാ​യ്​ മു​ത​ൽ ഋ​ത്വിക്​ ഘ​ട്ട​കും മൃ​ണാ​ൾ സെ​ന്നും അ​ട​ക്ക​മു​ള്ള​വ​ർ മ​ല​യാ​ളി​യു​ടെ ച​ല​ച്ചി​ത്ര ഭാ​വു​ക​ത്വ​ത്തെ​യും സൗ​ന്ദ​ര്യാ​ത്മക​ത​യെ​യും ഗാ​ഢ​മാ​യി സ്വാ​ധീ​നി​ച്ച ച​ല​ച്ചി​ത്ര സ്രഷ്ടാ​ക്ക​ളാ​ണ്.

ബം​ഗാ​ളി​ലെ സ​മാ​ന്ത​ര സി​നി​മ​ക്ക്​ പ​ഴ​യ പ്രൗ​ഢി ഇ​ന്നി​​െല്ലങ്കി​ലും ലോ​കശ്ര​ദ്ധ നേ​ടു​ന്ന സി​നി​മ​ക​ൾ ഇ​പ്പോ​ഴും അ​വി​ടെ​നി​ന്ന്​ പി​റ​വികൊ​ള്ളു​ന്നു​ണ്ട്. പ​ശ്ചി​മ​ ബം​ഗാ​ളി​ലെ സ​മാ​ന്ത​ര സി​നി​മാലോ​ക​​ത്തെ പു​തു​ത​ല​മു​റ​യി​ലെ ശ്ര​ദ്ധേ​യ സാ​ന്നി​ധ്യ​മാ​ണ്​ അ​നീ​ക് ചൗ​ധ​രി. ‘ദി ​വൈ​ഫ്​​സ്​ ലെ​റ്റ​ർ’, ‘വൈ​റ്റ്’, ‘കാ​ക്​​റ്റ​സ്’, ‘ജ​റോ​ക്ക്’, ‘ദി ​ടെ​യ്​​ൽ ഓ​ഫ്​ എ ​സാ​ന്‍റ ആ​ൻ​ഡ്​ ഹി​സ്​ മ​ത​ർ’ എ​ന്നീ ഫീ​ച്ച​ർ സി​നി​മ​ക​ളും അ​ർ​ബ​ർ വോ​യ്​​സ്, കോ​മി​ക്​ ഫിം​ഗേ​ർ​സ്​ എ​ന്നീ ഡോ​ക്യു​​െമ​ന്‍റ​റി​ക​ളും അ​നീ​ക് ചൗ​ധ​രി​യു​ടേ​താ​യി പി​റ​ന്നി​ട്ടു​ണ്ട്.

ബം​ഗാ​ൾ സ്വ​ദേ​ശിയാണെ​ങ്കി​ലും അ​ദ്ദേ​ഹ​ത്തി​ന്‍റെ സി​നി​മ​ക​ൾ കൂ​ടു​ത​ലും നി​ശ്ശബ്​​ദ സി​നി​മ​ക​ളോ ഹി​ന്ദി സി​നി​മ​ക​ളോ ആ​ണ്. അ​ദ്ദേ​ഹ​ത്തി​ന്‍റെ ആ​ദ്യ ഫീ​ച്ച​ർ ഫി​ലിം ‘ക​ത്തി നൃ​ത്തം’ ക​ഥ​ക​ളി​യു​മാ​യി ബ​ന്ധ​പ്പെ​ട്ട മ​ല​യാ​ള ചി​ത്ര​മാ​ണ്. ഉ​ട​ൻ റി​ലീ​സി​നെ​ത്തു​ന്ന ബോ​ളി​വു​ഡ്​ ചി​ത്രം ‘ദി ​സീ​ബ്രാ​സ്​-​ഡാ​ർ​ക് സ്റ്റാ​ർ​ട്ട്’​ നി​ർ​മി​ച്ച​ത്​ മ​ല​യാ​ളി​ക​ളാ​യ അ​ഖി​ൽ മു​ര​ളി​യും ആ​ഷി​ക്ക്​ മു​ര​ളി​യു​മാ​ണ്. കാ​ൻ​സ്​ ഫെ​സ്റ്റി​വ​ലി​ലെ ഇ​ന്ത്യ പ​വി​ലി​യ​നി​ലാ​ണ്​​ ചി​ത്ര​ത്തി​ന്‍റെ ട്രെ​യ്​​ല​ർ റി​ലീ​സ്​ ന​ട​ന്ന​ത്.

