ബി.​ജെ.​പി​യു​ടെ പ​രീ​ക്ഷ​ണ​ശാ​ല​യി​ൽ എ​ന്തു സം​ഭ​വി​ക്കും? എല്ലാ കണ്ണുകളും തൃശൂരിലേക്ക്

തൃ​ശൂ​ർ: കേ​ര​ളം മാ​ത്ര​മ​ല്ല, ഒ​രു​പ​ക്ഷേ രാ​ജ്യം​ത​ന്നെ താ​ൽ​പ​ര്യ​പൂ​ർ​വം കാ​ത്തി​രി​ക്കു​ക​യാ​ണ്, തൃ​ശൂ​ർ ലോ​ക്സ​ഭ മ​ണ്ഡ​ല​ത്തി​ന്‍റെ വി​ധി​യ​റി​യാ​ൻ. യു.​ഡി.​എ​ഫി​ന്​ മ​ണ്ഡ​ലം നി​ല​നി​ർ​ത്തേ​ണ്ട​ത്​ അ​ഭി​മാ​ന​പ്ര​ശ്ന​മാ​ണെ​ങ്കി​ൽ സി.​പി.​ഐ സ്ഥാ​നാ​ർ​ഥി മ​ത്സ​രി​ച്ച എ​ൽ.​ഡി.​എ​ഫി​ൽ കൂ​ടു​ത​ൽ നെ​ഞ്ചി​ടി​പ്പ്​ സി.​പി.​എ​മ്മി​നാ​ണ്. ബി.​ജെ.​പി നേ​തൃ​ത്വം ന​ൽ​കു​ന്ന എ​ൻ.​ഡി.​എ​യു​ടെ പ​രീ​ക്ഷ​ണ​ശാ​ല​യെ​ന്ന്​ പ​റ​യാ​വു​ന്ന തൃ​ശൂ​രി​നെ​ക്കു​റി​ച്ച്​ അ​വ​ർ​ക്കു​മു​ണ്ട്​ ഏ​റെ പ്ര​തീ​ക്ഷ. ഇ​ത്ത​വ​ണ തെ​ര​ഞ്ഞെ​ടു​പ്പ്​ പ്ര​ചാ​ര​ണ​ത്തി​നെ​ന്ന​പോ​ലെ പെ​ട്ടി​യി​ൽ വീ​ണ വോ​ട്ട്​ ആ​ർ​ക്കാ​ണ്​ എ​ന്ന്​ കൂ​ട്ടി​ക്കി​ഴി​ച്ചി​രി​ക്കാ​നും ഏ​റെ സ​മ​യം കി​ട്ടി. പു​റ​മേ​ക്ക്​ പ്ര​ക​ടി​പ്പി​ക്കു​ന്ന ആ​ത്മ​വി​ശ്വാ​സ​ത്തി​ൽ മൂ​വ​രും മു​ന്നി​ലാ​ണ്. അ​തേ​സ​മ​യം, ഉ​ൾ​ഭ​യം മൂ​ന്നു കൂ​ട്ട​ർ​ക്കു​മു​ണ്ട്​ എ​ന്ന​താ​ണ്​ വ​സ്തു​ത. ത്രി​കോ​ണ മ​ത്സ​ര​മു​ണ്ടെ​ന്നും ഇ​ല്ലെ​ന്നും ഉ​റ​പ്പി​ച്ചു​പ​റ​യാ​നാ​വാ​ത്ത​ത്ര വീ​റും വാ​ശി​യും ക​ണ്ട തെ​ര​ഞ്ഞെ​ടു​പ്പ്​ ക​ഴി​ഞ്ഞ്​ ആ​ഴ്ച​ക​ൾ ഇ​ത്ര​യാ​യി​ട്ടും ഉ​റ​പ്പി​ച്ചൊ​രു ക​ണ​ക്ക്​ പ​റ​യാ​നാ​വാ​ത്ത വി​ധ​ത്തി​ൽ സ​​ന്ദേ​ഹ​ത്തി​ന്‍റെ തു​രു​ത്തി​ലാ​ണ്​ മൂ​ന്നു​ കൂ​ട്ട​രും.

