ലീ​ഗി​നെ അ​ട​ർ​ത്തി സ്വാ​ധീ​നം കൂ​ട്ടേ​ണ്ട ആ​വ​ശ്യ​മി​ല്ല -മു​ഖ്യ​മ​ന്ത്രി 'മാ​ധ്യ​മ​'വു​മാ​യി സം​സാ​രി​ക്കു​ന്നു

സം​സ്ഥാ​ന മ​ന്ത്രി​സ​ഭ​യാ​കെ ഓ​രോ മ​ണ്ഡ​ല​ത്തി​ലേ​ക്കു​മെ​ത്തു​ന്ന ന​വ​കേ​ര​ള സ​ദ​സ്സ് ഇ​പ്പോ​ൾ മ​ധ്യ​കേ​ര​ള​ത്തി​ലാ​ണ്. വി​വാ​ദ​ങ്ങ​ളും വി​മ​ർ​ശ​ന​ങ്ങ​ളും ബ​ഹി​ഷ്ക​ര​ണ​വും ഒ​രു​ഭാ​ഗ​ത്ത് ന​ട​ക്കു​മ്പോ​ൾ, ന​വ​കേ​ര​ള സ​ദ​സ്സി​നെ ജ​ന​ങ്ങ​ൾ ഏ​റ്റെ​ടു​ത്തു​വെ​ന്ന പൂ​ർ​ണ​വി​ശ്വാ​സ​ത്തി​ലാ​ണ് മു​ഖ്യ​മ​ന്ത്രി​യ​ട​ക്ക​മു​ള്ള​വ​ർ. ന​വ​കേ​ര​ള യാ​ത്ര​ക്കി​ടെ, മു​ഖ്യ​മ​ന്ത്രി പി​ണ​റാ​യി വി​ജ​യ​ൻ മാ​ധ്യ​മ​വു​മാ​യി സം​സാ​രി​ക്കു​ന്നു.

? മ​ന്ത്രി​സ​ഭ​യാ​കെ ഓ​രോ മ​ണ്ഡ​ല​ത്തി​ലും എ​ത്തു​ക എ​ന്ന​ത് ഒ​രു​പ​ക്ഷേ, ഇ​ന്ത്യ​യി​ൽ​ത്ത​ന്നെ ആ​ദ്യ​മാ​കും. ഇ​ത്ത​ര​മൊ​രു തീ​രു​മാ​ന​ത്തി​ന് പ്രേ​ര​ക​മാ​യ​ത് എ​ന്താ​ണ്, ഈ ​ആ​ശ​യം ആ​രു​ടേ​താ​ണ്

ഞ​ങ്ങ​ളു​ടെ തീ​രു​മാ​ന​ങ്ങ​ളെ​ല്ലാം കൂ​ട്ടാ​യി ആ​ലോ​ചി​ച്ച് വ​രു​ന്ന​ത​ല്ലേ. ഇ​തും മ​ന്ത്രി​സ​ഭ​ത​ന്നെ കൂ​ട്ടാ​യി ആ​ലോ​ചി​ച്ച് തീ​രു​മാ​നി​ച്ച​താ​ണ്

? വി​മ​ർ​ശ​നം, വി​വാ​ദ​ങ്ങ​ൾ, ബ​ഹി​ഷ്ക​ര​ണം, പ്ര​തി​ഷേ​ധം എ​ന്നി​വ​യു​ടെ അ​ക​മ്പ​ടി​യോ​ടെ​യാ​ണ് യാ​ത്ര തു​ട​ങ്ങി​യ​തും തു​ട​രു​ന്ന​തും. ഇ​തി​നി​ട​യി​ലും ജ​ന​ങ്ങ​ളു​ടെ പ്ര​തി​ക​ര​ണ​ത്തെ എ​ങ്ങ​നെ വി​ല​യി​രു​ത്തു​ന്നു

ജ​ന​ങ്ങ​ൾ വ​ള​രെ ആ​രോ​ഗ്യ​ക​ര​മാ​യാ​ണ് ചി​ന്തി​ക്കു​ന്ന​ത്. നാ​ടി​ന്റെ വി​ക​സ​ന​ത്തി​നൊ​പ്പം നി​ൽ​ക്ക​ണ​മെ​ന്നും അ​തി​നെ ത​ക​ർ​ക്കാ​ൻ ശ്ര​മി​ക്കു​ന്ന​വ​രു​ടെ കൂ​ടെ നി​ൽ​ക്കാ​നാ​വി​ല്ലെ​ന്നും ഉ​ള്ള നി​ല​പാ​ടാ​ണ് ജ​ന​ങ്ങ​ൾ എ​ല്ലാ​യ്പോ​ഴും സ്വീ​ക​രി​ച്ചി​ട്ടു​ള്ള​ത്. അ​വ​ർ നി​ഷേ​ധാ​ത്മ​ക​മാ​യ നി​ല​പാ​ടി​നോ​ടൊ​പ്പ​മ​ല്ല.

