പൂരക്കളിയിൽ വീണ്ടും കൊടിപാറിച്ച് മേമുണ്ട
text_fieldsഎച്ച്.എസ് വിഭാഗം പൂരക്കളിയിൽ എ ഗ്രേഡ് നേടിയ മേമുണ്ട എച്ച്.എസ്.എസ് കോഴിക്കോട്
കാൽനൂറ്റാണ്ടിലേറെ നീണ്ട അനുഭവക്കരുത്തിലാണ് മേമുണ്ട എച്ച്.എസ്.എസ് പൂരക്കളിയിലിത്തവണയും വിജയക്കൊടി പാറിച്ചത്. തുടർച്ചയായി 26ാം വർഷമാണ് സ്കൂൾ എ.എസ്.എസ് വിഭാഗം പൂരക്കളിയിൽ എ ഗ്രേഡ് നേടിയത്. ഹൈസ്കൂൾ വിഭാഗം 26 വർഷവും ഹയർസെക്കൻഡറി വിഭാഗം 20 വർഷവും സംസ്ഥാനതലത്തിലെത്തി.
പൂരക്കളിയുടെ ആസ്ഥാനമായ കാസർകോട്ടെ മാണിയാട്ട് ടി.നാരായണൻ ആശാനാണിവരുടെ ഗുരു. ഇദ്ദേഹം തന്നെയാണ് കാൽനൂറ്റാണ്ടുകാലം സ്കൂളിലെ ടീമിനെ പരിശീലപ്പിച്ചതെന്ന പ്രത്യേകതയുമുണ്ട്. കണ്ണൂര്-കാസര്കോട് ജില്ലകളില് പ്രചാരത്തിലുള്ള അനുഷ്ഠാന കലാരൂപമായ പൂരക്കളി കലോത്സവ ഇനമായതോടെയാണ് കൂടുതൽ ജനകീയമായത്. കളരിമുറയും ആചരാനുഷ്ഠാനങ്ങളും ഒത്തുചേരുന്ന കലയിൽ രാമായണത്തിലെയും ഭാരതത്തിലെയും കഥകളാണ് പാട്ടുരൂപത്തില് അവതരിപ്പിക്കുന്നത്.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.