ക​ഴി​ഞ്ഞ നി​യ​മ​സ​ഭ തെ​ര​ഞ്ഞെ​ടു​പ്പി​നു​ശേ​ഷം എ​ൻ.​ഡി.​എ സ്ഥാ​നാ​ർ​ഥി സു​രേ​ഷ്​ ഗോ​പി തൃ​ശൂ​ർ ലോ​ക്സ​ഭ മ​ണ്ഡ​ല​ത്തി​ൽ വീ​ണ്ടും ക​ച്ച​മു​റു​ക്കാ​ൻ ഒ​രു​ങ്ങി​യി​രി​പ്പാ​യി​രു​ന്നു. ആ​ദ്യം രം​ഗ​ത്തി​റ​ങ്ങി​യ​തും അ​ദ്ദേ​ഹം​ത​ന്നെ. എ​ൽ.​ഡി.​എ​ഫ്​ സ്ഥാ​നാ​ർ​ഥി വി.​എ​സ്. സു​നി​ൽ​കു​മാ​റി​ന്‍റെ കാ​ര്യ​ത്തി​ലും വ്യ​ക്ത​ത​യു​ണ്ടാ​യി​രു​ന്നു. യു.​ഡി.​എ​ഫി​ലാ​ക​ട്ടെ കോ​ൺ​ഗ്ര​സ്​ സ്ഥാ​നാ​ർ​ഥി​യെ​ന്ന്​ വി​ശ്വ​സി​ച്ച് സി​റ്റി​ങ്​ എം.​പി ടി.​എ​ൻ. പ്ര​താ​പ​ൻ സ്വ​യം​ പ്ര​വ​ർ​ത്ത​നം തു​ട​ങ്ങി അ​വ​​സാ​ന മി​നി​റ്റി​ൽ വ​ന്ന മാ​റ്റം എ​ന്തു​ ഫ​ലം ചെ​യ്തു​വെ​ന്ന്​ അ​റി​യാ​നു​ള്ള ദി​വ​സ​മാ​ണ്​ ജൂ​ൺ നാ​ല്. അ​തു​കൊ​ണ്ടു​ത​ന്നെ, നെ​ഞ്ചി​ടി​പ്പ്​ പു​റ​മേ​ക്ക്​ ഉ​റ​ക്കെ കേ​ൾ​ക്കു​ന്ന​ത്​ യു.​ഡി.​എ​ഫി​ന്‍റേ​താ​ണ്.

തൃ​ശൂ​രി​ലെ പോ​രാ​ട്ടം വീ​റു​റ്റ​താ​ക്കി​യ​ത്​ യു.​ഡി.​എ​ഫ്​ സ്ഥാ​നാ​ർ​ഥി കെ. ​മു​ര​ളീ​ധ​ര​ന്‍റെ സാ​ന്നി​ധ്യ​മാ​ണെ​ന്ന കാ​ര്യ​ത്തി​ൽ ത​ർ​ക്ക​മി​ല്ല. ത​ഴ​ക്കം​ചെ​ന്ന അ​ദ്ദേ​ഹ​ത്തി​ന്‍റെ പ്ര​വ​ർ​ത്ത​ന​രീ​തി ദ​ഹി​ക്കാ​ത്ത​വ​രും പി​ൻ​വ​ലി​ഞ്ഞ​വ​രും പാ​ർ​ട്ടി​യി​ലു​ണ്ട്. വോ​ട്ടെ​ടു​പ്പി​നു​ശേ​ഷം മു​ര​ളീ​ധ​ര​ന്‍റേ​താ​യി, പി​ന്നീ​ട്​ അ​ദ്ദേ​ഹം നി​ഷേ​ധി​ച്ച ചി​ല പ്ര​സ്​​താ​വ​ന​ക​ളു​ടെ ‘ഭാ​രം’ പേ​റി​യാ​ണ്​ ഇ​ക്ക​ഴി​ഞ്ഞ ദി​വ​സ​മ​ത്ര​യും പാ​ർ​ട്ടി​യി​ൽ ഒ​രു വി​ഭാ​ഗം നേ​താ​ക്ക​ളു​ടെ ജീ​വി​തം. മു​ര​ളീ​ധ​ര​ൻ നി​ര​ന്ത​രം ആ​രോ​പി​ച്ച ‘സി.​പി.​എം-​ബി.​ജെ.​പി ഡീ​ൽ’ വോ​ട്ടെ​ടു​പ്പി​ൽ പ്ര​തി​ഫ​ലി​ച്ചോ എ​ന്ന​തി​നെ​ക്കാ​ൾ ആ​ശ​ങ്ക​യോ​ടെ ഇ​വ​ർ കാ​ത്തി​രി​ക്കു​ന്ന​ത്​ ഫ​ലം പ്ര​തി​കൂ​ല​മാ​യാ​ൽ വ​രാ​നി​രി​ക്കു​ന്ന കൊ​ടു​ങ്കാ​റ്റാ​ണ്.