? പ്ര​തി​ഷേ​ധി​ക്കു​ക എ​ന്ന​ത് ജ​നാ​ധി​പ​ത്യ​പ​ര​മ​ല്ലേ? അ​തി​നെ​തി​രെ പ്ര​വ​ർ​ത്ത​ക​ർ നി​യ​മം കൈ​യി​ലെ​ടു​ക്കു​ന്ന​ത് ശ​രി​യാ​ണോ? ആ​ത്യ​ന്തി​ക​മാ​യി ഭ​ര​ണ​ത്തി​ന്, പ്ര​ത്യേ​കി​ച്ച് ആ​ഭ്യ​ന്ത​ര വ​കു​പ്പി​ന​ല്ലേ ക​ള​ങ്കം

നി​യ​മം കൈ​യി​ലെ​ടു​ക്കു​ക​യ​ല്ല ഉ​ണ്ടാ​യ​ത്. ഈ ​ബ​സി​ന്റെ മു​ന്നി​ലേ​ക്ക് നോ​ക്കി​യാ​ൽ അ​റി​യാം. ഇ​തി​ന്റെ മു​ന്നി​ലേ​ക്ക് ര​ണ്ടു​പേ​ർ ചാ​ടു​ക​യാ​ണ്. സ്വാ​ഭാ​വി​ക​മാ​യും അ​പ​ക​ടം സം​ഭ​വി​ക്കും. അ​ത് ഒ​ഴി​വാ​ക്കാ​ൻ തൊ​ട്ട​ടു​ത്ത് നി​ൽ​ക്കു​ന്ന​വ​ർ അ​വ​രെ ത​ട്ടി​മാ​റ്റു​ക​യാ​ണ്.

അ​താ​ണ് ജീ​വ​ൻ​ര​ക്ഷ ന​ട​പ​ടി​യാ​ണ് സ്വീ​ക​രി​ച്ച​ത് എ​ന്നു​പ​റ​ഞ്ഞ​ത്. അ​ത​വ​ർ​ക്ക് മ​ന​സ്സി​ലാ​യി എ​ന്നു​തോ​ന്നു​ന്നു. ഇ​പ്പോ​ൾ കാ​ണു​ന്ന​ത് റോ​ഡി​ന്റെ സൈ​ഡി​ൽ​നി​ന്ന് ക​രി​ങ്കൊ​ടി വീ​ശു​ന്ന​താ​ണ്. അ​തി​ൽ ഞ​ങ്ങ​ൾ​ക്ക് പ്ര​ശ്ന​മി​ല്ല. അ​വ​ർ വീ​ശി​ക്കോ​ട്ടെ, പ​തി​നാ​യി​ര​ങ്ങ​ൾ ഇ​പ്പു​റ​ത്ത് പ​ങ്കെ​ടു​ക്കു​ന്നു.

? മ​ല​പ്പു​റം ജി​ല്ല​യി​ലെ മ​ങ്ക​ട​പോ​ലു​ള്ള സ്ഥ​ല​ങ്ങ​ളി​ൽ കി​ട്ടി​യ പ്ര​തി​ക​ര​ണ​ങ്ങ​ളെ എ​ങ്ങ​നെ കാ​ണു​ന്നു. മു​സ്‍ലിം സ​മു​ദാ​യ​ത്തി​ലേ​ക്ക് കൂ​ടു​ത​ൽ ക​ട​ന്നു​ക​യ​റാ​ൻ, ലീ​ഗ് കോ​ട്ട​ക​ൾ ഇ​ള​ക്കാ​ൻ മ​ല​പ്പു​റം ജി​ല്ല​യി​ലെ ജ​ന​ക്കൂ​ട്ടം തു​ണ​യാ​കു​മോ? ഇ​ട​തു​മു​ന്ന​ണി- ലീ​ഗ് സ​ഹ​ക​ര​ണം കു​റ​ച്ചു​കാ​ല​മാ​യി അ​ന്ത​രീ​ക്ഷ​ത്തി​ലു​ണ്ട്. 2026 ലെ ​നി​യ​മ​സ​ഭ തെ​ര​ഞ്ഞെ​ടു​പ്പി​ൽ അ​ത് പ്ര​തീ​ക്ഷി​ക്കാ​മോ

ഇ​ത് ര​ണ്ടും ര​ണ്ടാ​ണ്. മു​സ്‍ലിം​ലീ​ഗ് എ​ന്നു​പ​റ​യു​ന്ന രാ​ഷ്ട്രീ​യ പാ​ർ​ട്ടി​യും അ​തി​ന്റെ സ്വാ​ധീ​ന​വും വേ​റെ, മു​സ്‍ലിം സ​മു​ദാ​യം വേ​റെ. അ​ങ്ങ​നെ​യാ​ണ് അ​തി​നെ കാ​ണേ​ണ്ട​ത്. ഞ​ങ്ങ​ളു​ടെ അ​നു​ഭ​വ​ത്തി​ൽ കേ​ര​ള​ത്തി​ലെ ഒ​രു ജ​ന​വി​ഭാ​ഗ​വും ഞ​ങ്ങ​ൾ​ക്കെ​തി​ര​ല്ല. നേ​ര​ത്തേ ചി​ല തെ​റ്റി​ദ്ധാ​ര​ണ​ക​ളൊ​ക്കെ ഇ​ട​തു​പ​ക്ഷ​ത്തെ​പ്പ​റ്റി ചി​ല​രെ​ങ്കി​ലും വെ​ച്ചു​പു​ല​ർ​ത്തി​യി​രു​ന്നു. അ​തൊ​ക്കെ മാ​റി​യി​ട്ട് ഒ​രു​പാ​ടു കാ​ല​മാ​യി.