തി​ര​ക്ക​ഥ ഓ​സ്ക​ർ ലൈ​​ബ്ര​റി​യി​ലേ​ക്ക്​ ഇ​തി​ന​കം തി​ര​ഞ്ഞെ​ടു​ത്തു​. മ​നു​ഷ്യജീ​വി​ത​ത്തി​ലേ​ക്കു​ള്ള നി​ർ​മി​തബു​ദ്ധി​യു​ടെ ക​ട​ന്നു​ക​യ​റ്റം പ്ര​മേ​യ​മാ​യ സി​നി​മ കൊ​ൽ​ക്ക​ത്ത​യി​ലാ​ണ്​ ചി​ത്രീ​ക​രി​ച്ച​ത്. മു​ൻ​നി​ര ബോ​ളി​വു​ഡ്​ താ​ര​വും ‘ദി ​ഫാ​മി​ലി മാ​ൻ’ അ​ട​ക്ക​മു​ള്ള സീ​രീ​സു​ക​ളി​ലൂ​ടെ ശ്ര​ദ്ധേ​യ​നു​മാ​യ ശാ​രി​ബ്​ ഹാ​ശ്മി​യാ​ണ്​ ചി​ത്ര​ത്തി​ലെ കേ​ന്ദ്ര ക​ഥാ​പാ​ത്ര​ം.

സി​നി​മ​യെ ഒ​രു അ​ക്കാ​ദ​മി​ക പ്ര​വ​ർ​ത്ത​നംകൂ​ടിയാ​യി പ​രി​ഗ​ണി​ക്കു​ന്ന ആ​ളാ​ണ്​ അ​നീ​ക്. നി​റ സി​ദ്ധാ​ന്ത​ങ്ങ​ളും സി​നി​മ​യും ആ​ണ്​ അ​ദ്ദേ​ഹ​ത്തി​ന്‍റെ ഗ​വേ​ഷ​ണ ഊ​ന്ന​ൽ. ഈ ​വി​ഷ​യ​ത്തി​ൽ പു​സ്ത​ക​ങ്ങ​ളും പ്ര​ബ​ന്ധ​ങ്ങ​ളും എ​ഴു​തി​യ അ​ദ്ദേ​ഹം ഫി​ലിം ആ​ൻ​ഡ്​ ടെ​ലി​വി​ഷ​ൻ ഇ​ൻ​സ്റ്റി​റ്റ്യൂട്ട്​ ഓ​ഫ്​ ഇ​ന്ത്യ​യി​ൽ വി​സി​റ്റി​ങ്​​ ഫാ​ക്ക​ൽ​റ്റിയായി ​പ്ര​വ​ർ​ത്തി​ക്കു​ക​യും ചെ​യ്യു​ന്നു. പു​തി​യ സി​നി​മ​യെ​യും ത​ന്‍റെ ച​ല​ച്ചി​ത്ര ജീ​വി​ത​ത്തെ​യും കു​റി​ച്ച്​ സം​സാ​രി​ക്കു​ക​യാ​ണ്​ അ​നീ​ക് ചൗ​ധ​രി.

എ.ഐയു​ടെ ക​ട​ന്നു​ക​യ​റ്റം

സാ​ങ്കേ​തി​ക​വി​ദ്യ യാ​ഥാ​ർ​ഥ്യ​വും ഭാ​വ​ന​യും ത​മ്മി​ലു​ള്ള അ​തി​ർ​വ​ര​മ്പു​ക​ൾ മാ​യ്‌​ക്കു​ന്ന പ​ശ്ചാ​ത്ത​ല​ത്തി​ൽ ഒ​രു ഫാ​ഷ​ൻ ഫോ​ട്ടോ​ഗ്രാ​ഫ​റു​ടെ യാ​ത്ര​യെ പി​ന്തു​ട​രു​ക​യാ​ണ്​ ‘ദി ​സീ​ബ്രാ​സ്’. ഫാ​ഷ​ൻ മോ​ഡ​ലി​ങ്​ ലോ​ക​ത്തെ നി​ർ​മി​തബു​ദ്ധി​യു​ടെ ക​ട​ന്നു​ക​യ​റ്റ​വും പ്ര​ത്യാ​ഘാ​ത​ങ്ങ​ളു​മാ​ണ്​ പ്ര​മേ​യം.