സി.​പി.​എ​മ്മി​ന്​ ബി.​ജെ.​പി ബ​ന്ധം ആ​രോ​പി​ച്ച കോ​ൺ​ഗ്ര​സി​ന്‍റെ​യും മു​ര​ളീ​ധ​ര​ന്‍റെ​യും ത​ന്ത്രം തൃ​ശൂ​രി​ൽ മ​ത്സ​രി​ച്ച സി.​പി.​ഐ​യി​ൽ ഒ​രു വി​ഭാ​ഗ​ത്തെ​യെ​ങ്കി​ലും സ്വാ​ധീ​നി​ച്ചി​ട്ടു​ണ്ടെ​ന്ന കാ​ര്യ​ത്തി​ലും സം​ശ​യ​മി​ല്ല. ക​രു​വ​ന്നൂ​ർ പോ​ലു​ള്ള വി​ഷ​യ​ങ്ങ​ളി​ൽ പൊ​ള്ളി​നി​ൽ​ക്കു​ന്ന സി.​പി.​എ​മ്മി​നും അ​തി​ന്‍റെ പ്ര​ധാ​ന നേ​താ​ക്ക​ൾ​ക്കും ര​ക്ഷ​പ്പെ​ടാ​നു​ള്ള അ​വ​സ​ര​മാ​യി തൃ​ശൂ​രി​ലെ മ​ത്സ​ര​ത്തെ ‘ബ​ലി കൊ​ടു​ത്തോ’ എ​ന്ന സം​ശ​യ​മാ​ണ്​ ഇ​ക്കൂ​ട്ട​ർ​ക്ക്. എ​ന്നാ​ൽ, പാ​ർ​ട്ടി നേ​തൃ​ത്വ​വും സ്ഥാ​നാ​ർ​ഥി വി.​എ​സ്. സു​നി​ൽ​കു​മാ​റും അ​ത​പ്പ​ടി ത​ള്ളു​ന്നു. മു​ന്ന​ണി​യു​ടെ പ​ട ന​യി​ക്കാ​ൻ കൂ​ടു​ത​ൽ സ്മാ​ർ​ട്ട്​ ആ​യി​രു​ന്ന​ത്​ സി.​പി.​എ​മ്മും അ​തി​ന്‍റെ യു​വ​ജ​ന വി​ഭാ​ഗ​വു​മാ​ണെ​ന്ന്​ അ​വ​ർ സാ​ക്ഷ്യം പ​റ​യു​മ്പോ​ൾ ഫ​ലം മ​റി​ച്ചാ​യാ​ൽ പാ​പ​ഭാ​രം ആ​രേ​ൽ​ക്കും എ​ന്ന ആ​ശ​ങ്ക നെ​ഞ്ചേ​റ്റു​ന്ന​വ​രു​ണ്ട്.