ഇ​പ്പോ​ൾ എ​ൽ.​ഡി.​എ​ഫി​നെ ഒ​രു വി​പ്ര​തി​പ​ത്തി​യോ​ടെ​യ​ല്ല ആ​രും കാ​ണു​ന്ന​ത്. അ​വ​ർ​ക്ക് എ​ന്തെ​ങ്കി​ലും പ്ര​ശ്ന​മു​ണ്ടെ​ങ്കി​ൽ സം​സാ​രി​ക്കാ​നും ഇ​ട​പ​ഴ​കാ​നും പ​റ്റു​ന്ന ഒ​രു വി​ഭാ​ഗ​മാ​യി​ത്ത​ന്നെ​യാ​ണ് അ​വ​രു​ടെ അ​നു​ഭ​വ​ത്തി​ലൂ​ടെ എ​ൽ.​ഡി.​എ​ഫി​നെ വി​ല​യി​രു​ത്തു​ന്ന​ത്. നി​ങ്ങ​ൾ പ​റ​ഞ്ഞ മു​സ്‍ലിം ജ​ന​വി​ഭാ​ഗം ഒ​രു​ത​ര​ത്തി​ലു​ള്ള വി​പ്ര​തി​പ​ത്തി​യോ​ടെ​യും ഞ​ങ്ങ​ളെ സ​മീ​പി​ക്കു​ന്നി​ല്ല. മു​സ്‍ലിം ജ​ന​വി​ഭാ​ഗ​ത്തി​ൽ വ്യ​ത്യ​സ്ത സം​ഘ​ട​ന​ക​ൾ ഉ​ണ്ട​ല്ലോ?

അ​താ​യ​ത്, ലീ​ഗി​നെ അ​ല്ല ഉ​ദ്ദേ​ശി​ക്കു​ന്ന​ത്, മ​റ്റു സം​ഘ​ട​ന​ക​ൾ. ആ ​സം​ഘ​ട​ന​ക​ളി​ൽ, ഏ​തെ​ങ്കി​ലും ത​ര​ത്തി​ലു​ള്ള, തീ​വ്ര​വാ​ദ ചി​ന്താ​ഗ​തി​യോ നാ​ടി​നു ചേ​രാ​ത്ത സ്വ​ഭാ​വ​മോ ഉ​ള്ള​വ​രൊ​ഴി​കെ ബാ​ക്കി ഉ​ള്ള​വ​രെ​ല്ലാ​മാ​യി ന​ല്ല ബ​ന്ധ​മാ​ണ്. ഒ​രു മ​റ​യും ഇ​ല്ലാ​തെ അ​വ​ർ​ക്ക് ബ​ന്ധ​പ്പെ​ടാ​നും സം​സാ​രി​ക്കാ​നും ച​ർ​ച്ച​ചെ​യ്യാ​നും ക​ഴി​യു​ന്നു​ണ്ട്. അ​താ​യ​ത് ഊ​ഷ്മ​ള ബ​ന്ധ​മാ​ണ്. ഇ​ത് ആ ​വി​ഭാ​ഗ​വു​മാ​യി മാ​ത്ര​മ​ല്ല, എ​ല്ലാ വി​ഭാ​ഗ​വു​മാ​യും ഉ​ണ്ട്.

ലീ​ഗി​ന്റെ കാ​ര്യം വേ​റെ​യാ​ണ്. ലീ​ഗ് യു.​ഡി.​എ​ഫി​ലെ ഏ​റ്റ​വും പ്ര​ധാ​ന ഘ​ട​ക ക​ക്ഷി​യാ​ണ്.

യു.​ഡി.​എ​ഫ് നി​ല​നി​ൽ​ക്ക​ണ​മെ​ന്ന് ആ​ഗ്ര​ഹി​ക്കു​ന്ന ശ​ക്തി​ക​ൾ ന​മ്മു​ടെ നാ​ട്ടി​ലു​ണ്ട്. ലീ​ഗ് യു.​ഡി.​എ​ഫി​ൽ ഇ​ല്ലാ​താ​യാ​ൽ സം​ഭ​വി​ക്കാ​നി​ട​യു​ള്ള ആ​പ​ത്ത് ശ​രി​ക്കും ബോ​ധ്യ​മു​ള്ള​വ​രാ​ണ് അ​വ​ർ. ലീ​ഗ് എ​പ്പോ​ഴെ​ങ്കി​ലും യു.​ഡി.​എ​ഫ് വി​ട്ടു​ക​ള​യു​മെ​ന്നാ​ണ് അ​വ​രു​ടെ ആ​ശ​ങ്ക. അ​തി​ന്‍റെ ഭാ​ഗ​മാ​യി അ​വ​ർ കൊ​ടു​ക്കു​ന്ന പ്ര​ചാ​ര​ണ​മാ​ണി​ത്. യ​ഥാ​ർ​ഥ​ത്തി​ൽ യു.​ഡി.​എ​ഫി​ൽ​നി​ന്ന് വി​ട്ടു​പോ​കാ​ൻ ലീ​ഗ് ഒ​രു ഘ​ട്ട​ത്തി​ലും ആ​ഗ്ര​ഹി​ച്ചി​ട്ടി​ല്ല.

ഞ​ങ്ങ​ളാ​ക​ട്ടെ, അ​വ​ർ യു.​ഡി.​എ​ഫി​ന്റെ ഭാ​ഗ​മാ​യി നി​ൽ​ക്കു​ക​യാ​ണ്; അ​വ​ർ എ​ങ്ങ​നെ​യെ​ങ്കി​ലും ഇ​ങ്ങോ​ട്ട് പോ​ര​ട്ടേ​യെ​ന്ന് ആ​ഗ്ര​ഹി​ക്കു​ന്നു​മി​ല്ല. ഞ​ങ്ങ​ളി​പ്പോ​ൾ ഭ​ദ്ര​മാ​യ നി​ല​യി​ലാ​ണ്. കൂ​ടു​ത​ൽ ജ​ന​പി​ന്തു​ണ ഞ​ങ്ങ​ൾ​ക്ക് ല​ഭി​ച്ചു​കൊ​ണ്ടി​രി​ക്കു​ക​യാ​ണ്. ഏ​തെ​ങ്കി​ലും ത​ര​ത്തി​ൽ ഒ​രു കൂ​ട്ട​രെ വ​ല്ലാ​തെ അ​ട​ർ​ത്തി​യെ​ടു​ത്ത് ഞ​ങ്ങ​ളു​ടെ സ്വാ​ധീ​നം വ​ർ​ധി​പ്പി​ക്കേ​ണ്ട ആ​വ​ശ്യ​ക​ത ഞ​ങ്ങ​ളെ സം​ബ​ന്ധി​ച്ചി​ട​ത്തോ​ളം ഇ​ല്ല. ഞ​ങ്ങ​ളു​ടെ ര​ണ്ടു കൂ​ട്ട​രു​ടെ​യും നി​ല​പാ​ട് ഇ​താ​ണ്. നേ​ര​ത്തേ പ​റ​ഞ്ഞ ആ​ശ​ങ്ക​യു​ള്ള​വ​രാ​ണ് ഈ ​പ്ര​ചാ​ര​ണം അ​ഴി​ച്ചു വി​ട്ടു​കൊ​ണ്ടി​രി​ക്കു​ന്ന​ത്.

