മേപ്പാടിയിലെ ഷൈജ ബേബിക്ക് ഇത് സമർപ്പണത്തിനുള്ള അംഗീകാരം

മു​ണ്ട​ക്കൈ: നാ​ടി​നെ ക​ണ്ണീ​രി​ലാ​ഴ്ത്തി​യ ഉ​രു​ൾ​പൊ​ട്ട​ൽ ദു​ര​ന്ത​ത്തി​ൽ ബ​ന്ധു​ക്ക​ളാ​യ പ​ത്തി​ല​ധി​കം പേ​രെ കാ​ണാ​താ​യ വേ​ദ​ന​ക്കി​ട​യി​ലും വി​ശ്ര​മ​മി​ല്ലാ​തെ മോ​ർ​ച്ച​റി​യി​ലെ​ത്തി മൃ​ത​ദേ​ഹ​ങ്ങ​ൾ തി​രി​ച്ച​റി​ഞ്ഞ് ഉ​റ്റ​വ​ർ​ക്ക് ആ​ശ്ര​യ​മാ​വു​ക വ​ഴി കേ​ര​ള​ത്തി​ന്റെ സ്നേ​ഹാ​ദ​ര​വ് നേ​ടി​യ മേ​പ്പാ​ടി സ്വ​ദേ​ശി​നി ഷൈ​ജ ബേ​ബി​ക്ക് ല​ഭി​ച്ച​ത് സ​മ​ർ​പ്പ​ണ​ത്തി​നു​ള്ള അം​ഗീ​കാ​രം. സം​സ്ഥാ​ന​ത്തെ മി​ക​ച്ച സാ​മൂ​ഹ്യ സേ​വ​ന​ത്തി​ന് ആ​ശാ വ​ർ​ക്ക​ർ​ക്കു​ള്ള കേ​ര​ള​ശ്രീ പു​ര​സ്കാ​ര​മാ​ണ് ഷൈ​ജ ബേ​ബി​യെ തേ​ടി​യെ​ത്തി​യ​ത്.

വി​വി​ധ മേ​ഖ​ല​ക​ളി​ൽ സ​മൂ​ഹ​ത്തി​നു സ​മ​ഗ്ര സം​ഭാ​വ​ന​ക​ൾ ന​ൽ​കി​യി​ട്ടു​ള്ള വി​ശി​ഷ്ട വ്യ​ക്തി​ക​ൾ​ക്കു കേ​ന്ദ്ര സ​ർ​ക്കാ​ർ ഏ​ർ​പ്പെ​ടു​ത്തി​യി​ട്ടു​ള്ള പ​ത്മ പു​ര​സ്കാ​ര​ങ്ങ​ളു​ടെ മാ​തൃ​ക​യി​ൽ സം​സ്ഥാ​ന സ​ർ​ക്കാ​ർ ന​ൽ​കു​ന്ന പ​ര​മോ​ന്ന​ത പു​ര​സ്‌​കാ​ര​മാ​ണ് കേ​ര​ള പു​ര​സ്കാ​രം.

ഉ​രു​ള്‍പൊ​ട്ട​ല്‍ ദു​ര​ന്ത​ത്തി​ല്‍ മോ​ര്‍ച്ച​റി​യി​ലെ​ത്തി​യ മൃ​ത​ദേ​ഹ​ങ്ങ​ളി​ല്‍ നൂ​റോ​ളം പേ​രെ തി​രി​ച്ച​റി​ഞ്ഞ​ത് മു​ന്‍ പ​ഞ്ചാ​യ​ത്ത് വൈ​സ് പ്ര​സി​ഡ​ന്റും 15 വ​ര്‍ഷ​മാ​യി മു​ണ്ട​ക്കൈ​യി​ല്‍ ആ​ശാ​വ​ര്‍ക്ക​റു​മാ​യ ഷൈ​ജ​യാ​ണ്. ചൂ​ര​ല്‍മ​ല​യി​ലെ ഏ​താ​ണ്ട് മു​ഴു​വ​ന്‍ ആ​ളു​ക​ളെയും ഇ​വ​ർ​ക്ക് ന​ന്നാ​യി അ​റി​യാ​മെ​ന്ന​ത് കൊ​ണ്ടു​ത​ന്നെ ദു​ര​ന്തം ന​ട​ന്ന ആ​ദ്യ മ​ണി​ക്കൂ​റു​ക​ള്‍ മു​ത​ല്‍ ദു​ര​ന്ത​ത്തി​ല്‍ മ​രി​ച്ച ഓ​രോ മ​നു​ഷ്യ​രെ​യും തി​രി​ച്ച​റി​യു​ന്ന​തി​ന് അ​ധി​കൃ​ത​ര്‍ സ​ഹാ​യം തേ​ടി​യ​ത് ഷൈ​ജ​യോ​ടാ​യി​രു​ന്നു.

2019 ലെ ഉരുൾ പൊട്ടലിനെ തുടർന്ന് മേപ്പാടിയിലേക്ക് താമസം മാറിയതാണ് ഷൈജ. രണ്ട് മലയിടിച്ചിലുകളിൽ നിന്ന് രക്ഷപ്പെട്ടതാണ് ഷൈജ. ഇത്തവണ കുടുംബത്തിലെ ഒൻപത് പേരെയാണ് ഷൈജക്ക് നഷ്ടപ്പെട്ടത്.