തൃ​ശൂ​ർ ലോ​ക്സ​ഭ​യി​ലേ​ക്ക്​ ഇ​ത്ത​വ​ണ​ത്തേ​തും ചേ​ർ​ത്ത്​ ര​ണ്ടും തൃ​ശൂ​ർ നി​യ​മ​സ​ഭ മ​ണ്ഡ​ല​ത്തി​ൽ ഒ​രു ത​വ​ണ​യും മ​ത്സ​രി​ച്ച സ്ഥാ​നാ​ർ​ഥി സു​രേ​ഷ്​ ഗോ​പി​യാ​ണ്​ എ​ൻ.​ഡി.​എ​യു​ടെ പ്ല​സും മൈ​ന​സും. ഇ​പ്പോ​ഴും താ​ര​പ​രി​വേ​ഷം മാ​റാ​ത്ത​തി​ന്‍റെ ഗു​ണം ആ​ൾ​ക്കൂ​ട്ട​മാ​യി പ​രി​ണ​മി​ച്ച​ത്​ വെ​റു​ത​യ​ല്ലെ​ന്ന്​ ക​ഴി​ഞ്ഞ തെ​ര​ഞ്ഞെ​ടു​പ്പി​ൽ നേ​ടി​യ വോ​ട്ടി​ലൂ​ടെ ക​ണ്ട​താ​ണ്. എ​ന്നാ​ൽ, അ​തി​ല​പ്പു​റം ഇ​നി​യെ​ന്ത്​ നേ​ടാ​ൻ എ​ന്ന ചി​ന്ത ബി.​ജെ.​പി​യി​ൽ വ​ലി​യൊ​രു വി​ഭാ​ഗ​ത്തി​നു​ണ്ട്. അ​തി​ലു​പ​രി, ഇ​തേ ‘താ​ര ഭാ​രം’ മ​ണ്ണി​ലി​റ​ങ്ങാ​ൻ ത​ട​സ്സ​മാ​യെ​ന്നും അ​ത്​ തെ​ര​ഞ്ഞെ​ടു​പ്പി​ൽ പ്ര​തി​കൂ​ല​മാ​കു​മെ​ന്നു​മു​ള്ള ആ​ശ​ങ്ക മു​ന്ന​ണി​യി​ലു​ണ്ട്.

യു.​ഡി.​എ​ഫ്

ന്യൂ​ന​പ​ക്ഷ വോ​ട്ടു​ക​ൾ ഏ​താ​ണ്ട്​ മു​ഴു​വ​നാ​യും മ​റ്റു​ വോ​ട്ടു​ക​ളി​ൽ ന​ല്ലൊ​രു ഭാ​ഗ​വും തു​ണ​ച്ചു​വെ​ന്നും ജ​യം ഉ​റ​പ്പാ​ണെ​ന്നു​മാ​ണ്​ യു.​ഡി.​എ​ഫി​ന്‍റെ ക​ണ​ക്കു​കൂ​ട്ട​ൽ. 35,000-50,000 വോ​ട്ട്​ ഭൂ​രി​പ​ക്ഷ​ത്തി​ൽ മ​ണ്ഡ​ലം നി​ല​നി​ർ​ത്താ​നാ​കു​മെ​ന്ന്​ കോ​ൺ​ഗ്ര​സ്​ ക​രു​തു​ന്നു.

എ​ൽ.​ഡി.​എ​ഫ്

ക​ഴി​ഞ്ഞ തെ​ര​ഞ്ഞെ​ടു​പ്പി​ൽ ന​ഷ്ട​മാ​യ തൃ​ശൂ​ർ ലോ​ക്സ​ഭ മ​ണ്ഡ​ലം തി​രി​ച്ചു​പി​ടി​ക്കു​മെ​ന്ന എ​ൽ.​ഡി.​എ​ഫി​ന്‍റെ പ്ര​തീ​ക്ഷ​ക്ക്​ പ്ര​ധാ​ന ആ​ധാ​രം സ്ഥാ​നാ​ർ​ഥി​യു​ടെ മി​ക​വാ​ണ്. നി​യ​മ​സ​ഭ തെ​ര​ഞ്ഞെ​ടു​പ്പി​ൽ തൃ​ശൂ​രി​ലെ ത്രി​കോ​ണ മ​ത്സ​ര​ത്തി​ൽ സി.​പി.​ഐ ജ​യി​ച്ചു​ക​യ​റി​യ അ​നു​ഭ​വം ഇ​ത്ത​വ​ണ ഉ​ണ്ടാ​കു​മെ​ന്നും 15,000 വോ​ട്ടി​നെ​ങ്കി​ലും ജ​യി​ക്കു​മെ​ന്നും മു​ന്ന​ണി പ്ര​തീ​ക്ഷി​ക്കു​ന്നു. തെ​റ്റി​ദ്ധ​രി​പ്പി​ക്കാ​ൻ പ​ല കേ​​​ന്ദ്ര​ങ്ങ​ളും ശ്ര​മി​ച്ചി​ട്ടും എ​ല്ലാ വി​ഭാ​ഗ​വും എ​ൽ.​ഡി.​എ​ഫി​ന്​ അ​നു​കൂ​ല​മാ​യെ​ന്നും മു​ന്ന​ണി നേ​തൃ​ത്വം ക​രു​തു​ന്നു.