? സ​ർ​ക്കാ​റി​ന്റെ പ​ല പ​ദ്ധ​തി​ക​ളും വി​വാ​ദ​ങ്ങ​ളാ​കു​ന്നു​ണ്ട്. എ​ന്തു​കൊ​ണ്ടാ​ണ്, ഇ​ത് ബോ​ധ​പൂ​ർ​വ​മാ​ണോ

പൊ​തു​വി​ൽ ചി​ന്തി​ക്കേ​ണ്ട ഒ​രു കാ​ര്യ​മാ​ണ​ത്. സ​ർ​ക്കാ​റി​ന്റെ പ​ദ്ധ​തി എ​ന്നു പ​റ​ഞ്ഞാ​ൽ അ​ത് നാ​ടി​ന്റെ പ​ദ്ധ​തി​യാ​ണ്. നാ​ടി​നു വേ​ണ്ടി​യു​ള്ള​താ​ണ്. പ​ക്ഷേ ചി​ല​രെ​ല്ലാം അ​തി​നെ​തി​രെ ബോ​ധ​പൂ​ർ​വം പ്ര​ചാ​ര​ണം അ​ഴി​ച്ചു​വി​ടു​ക​യാ​ണ്. ചി​ല​ത് ബ​ഹി​ഷ്ക​രി​ക്കു​ക​യാ​ണ്.

പ്ര​ത്യേ​കി​ച്ച്, യു.​ഡി.​എ​ഫ് അ​ങ്ങ​നെ ഒ​രു നി​ല​പാ​ടാ​ണ് എ​ടു​ക്കു​ന്ന​ത്. അ​ത് അ​വ​ർ ആ​ലോ​ചി​ക്കേ​ണ്ട കാ​ര്യ​മാ​ണ്. സ​ർ​ക്കാ​ർ ചെ​യ്യു​ന്ന കാ​ര്യ​ങ്ങ​ൾ എ​ല്ലാം ഏ​ക​മാ​യ മാ​ന​ദ​ണ്ഡ​ങ്ങ​ള​നു​സ​രി​ച്ച് ത​ന്നെ​യാ​ണ്. അ​തി​നെ സാ​ധാ​ര​ണ​ഗ​തി​യി​ൽ ത​ള്ളി​പ്പ​റ​യേ​ണ്ട കാ​ര്യ​മി​ല്ല. നി​ർ​ഭാ​ഗ്യ​വ​ശാ​ൽ അ​വ​ർ അ​ങ്ങ​നെ ഒ​രു നി​ല​പാ​ടാ​ണ് എ​ടു​ത്തു​വ​രു​ന്ന​ത്.

? ക​ണ്ണൂ​ർ സ​ർ​വ​ക​ലാ​ശാ​ല വൈ​സ് ചാ​ൻ​സ​ല​ർ പു​ന​ർ​നി​യ​മ​ന​ത്തി​ൽ ബാ​ഹ്യ സ​മ്മ​ർ​ദ​ത്തി​ന് ചാ​ൻ​സ​ല​ർ വ​ഴ​ങ്ങി എ​ന്നാ​ണ് സു​പ്രീം​കോ​ട​തി ക​ണ്ടെ​ത്തി​യ​ത്. ബാ​ഹ്യ സ​മ്മ​ർ​ദം മു​ഖ്യ​മ​ന്ത്രി​യി​ൽ​നി​ന്നാ​യി​രു​ന്നു എ​ന്നാ​ണ് ഗ​വ​ർ​ണ​ർ പ​റ​ഞ്ഞ​ത്. എ​ന്താ​യി​രു​ന്നു ബാ​ഹ്യ സ​മ്മ​ർ​ദം

ഗ​വ​ർ​ണ​ർ​ക്ക് എ​ന്താ​ണ് സം​ഭ​വി​ക്കു​ന്ന​ത് എ​ന്ന് എ​നി​ക്ക് ഒ​രു പി​ടി​യു​മി​ല്ല. എ​ന്റെ ഓ​ഫി​സി​ൽ​നി​ന്ന് ആ​ളു​ക​ൾ പോ​യി എ​ന്നു​പ​റ​യു​ന്ന​ത് അ​ദ്ദേ​ഹം ആ​വ​ശ്യ​പ്പെ​ട്ട​തി​ന്റെ ഭാ​ഗ​മാ​യാ​ണ്. അ​വ​ർ ഇ​ങ്ങോ​ട്ടു വ​ര​ണം, കാ​ര്യ​ങ്ങ​ൾ സം​സാ​രി​ക്ക​ണം എ​ന്ന​ത് അ​ദ്ദേ​ഹ​ത്തി​ന്റെ നി​ല​പാ​ടാ​യി​രു​ന്നു. ഞ​ങ്ങ​ൾ പ്ര​ത്യേ​ക​മാ​യി ഇ​ന്ന​യാ​ളെ നി​യ​മി​ക്ക​ണ​മെ​ന്ന നി​ല​പാ​ട്, പ്ര​ത്യേ​കി​ച്ച് എ​ന്റെ ഭാ​ഗ​ത്തു​നി​ന്ന് ഉ​ണ്ടാ​യി​ട്ടി​ല്ല. അ​താ​ണ് എ​നി​ക്ക് അ​തു സം​ബ​ന്ധി​ച്ച് പ​റ​യാ​നു​ള്ള​ത്.