ഫോ​ട്ടോ​ഗ്ര​ാഫ​റാ​യി ശാ​രി​ബ്​ ഹാ​ശ്മിയും ഡോ​ക്യ​ുമെ​ന്‍റ​റി നി​ർ​മാ​താ​വാ​യി ഉ​ഷ ബാ​ന​ർ​ജി​യും ഫാ​ഷ​ൻ മോ​ഡ​ലാ​യി പ്രി​യ​ങ്ക സ​ർ​ക്കാ​റും സി​നി​മ​യി​ൽ വേ​ഷ​മി​ടു​ന്നു. കോ​വി​ഡ്​ കാ​ല​മാ​ണ്​ ഇ​ത്ത​ര​മൊ​രു ആ​ശ​യ​ത്തി​ലേ​ക്ക്​ എ​ത്തി​ച്ച​ത്. കു​ടും​ബ​വു​മാ​യി അ​ത്ര ആ​ഴ​ത്തി​ലു​ള്ള ബ​ന്ധം മു​മ്പു​ണ്ടാ​യി​രു​ന്നി​ല്ല.

എ​ന്നാ​ൽ, കോ​വി​ഡ്​ കാ​ല​ത്ത്​ അ​ടു​ത്ത ബ​ന്ധു​ക്ക​ളി​ൽ പ​ല​രും വി​ട​പ​റ​ഞ്ഞ​തോ​ടെ ന​മ്മു​ടെ ജൈ​വി​ക ബ​ന്ധ​ങ്ങ​ളു​ടെ ആ​ഴം സം​ബ​ന്ധി​ച്ച തി​രി​ച്ച​റി​വു​ണ്ടാ​യി. പ്ര​കൃ​തി​യെ സം​ബ​ന്ധി​ച്ച പു​തി​യ ആ​ലോ​ച​ന​ക​ളി​ലേ​ക്കും ക​ട​ന്ന സ​മ​യ​മാ​ണ​ത്. ജൈ​വി​ക​ത​യും യാ​ന്ത്രി​ക​ത​യും ത​മ്മി​ൽ എ​ന്നി​ലു​ണ്ടാ​യ ആ​ന്ത​രി​ക സം​ഘ​ർ​ഷ​മാ​ണ്​ ഈ ​പ്ര​മേ​യ​ത്തി​ലേ​ക്ക്​ എ​ത്തി​ച്ച​ത്.

കൊൽക്ക​ത്ത​യി​ൽ എ​നി​ക്ക​റി​യാ​വു​ന്ന ര​ണ്ട്​ ജ്വ​ല്ല​റി ഭീ​മ​ൻ​മാ​ർ ക​ഴി​ഞ്ഞ ഒ​രു വ​ർ​ഷ​മാ​യി ഒ​രു മോ​ഡ​ലി​നെപ്പോ​ലും വി​ളി​ക്കു​ന്നി​ല്ല. അ​വ​രു​ടെ പ​ര​സ്യ​ങ്ങ​ൾ പൂ​ർ​ണ​മാ​യും എ.​ഐ​യെ ആ​​ശ്ര​യി​ച്ചു​ള്ള​താ​യി. ഫാ​ഷ​ൻ, മോ​ഡ​ലി​ങ്​ രം​ഗ​ത്ത്​ അ​തി​ഭീ​ക​ര​മാ​യ അ​നി​ശ്ചി​താ​വ​സ്ഥ​യാ​ണ്​ നി​ർ​മി​തബു​ദ്ധി സൃ​ഷ്ടി​ച്ചു​കൊ​ണ്ടി​രി​ക്കു​ന്ന​ത്.