? പ്ര​തി​പ​ക്ഷം ഭ​രി​ക്കു​ന്ന മി​ക്ക​വാ​റും സം​സ്ഥാ​ന​ങ്ങ​ളി​ൽ ഗ​വ​ർ​ണ​ർ​മാ​ർ ഏ​റ്റു​മു​ട്ട​ൽ പാ​ത​യി​ലാ​ണ്. ഇ​തു നേ​രി​ടാ​ൻ ഏ​തെ​ങ്കി​ലും ത​ര​ത്തി​ൽ ഒ​രു കോ​ഓ​ഡി​നേ​ഷ​ന് ശ്ര​മ​മു​ണ്ടോ. ഉ​ണ്ടാ​കു​മോ

അ​ങ്ങ​നെ ഒ​രു ശ്ര​മം വേ​ണ്ടി​വ​രും. പ​ക്ഷേ അ​ത്ത​രം കാ​ര്യ​ങ്ങ​ൾ വ​രു​മ്പോ​ൾ യു. ​ഡി.​എ​ഫും കോ​ൺ​ഗ്ര​സും വ​ള​രെ സ​ങ്കു​ചി​ത​മാ​യ സ​മീ​പ​ന​മാ​ണ് സ്വീ​ക​രി​ച്ചു പോ​രു​ന്ന​ത്. ഇ​ത് സ​ർ​ക്കാ​റി​നെ വി​ഷ​മി​പ്പി​ക്കു​ന്ന​താ​ണ​ല്ലോ. അ​പ്പോ​ൾ, അ​തി​ന് അ​നു​കൂ​ല​മാ​യ നി​ല​പാ​ട് എ​ടു​ക്കാം എ​ന്നാ​ണ് അ​വ​രു​ടെ നി​ല​പാ​ട്. ഇ​ത്ത​രം കാ​ര്യ​ങ്ങ​ളി​ൽ ഒ​ന്നി​ച്ചു​നി​ൽ​ക്കാ​ൻ ക​ഴി​യു​ന്ന സ​ർ​ക്കാ​റു​ക​ളാ​ണ് ത​മി​ഴ്നാ​ടും ക​ർ​ണാ​ട​ക​യും.

ത​മി​ഴ്നാ​ട്ടി​ലെ കാ​ര്യം ഒ.​കെ. പ​ക്ഷേ, ക​ർ​ണാ​ട​ക​യി​ൽ കോ​ൺ​ഗ്ര​സ് സ​ർ​ക്കാ​റാ​ണ​ല്ലോ- കൂ​ട്ടാ​യ പ്ര​തി​ഷേ​ധ​ത്തി​ൽ ഞ​ങ്ങ​ൾ​ക്ക് താ​ൽ​പ​ര്യ​മി​ല്ല എ​ന്ന് ഇ​വി​ട​ത്തെ കോ​ൺ​ഗ്ര​സ് പ​റ​ഞ്ഞാ​ൽ​പി​ന്നെ അ​വ​ർ അ​തി​ൽ സ​ഹ​ക​രി​ക്കി​ല്ല​ല്ലോ. ഇ​വി​ട​ത്തെ കോ​ൺ​ഗ്ര​സ് എ​ന്തി​നാ​ണ് ഗ​വ​ർ​ണ​റെ സ​ഹാ​യി​ക്കാ​ൻ പോ​കു​ന്ന​ത്? അ​വ​ർ എ​ന്തി​നാ​ണ് ബി.​ജെ.​പി​യെ സ​ഹാ​യി​ക്കാ​ൻ പോ​കു​ന്ന​ത്​? അ​താ​ണ് തി​രു​ത്തേ​ണ്ട​ത്.

? സ​മൂ​ഹ​ത്തി​ൽ ധ്രു​വീ​ക​ര​ണ ശ്ര​മ​ങ്ങ​ൾ വ്യാ​പ​ക​മാ​ണ്. ക​ള​മ​ശ്ശേ​രി സ്ഫോ​ട​ന​ത്തി​ൽ, ഏ​റ്റ​വും ഒ​ടു​വി​ൽ കു​ഞ്ഞി​നെ ത​ട്ടി​ക്കൊ​ണ്ടു പോ​യ സം​ഭ​വ​ത്തി​ൽ രേ​ഖാ​ചി​ത്ര​ത്തി​ന്റെ പേ​രി​ൽ, കൊ​ല്ലം ജി​ല്ല​യി​ൽ ഒ​രാ​ളു​ടെ വീ​ട് ത​ല്ലി​ത്ത​ക​ർ​ത്ത​ത് തു​ട​ങ്ങി​യ​വ. ഇ​തി​നെ​തി​രെ പൊ​ലീ​സ് വേ​ണ്ട​ത്ര ഉ​ണ​ർ​ന്നു പ്ര​വ​ർ​ത്തി​ക്കു​ന്നി​ല്ലെ​ന്ന ആ​ക്ഷേ​പ​മു​ണ്ട്. എ​ന്തു​കൊ​ണ്ടാ​ണി​ത്