അ​വ​സ​ര​ങ്ങ​ൾ ന​ഷ്ട​പ്പെ​ട്ട​തി​നാ​ൽ ആ​ത്മഹ​ത്യ​ക്ക്​ ശ്ര​മി​ച്ച മോ​ഡ​ൽ സു​ഹൃ​ത്ത്​ എ​നി​ക്കു​ണ്ട്. നി​ർ​മി​തബു​ദ്ധി​ക്ക്​ മു​ന്നിൽ സ​മ്പൂ​ർ​ണ​മാ​യി കീ​ഴ​ട​ങ്ങി​യ അ​ടി​മ​യാ​യി ന​മ്മ​ൾ മാ​റു​ന്ന കാ​ലം വി​ദൂ​ര​മ​ല്ല. ഈ ​സാ​മൂ​ഹി​ക രൂ​പാ​ന്തരീക​ര​ണ​ത്തെ​യാ​ണ്​ സി​നി​മ​യി​ൽ ചി​ത്രീ​ക​രി​ക്കാ​ൻ ശ്ര​മി​ച്ച​ത്.

നി​റ​ങ്ങ​ളു​ടെ മ​നഃ​ശാ​സ്ത്രം

കു​ട്ടി​ക്കാ​ലം മു​ത​ലേ നി​റ​ങ്ങ​ൾ എ​ന്‍റെ ഇ​ഷ്ട നി​രീ​ക്ഷ​ണ വി​ഷ​യ​മാ​ണ്. പോ​ളി​ഷ്​ ച​ല​ച്ചി​ത്ര​കാ​ര​ൻ ക്രി​സ്റ്റ​ഫ്​ കി​സ്​​ലോ​സ്കി​യു​ടെ സി​നി​മ​ക​ൾ നി​റ​ങ്ങ​ളെ കു​റി​ച്ചു​ള്ള ആ​ലോ​ച​ന​ക​ളെ കൂ​ടു​ത​ൽ തീ​വ്ര​മാ​ക്കി. അ​ദ്ദേ​ഹ​ത്തി​ന്‍റെ ‘ത്രീ ​ക​ളേ​ഴ്​​സ്​ ട്രി​ല​ജി’ –ബ്ലൂ, വൈ​റ്റ്, റെ​ഡ്​ സി​നി​മ​ക​ൾ നി​റ​ങ്ങ​ളു​ടെ സൈ​ദ്ധാ​ന്തി​ക പ്ര​ത​ല​ത്തെ സ​മ​ർ​ഥ​മാ​യി ഉ​പ​യോ​ഗി​ച്ച സി​നി​മ​ക​ളാ​ണ്. ഫ്രെ​യിമിലെ ഒ​രോ നി​റ​ത്തി​നും​ മ​നഃ​ശാ​സ്ത്ര​പ​ര​വും ഗ​ണി​ത​ശാ​സ്ത്ര​പ​ര​വു​മാ​യ ഒ​രു ത​ല​മു​ണ്ട്​ എ​ന്ന തി​രി​ച്ച​റി​വ്​ അ​ങ്ങ​നെ​യാ​ണ്​ ല​ഭി​ക്കു​ന്ന​ത്.

പി​ന്നീ​ട്​ എ​ന്‍റെ സി​നി​മ​ക​ളി​ൽ ഇ​ത്​ പ​രീ​ക്ഷി​ച്ചു. സീ​ബ്രാ എ​ന്ന ജീ​വി​യു​ടെ കു​റു​പ്പും വെ​ളു​പ്പു​മാ​ർ​ന്ന നി​റം ന​ല്ല​ത്, ചീ​ത്ത എ​ന്ന​ത്​ സം​ബ​ന്ധി​ച്ച രൂ​പ​കം എ​ന്ന നി​ല​ക്കാ​ണ്​ സി​നി​മ​യു​ടെ ത​ല​ക്കെ​ട്ടി​ൽ ഉ​പ​യോ​ഗി​ച്ചി​ട്ടു​ള്ള​ത്. സി​നി​മ​യി​ലെ ക​ഥാ​പാ​ത്ര​ങ്ങ​ളു​​ടെ കോ​സ്റ്റ്യൂം, ലൊ​ക്കേ​ഷ​ൻ, കാ​മ​റ ടോ​ൺ എ​ന്നി​വ​യെ​ല്ലാം നി​റ സി​ദ്ധാ​ന്ത​ങ്ങ​ളെ ആ​സ്പ​ദി​ച്ചാ​ണ്​ ചെ​യ്ത​ത്.