കു​ട്ടി​യെ ത​ട്ടി​ക്കൊ​ണ്ടു പോ​യ കേ​സി​ൽ വീ​ട് അ​ടി​ച്ചു​ത​ക​ർ​ത്ത സം​ഭ​വം അ​റി​യി​ല്ല. ശ്ര​ദ്ധ​യി​ൽ പെ​ട്ടി​ട്ടി​ല്ല. ഏ​താ​യാ​ലും ക​ള​മ​ശ്ശേ​രി സ്ഫോ​ട​ന വി​ഷ​യ​ത്തി​ലും കു​ഞ്ഞി​നെ ത​ട്ടി​ക്കൊ​ണ്ടു​പോ​യ വി​ഷ​യ​ത്തി​ലും പൊ​ലീ​സ് വ​ള​രെ ന​ല്ല രീ​തി​യി​ലാ​ണ് പ്ര​വ​ർ​ത്തി​ച്ച​ത്. അ​താ​ണ് വി​ജ​യ​ത്തി​ലേ​ക്കെ​ത്തി​ച്ച​തും. മ​റ്റ് ഊ​ഹാ​പോ​ഹ​ങ്ങ​ൾ​ക്കൊ​ന്നും പി​ന്നാ​ലെ പോ​കാ​തെ, കൃ​ത്യ​മാ​യി, നി​ശ്ച​യി​ച്ച റൂ​ട്ടി​ലൂ​ടെ സ​ഞ്ച​രി​ക്കാ​ൻ അ​വ​ർ​ക്ക് ക​ഴി​ഞ്ഞു. കൃ​ത്യ​ത​യോ​ടെ കാ​ര്യ​ങ്ങ​ൾ ചെ​യ്യാ​നും ക​ഴി​ഞ്ഞു. മാ​തൃ​കാ​പ​ര​മാ​യ ഇ​ട​പെ​ട​ലാ​ണ് ഉ​ണ്ടാ​യ​ത്.

? ലോ​ക്‌​സ​ഭ തെ​ര​ഞ്ഞെ​ടു​പ്പി​ന് മാ​സ​ങ്ങ​ളേ​യു​ള്ളൂ. ഇ​പ്പോ​ഴ​ത്തെ ജ​ന​ങ്ങ​ളു​ടെ പ്ര​തി​ക​ര​ണം, ഈ ​ജ​ന​ക്കൂ​ട്ടം, തെ​ര​ഞ്ഞെ​ടു​പ്പി​ന് മു​ത​ൽ​ക്കൂ​ട്ടാ​കു​മോ

ലോ​ക്സ​ഭ തെ​ര​ഞ്ഞെ​ടു​പ്പ് മാ​സ​ങ്ങ​ൾ ക​ഴി​ഞ്ഞ​ല്ലേ, അ​തു​മാ​യി ബ​ന്ധി​പ്പി​ച്ച​ല്ല ഈ ​പ​രി​പാ​ടി ന​ട​ത്തു​ന്ന​ത്. കൃ​ത്യ​മാ​യി കാ​ര്യ​ങ്ങ​ൾ ജ​ന​ങ്ങ​ളെ ബോ​ധി​പ്പി​ക്കു​ക എ​ന്ന​താ​ണ്. ജ​ന​ങ്ങ​ളും അ​ങ്ങ​നെ​യാ​ണ് കാ​ണു​ന്ന​ത്. പ​ങ്കെ​ടു​ക്കു​ന്ന​വ​ർ എ​ൽ.​ഡി.​എ​ഫ് അ​നു​കൂ​ലി​ക​ൾ മാ​ത്ര​മ​ല്ല. എ​ല്ലാ വി​ഭാ​ഗ​ക്കാ​രും ഉ​ണ്ട്. നാ​ടി​നോ​ട് താ​ൽ​പ​ര്യ​മു​ള്ള ആ​ളു​ക​ളാ​ണ് പ​ങ്കെ​ടു​ക്കു​ന്ന​ത്. ആ ​നി​ല​ക്കേ അ​തി​നെ കാ​ണേ​ണ്ട​തു​ള്ളൂ. തെ​ര​ഞ്ഞെ​ടു​പ്പു​മാ​യി ബ​ന്ധ​പ്പെ​ട്ട് കാ​ണേ​ണ്ട.

? സ​ർ​വ​ക​ലാ​ശാ​ല​ക​ളി​ൽ സെ​ന​റ്റും സി​ൻ​ഡി​ക്കേ​റ്റു​മെ​ല്ലാം ഗ​വ​ർ​ണ​ർ ഏ​ക പ​ക്ഷീ​യ​മാ​യി പു​നഃ​സം​ഘ​ടി​പ്പി​ക്കു​ക​യാ​ണ്. ഇ​തി​ൽ ഭൂ​രി​ഭാ​ഗ​വും സം​ഘ്പ​രി​വാ​ർ നി​ർ​ദേ​ശി​ക്കു​ന്ന​വ​രാ​ണ് ക​ട​ന്നു​വ​രു​ന്ന​തും. ഇ​ത്ത​രം കാ​വി​വ​ത്ക​ര​ണം എ​ങ്ങ​നെ​യാ​ണ് ത​ട​യാ​നാ​വു​ക.