ഭാ​വം, വൈ​കാ​രി​ക​ത, മൂ​ല്യം, കാ​ഴ്ച​പ്പാ​ട്​ എ​ന്നി​വ​യെ​യെ​ല്ലാം പ്ര​തി​നി​ധാനം ചെയ്യാ​നും ​േപ്ര​ക്ഷ​ക​ന്​ സം​വേ​ദ​ന​ക്ഷ​മ​മാ​ക്കാ​നും നി​റ​ങ്ങ​ളു​ടെ സൂ​ക്ഷ്​​മവി​ന്യാ​സ​ത്തി​ന്​ സാ​ധി​ക്കും. ഒ​രു ഫ്രെ​യി​മി​ൽ പ​ല ക​ഥാ​പാ​ത്ര​ങ്ങ​ൾ​ക്ക്​ പ​ലത​രം ലൈ​റ്റി​ങ്​ ആ​ണ്​ ചി​ല രം​ഗ​ങ്ങ​ളി​ൽ. ​

ഒ​രോ ക​ഥാ​പാ​ത്ര​ത്തി​ന്‍റെ​യും വൈ​കാ​രി​കത​ലം മ​റ്റൊ​രാ​ളി​ൽ​നി​ന്ന്​ വ്യ​ത്യ​സ്ത​മാ​യ​തി​നാ​ലാ​ണ​ത്. ശ​ബ്​​ദ​വും ആ ​ത​ര​ത്തി​ൽ ഉ​പ​യോ​ഗ​പ്പെ​ടു​ത്തി​യ മ​റ്റൊ​രു പ​രീ​ക്ഷ​ണ​മാ​ണ്. പ്ര​കൃ​തി സി​നി​മ​യി​ലെ മു​ഖ്യ​ക​ഥാ​പാ​ത്ര​മാ​ണ്. പ്ര​കൃ​തി​യു​ടെ സ​ഹ​ജ​മാ​യ ഒ​ച്ച​ക​ളെ പ​ര​മാ​വ​ധി ആ​ഴ​ത്തി​ൽ പ​തി​പ്പി​ക്കാ​ൻ ശ്ര​മി​ച്ചി​ട്ടു​ണ്ട്.

പ്രേ​ക്ഷ​ക​ർതന്നെ മു​ക​ളി​ൽ

പ്രേ​ക്ഷ​ക​രു​ടെ ധൈ​ഷ​ണി​ക നി​ല​വാ​രം സം​ബ​ന്ധി​ച്ച മി​ഥ്യാ​ബോ​ധ​ങ്ങ​ളി​ലാ​ണ്​ പ​ല സം​വി​ധാ​യ​ക​രും. ഇ​ങ്ങ​നെ സി​നി​മ​യെ​ടു​ത്താ​ൽ ​േപ്ര​ക്ഷക​ന്​ മ​ന​സ്സി​ലാ​വി​ല്ല എ​ന്ന്​ ചി​ല സം​വി​ധാ​യ​ക​ർ ക​രു​തു​ന്നു. യ​ഥാ​ർ​ഥ​ത്തി​ൽ സ​മൂ​ഹ​ത്തി​ൽ ന​ട​ക്കു​ന്ന കാ​ര്യ​ങ്ങ​ളു​ടെ അ​നു​ക​ര​ണ​മോ അ​നു​ക​ൽ​പ​ന​യോ ആ​ണ്​ സി​നി​മ ചെ​യ്യു​ന്ന​ത്.

സാ​മൂ​ഹി​ക യാ​ഥാ​ർ​ഥ്യ​ങ്ങ​ൾ​ക്ക്​ ന​ടു​വി​ൽ ജീ​വി​ക്കു​ന്ന പ്രേ​ക്ഷ​ക​ന്​ അ​ത്​ മ​ന​സ്സി​ലാ​വാ​തി​രി​ക്കാ​ൻ ത​ര​മി​ല്ല​ല്ലോ. എ​ന്‍റെ സി​നി​മയു​ടെ ഉ​ദ്ദി​ഷ്ട പ്രേ​ക്ഷ​ക​ർ ​​എ​ന്നേ​ക്കാ​ൾ ധൈ​ഷ​ണി​ക നി​ല​വാ​ര​മു​ള്ള​വ​രാ​ണ്​ എ​ന്നാ​ണ് എ​ന്‍റെ ബോ​ധ്യം.