നി​യ​മ​സ​ഭ സൃ​ഷ്ടി​ച്ച ചാ​ൻ​സ​ല​ർ പ​ദ​വി തെ​റ്റാ​യി ഉ​പ​യോ​ഗി​ക്കു​ക​യാ​ണ് ഗ​വ​ർ​ണ​ർ. അ​തു​വ​ഴി ന​മ്മു​ടെ ശാ​ന്ത​മാ​യ വി​ദ്യാ​ഭ്യാ​സ അ​ന്ത​രീ​ക്ഷ​ത്തെ ക​ലു​ഷി​ത​മാ​ക്കു​ന്നു. ഗ​വ​ർ​ണ​റു​ടെ നി​ല​പാ​ടി​നെ​തി​രെ സ്വാ​ഭാ​വി​ക​മാ​യും വ​ലി​യ പ്ര​തി​ഷേ​ധ​ങ്ങ​ൾ വ​ന്നു​ക​ഴി​ഞ്ഞു, അ​ത് വ​രും. കേ​ര​ളം ഇ​ങ്ങ​നെ​യു​ള്ള പ​ല ഘ​ട്ട​ങ്ങ​ളും ക​ട​ന്നു​വ​ന്ന​താ​ണ്. നേ​രി​ട്ടി​ട്ടു​മു​ണ്ട്. ആ​രി​ഫ് മു​ഹ​മ്മ​ദ് ഖാ​ന് ആ ​ഭാ​ഗം അ​റി​യി​ല്ല എ​ന്നു​തോ​ന്നു​ന്നു.

അ​ത് ഒ​ന്നു​കൂ​ടി ആ​വ​ർ​ത്തി​ക്കു​മെ​ന്നാ​ണ് തോ​ന്നു​ന്ന​ത്. അ​ത് വ​ല്ലാ​ത്തൊ​രു അ​ന്ത​രീ​ക്ഷം കേ​ര​ള​ത്തി​ൽ സൃ​ഷ്ടി​ക്കു​മെ​ന്ന​താ​ണ് ഞ​ങ്ങ​ളു​ടെ ആ​ശ​ങ്ക. പ​ക്ഷേ, ഇ​ക്കാ​ര്യ​ത്തി​ൽ കേ​ന്ദ്ര സ​ർ​ക്കാ​ർ ശ്ര​ദ്ധി​ക്കേ​ണ്ട ചി​ല കാ​ര്യ​ങ്ങ​ളു​ണ്ട്. ഗ​വ​ർ​ണ​ർ​ക്ക് ഇ​തു​പോ​ലെ അ​ഴി​ഞ്ഞാ​ടാ​ൻ അ​വ​സ​ര​മൊ​രു​ക്കു​ന്ന​ത് കേ​ന്ദ്ര പി​ന്തു​ണ​യാ​ണെ​ങ്കി​ൽ, നാ​ടി​ന്റെ അ​ന്ത​രീ​ക്ഷ​ത്തെ ത​കി​ടം​മ​റി​ക്കു​ന്ന ഒ​രു കാ​ര്യ​ത്തി​ന് കേ​ന്ദ്ര സ​ർ​ക്കാ​ർ കൂ​ട്ടു​നി​ൽ​ക്കാ​ൻ പാ​ടി​ല്ലാ​ത്ത​താ​ണ്. അ​തി​ൽ ഗ​വ​ർ​ണ​റെ നി​യ​ന്ത്രി​ക്കേ​ണ്ട​തു​മാ​ണ്.

? ന​വ​കേ​ര​ള സ​ദ​സ്സ് സ​ർ​ക്കാ​ർ ചെ​ല​വി​ൽ ന​ട​ത്തു​ന്ന തെ​ര​ഞ്ഞെ​ടു​പ്പ് പ്ര​ചാ​ര​ണ​മാ​ണ് എ​ന്നാ​ണ് പ്ര​തി​പ​ക്ഷ ആ​രോ​പ​ണം

സ​ദ​സ്സി​ലെ സം​സാ​രം ശ്ര​ദ്ധി​ച്ചാ​ൽ മ​തി. അ​തി​ൽ ഒ​രു തെ​ര​ഞ്ഞെ​ടു​പ്പ് പ്ര​ചാ​ര​ണ​വും ഇ​ല്ല. കേ​ന്ദ്ര സ​ർ​ക്കാ​റി​ന്റെ ന​യ​ങ്ങ​ൾ, ന​ട​പ​ടി​ക​ൾ ന​മ്മു​ടെ നാ​ടി​നെ പി​ന്നോ​ട്ട​ടി​പ്പി​ക്കു​ന്നു. ആ ​കാ​ര്യ​ങ്ങ​ൾ ജ​ന​ങ്ങ​ളു​ടെ മു​ന്നി​ൽ വി​ശ​ദീ​ക​രി​ക്കാ​നാ​ണ് ശ്ര​മി​ച്ച​ത്. യു.​ഡി.​എ​ഫും കൂ​ടി​യാ​യി​രു​ന്നു ഈ ​പ​രി​പാ​ടി ന​ട​ത്തേ​ണ്ടി​യി​രു​ന്ന​ത്. അ​വ​ർ പ​ങ്കെ​ടു​ക്കാ​തി​രി​ക്കു​ക​യും വ​ലി​യ അ​ധി​ക്ഷേ​പ​ങ്ങ​ൾ ചൊ​രി​യു​ക​യും ചെ​യ്ത​തോ​ടെ അ​വ​രെ കു​റി​ച്ച് ചി​ല കാ​ര്യ​ങ്ങ​ൾ പ​റ​യാ​ൻ നി​ർ​ബ​ന്ധി​ത​മാ​യ​താ​ണ്. യ​ഥാ​ർ​ഥ​ത്തി​ൽ ഞ​ങ്ങ​ളു​ടെ അ​ജ​ണ്ട അ​താ​യി​രു​ന്നി​ല്ല.