ഇ​ട​ക്കാ​ല​ത്ത്​ ഞാ​ൻ സി​നി​മ​യി​ൽ​നി​ന്ന്​ ഇ​ട​വേ​ള​യെ​ടു​ത്തി​രു​ന്നു. സി​നി​മ യാ​ത്ര പു​ന​രാ​രം​ഭി​ക്കാ​ൻ പ്രേ​രി​പ്പി​ച്ച​ത്​ കേ​ര​ള ക​ലാ​മ​ണ്ഡ​ല​ത്തി​ലെ ഒ​രു ക​ഥ​ക​ളി അ​വ​ത​ര​ണ​മാ​യി​രു​ന്നു. ക​ഥ​ക​ളി ആ​സ്വാ​ദ​നം ​എ​ളു​പ്പ​മു​ള്ള ഒ​ന്ന​ല്ല എ​ന്ന​റി​യാ​മ​​ല്ലോ. പ​ക്ഷേ, അ​ത്​ ന​ന്നാ​യി ആ​സ്വ​ദി​ക്കു​ന്ന ഒ​രു​പാ​ട്​ പേ​രെ ഞാ​ന​വി​ടെ ക​ണ്ടു.

പ​റ​ഞ്ഞു​വ​ന്ന​ത്, പ്രേ​ക്ഷ​ക​രെ സം​ബ​ന്ധി​ച്ച ഒ​രു പൊ​തു​വ​ത​്കര​ണം വ​ലി​യ അ​ബ​ദ്ധ​ങ്ങ​ളി​ലേ​ക്ക്​ സി​നി​മ​പ്ര​വ​ർ​ത്ത​ക​രെ കൊ​ണ്ടെ​ത്തി​ക്കും എ​ന്ന​താ​ണ്. പ്രേ​ക്ഷ​ക​രു​ടെ ആ​സ്വാ​ദ​ന നി​ല​വാ​രം സം​ബ​ന്ധി​ച്ച ഈ ​അ​ജ​ണ്ട നി​ശ്ച​യി​ക്കു​ന്ന​ത്​ പ​ല​പ്പോ​ഴും അ​ധി​കാ​ര ഘ​ട​ന​ക​ളാ​ണ്​.

ആ ​അ​ജ​ണ്ട​യെ ചെ​റു​ക്കു​ക എ​ന്ന​താ​ണ്​ എ​ന്‍റെ സി​നി​മ​യു​ടെ രാ​ഷ്ട്രീ​യം. എ​ന്നാ​ൽ, സി​നി​മ​യി​ലൂ​ടെ അ​ധി​കാ​ര കേ​ന്ദ്ര​ങ്ങ​ൾ​ക്കെ​തി​രെ പോ​രാ​ട്ട​ത്തി​ന്​ ജ​ന​ങ്ങ​ളെ പ്രേ​രി​പ്പി​ക്ക​ണം എ​ന്ന നി​ല​പാ​ട്​ എ​നി​ക്കി​ല്ല. സി​നി​മ സ​മൂ​ഹ​ത്തി​ന്‍റെ ക​ണ്ണാ​ടി​യാ​ണ്.

അ​ത്​ മ​ന​സ്സി​ലാ​ക്കു​ന്ന ജ​നം അ​വ​രു​ടെ വി​വേ​ച​നബു​ദ്ധി പ്ര​കാ​ര​മാ​ണ്​ തീ​രു​മാ​ന​ങ്ങ​ൾ എ​ടു​​ക്കേ​ണ്ട​ത്. അ​ല്ലാ​തെ ക​ലാ​കാ​ര​ൻ പ്രേ​ക്ഷ​ക​ന്‍റെ ചി​ന്താ​ശേ​ഷി​ക്കു മു​ക​ളി​ൽ ക​യ​റിനി​ൽ​ക്കു​ന്ന ഏ​കാ​ധി​പ​തിയായാ​ൽ ​ന​ടേ സൂ​ചി​പ്പി​ച്ച ആ ​ഏ​കാ​ധി​പ​ത്യ സ്വ​ഭാ​വ​മു​ള്ള അ​ധി​കാ​ര​കേ​ന്ദ്ര​ങ്ങ​ളും ന​മ്മ​ളും ത​മ്മി​ൽ പി​ന്നെ​ന്ത്​ വ്യ​ത്യാ​സം?

കേ​ര​ള​വും ബം​ഗാ​ളും ത​മ്മി​ൽ

പ​തി​റ്റാ​ണ്ടു​ക​ളു​ടെ സി​നി​മാ​ബ​ന്ധം ബം​ഗാ​ളും കേ​ര​ള​വും ത​മ്മി​ലു​ണ്ട്. സ​ത്യ​ജി​ത് റാ​യ്ക്കും മൃ​ണാ​ൾ സെ​ന്നി​നും മ​ല​യാ​ളി പ്രേ​ക്ഷ​ക​രി​ൽ ല​ഭി​ക്കു​ന്ന സ്വീ​കാ​ര്യ​ത ഇ​വി​ടെ അ​ടൂ​ർ ഗോ​പാ​ല​കൃ​ഷ്ണ​നും ഷാ​ജി എം. ​ക​രു​ണി​നു​മൊ​ക്കെ​യു​ണ്ട്. മ​ല​യാ​ള സി​നി​മ ന​ന്നാ​യി കാ​ണാ​റു​ണ്ട്. ‘ക​ത്തി​നൃ​ത്തം’ എ​ന്ന എ​ന്‍റെ സി​നി​മ മ​ല​യാ​ളി​യാ​യ ഒ​രു ക​ഥ​ക​ളി ക​ലാ​കാ​ര​ന്‍റെ ജീ​വി​ത​മാ​ണ്​ പ​റ​യു​ന്ന​ത്.

മ​ല​യാ​ള​ത്തി​ലാ​ണ്​ അ​ത്​ ചെ​യ്ത​ത്. കൊൽ​ക്ക​ത്ത​യി​ൽ ചി​ത്രീ​ക​രി​ച്ച ഈ ​സി​നി​മ ദൗ​ർ​ഭാ​ഗ്യ​വ​ശ​ാ​ൽ ചി​ത്രീ​ക​ര​ണ​ത്തി​ന്‍റെ അ​വ​സാ​ന ഘ​ട്ട​ത്തി​ൽ മു​ട​ങ്ങി. ത​ങ്ങ​ളു​ടെ സ​മ്പ​ന്ന ഭൂ​ത​കാ​ല​ത്തി​ന്‍റെ മാ​തൃ​ക​ക​ളെ വി​ടാ​തെ ത​ന്നെ ഭാ​വു​ക​ത്വ​പ​ര​മാ​യി സ്വ​യം ന​വീ​ക​രി​ക്കാ​ൻ മ​ല​യാ​ള സി​നി​മ​ക്ക്​ സാ​ധി​ച്ചി​ട്ടു​ണ്ട്.

മ​ല​യാ​ള​ത്തി​ൽ​നി​ന്ന്​ അ​ന്താ​രാ​ഷ്ട്ര ച​ല​ച്ചി​ത്ര വേ​ദി​ക​ളി​ലെ​ത്തു​ന്ന സി​നി​മ​ക​ൾ​ക്ക്​ ല​ഭി​ക്കു​ന്ന വ​ലി​യ സ്വീ​കാ​ര്യ​ത അ​തി​ന്‍റെ തെ​ളി​വാ​ണ്. ദൗ​ർ​ഭാ​ഗ്യ​ക​ര​മെ​ന്ന്​ പ​റ​യ​ട്ടെ, ബം​ഗാ​ളി സി​നി​മ ഒ​രുത​രം സ​്തം​ഭ​നാ​വ​സ്ഥ​യി​ലാ​ണ്​ ഇ​പ്പോ​ൾ. ഭൂ​ത​കാ​ല​പ്പെ​രു​മ​യി​ൽ നി​ർ​വൃ​തികൊ​ള്ളാ​ൻ മാ​ത്ര​മാ​ണ്​​ യോ​ഗം.