? അ​ഞ്ചു സം​സ്ഥാ​ന​ങ്ങ​ളി​ൽ ന​ട​ന്ന തെ​ര​ഞ്ഞെ​ടു​പ്പി​ൽ നാ​ലു സം​സ്ഥാ​ന​ങ്ങ​ളി​ലെ ഫ​ലം വ​ന്നി​രി​ക്കു​ന്നു. കോ​ൺ​ഗ്ര​സി​ന് വ​ലി​യ ന​ഷ്ട​മാ​ണ് ഉ​ണ്ടാ​യി​രി​ക്കു​ന്ന​ത്. ഭ​ര​ണ​മു​ള്ള ര​ണ്ട് സം​സ്ഥാ​നം ന​ഷ്ട​മാ​യി. ഈ ​പ​ശ്ചാ​ത്ത​ല​ത്തി​ൽ ഇ​ൻ​ഡ്യ സ​ഖ്യ​ത്തി​ന്റെ ഭാ​വി എ​ന്താ​യി​രി​ക്കും

ഇ​ൻ​ഡ്യ സ​ഖ്യ​ത്തി​ന്റെ ഭാ​വി​യെ ബാ​ധി​ക്കു​ന്ന നി​ല​പാ​ട് സൃ​ഷ്ടി​ക്കു​ന്ന​ത് കോ​ൺ​ഗ്ര​സി​ന്‍റെ തെ​റ്റാ​യ സ​മീ​പ​ന​മാ​ണ്. ബി.​ജെ.​പി​യെ ഒ​റ്റ​ക്ക് നേ​രി​ട്ടു​ക​ള​യും എ​ന്നു പ​റ​യാ​ൻ മാ​ത്രം ശ​ക്തി​യു​ള്ള​വ​ര​ല്ല ത​ങ്ങ​ളെ​ന്ന് കോ​ൺ​ഗ്ര​സ് മ​ന​സ്സി​ലാ​ക്ക​ണം. അ​തു​ൾ​ക്കൊ​ണ്ട് പ്ര​വ​ർ​ത്തി​ക്കു​ന്ന നി​ല അ​വ​ർ സ്വീ​ക​രി​ക്ക​ണം.

മ​തേ​ത​ര ക​ക്ഷി​ക​ളെ പ​ല​രെ​യും ഒ​ന്നി​ച്ചു​നി​ർ​ത്താ​ൻ അ​വ​ർ ത​യാ​റാ​യി​ല്ല. മൂ​ന്നു സം​സ്ഥാ​ന​ങ്ങ​ളി​ലും അ​തു​ണ്ടാ​യി​ല്ല. ഞ​ങ്ങ​ൾ​ത​ന്നെ കാ​ര്യ​ങ്ങ​ൾ നോ​ക്കി​ക്കൊ​ള്ളാ​മെ​ന്നാ​ണ് അ​വ​ർ തീ​രു​മാ​നി​ച്ച​ത്. സ​മാ​ജ് വാ​ദി​യെ​യൊ​ക്കെ ഒ​ഴി​വാ​ക്കി​യി​ല്ലേ. അ​ഖി​ലേ​ഷ് യാ​ദ​വി​ന് പ്ര​തി​ക​രി​ക്കേ​ണ്ടി​വ​ന്നി​ല്ലേ. കോ​ൺ​ഗ്ര​സ് യാ​ഥാ​ർ​ഥ്യ​ങ്ങ​ൾ കാ​ണ​ണം.

? മു​സ്‍ലിം സം​വ​ര​ണ​ത്തി​ൽ വ​ന്ന ര​ണ്ട് ശ​ത​മാ​നം കു​റ​വ് എ​ങ്ങ​നെ പ​രി​ഹ​രി​ക്കും

നി​ല​വി​ലു​ള്ള സം​വ​ര​ണ​ത്തി​ന് ഒ​രു​വി​ധ കു​റ​വും വ​രു​ന്നി​ല്ലെ​ന്ന് ഉ​റ​പ്പാ​ക്കും. അ​ത് നേ​ര​ത്തേ​ത​ന്നെ വ്യ​ക്ത​മാ​ക്കി​യ​താ​ണ്. ന​ഷ്ട​മു​ണ്ടാ​കി​ല്ല എ​ന്ന് ഉ​റ​പ്പാ​ക്കും.

? ഒ​ന്നാം പി​ണ​റാ​യി സ​ർ​ക്കാ​റും ര​ണ്ടാം സ​ർ​ക്കാ​റും ത​മ്മി​ൽ മു​ഖ്യ​മ​ന്ത്രി​ക്ക് ഒ​ന്ന് താ​ര​ത​മ്യം ചെ​യ്യാ​മോ. പ​ല​രും ആ​രോ​പി​ക്കു​ന്ന​ത് ഒ​ന്നാം പി​ണ​റാ​യി സ​ർ​ക്കാ​റി​ന്റെ ത​ല​ത്തി​ലേ​ക്ക് എ​ത്താ​നാ​കു​ന്നി​ല്ലെ​ന്നാ​ണ്. ശ​രി​യാ​ണോ, എ​ന്തു​കൊ​ണ്ടാ​ണ്

ര​ണ്ട് സ​ർ​ക്കാ​റു​ക​ളും മി​ക​ച്ച​താ​ണ്. മി​ക​ച്ച പ്ര​വ​ർ​ത്ത​ന​മാ​ണ് ആ​ദ്യ സ​ർ​ക്കാ​ർ കാ​ഴ്ച​വെ​ച്ച​ത്. നി​ല​വി​ലെ സ​ർ​ക്കാ​റും വ​ള​രെ ന​ല്ല രീ​തി​യി​ലാ​ണ് മു​ന്നോ​ട്ടു​പോ​കു​ന്ന​ത്. മ​ന്ത്രി​മാ​രു​ടെ പ്ര​വ​ർ​ത്ത​നം മി​ക​ച്ച​താ​ണ്. ഉ​ദ്യോ​ഗ​സ്ഥ സ​ഹ​ക​ര​ണ​മു​ൾ​പ്പെ​ടെ, വ​ള​രെ ന​ല്ല രീ​തി​യി​ലാ​ണ് മു​ന്നോ​ട്ടു​പോ​കു​ന്ന​ത്.