എ​ൻ.​ഡി.​എ

ഇ​ത്ത​വ​ണ​യും ജ​യി​ച്ചി​ല്ലെ​ങ്കി​ൽ ഇ​നി സാ​ധ്യ​മ​ല്ല എ​ന്നാ​ണ്​ ബി.​ജെ.​പി​യും എ​ൻ.​ഡി.​എ​യും ക​രു​തു​ന്ന​ത്. ലോ​ക്സ​ഭ​യി​ലേ​ക്ക്​ ​കേ​ര​ള​ത്തി​ൽ ല​ഭി​ക്കു​ന്ന ആ​ദ്യ സീ​റ്റ്​ തൃ​ശൂ​രി​ൽ​നി​ന്നാ​വു​മെ​ന്നും അ​ത്​ ഇ​ത്ത​വ​ണ​യാ​ണെ​ന്നും ബി.​ജെ.​പി ഉ​റ​ച്ച്​ വി​ശ്വ​സി​ക്കു​ന്നു. ക​ഴി​ഞ്ഞ തെ​ര​ഞ്ഞെ​ടു​പ്പി​നെ​ക്കാ​ൾ ഒ​ന്ന​ര ല​ക്ഷ​ത്തി​ലേ​റെ വോ​ട്ട്​ നേ​ടി​യാ​ൽ ജ​യി​ക്കാ​മെ​ന്നും സ്ത്രീ ​വോ​ട്ട​ർ​മാ​രി​ലൂ​ടെ അ​ത്​ സാ​ധ്യ​മാ​കു​മെ​ന്നു​മാ​ണ്​ ക​ണ​ക്കു​കൂ​ട്ടു​ന്ന​ത്. അ​തേ​സ​മ​യം, ന്യൂ​ന​പ​ക്ഷ വോ​ട്ടു​ക​ൾ ഒ​രു​മി​ച്ച്​ ഏ​തെ​ങ്കി​ലു​മൊ​രു മു​ന്ന​ണി​ക്ക്​ അ​നു​കൂ​ല​മാ​യി​ട്ടു​ണ്ടെ​ങ്കി​ൽ ഫ​ലം മ​റി​ച്ചാ​കു​മെ​ന്ന ആ​ശ​ങ്ക​യു​മു​ണ്ട്.

ഫ​ലം; പ്ര​തി​ഫ​ല​നം

യു.​ഡി.​എ​ഫ്​ പ​രാ​ജ​യ​പ്പെ​ട്ടാ​ൽ ജി​ല്ല കോ​ൺ​ഗ്ര​സി​ൽ വ​ലി​യ പൊ​ട്ടി​ത്തെ​റി​ക്കും അ​ഴി​ച്ചു​പ​ണി​ക​ൾ​ക്കും വ​ഴി​യൊ​രു​ങ്ങും. കെ. ​ക​രു​ണാ​ക​ര​ൻ തോ​റ്റ തെ​ര​ഞ്ഞെ​ടു​പ്പി​ൽ അ​ദ്ദേ​ഹം ആ​രോ​പി​ച്ച ‘പി​ന്നി​ൽ​നി​ന്നു​ള്ള കു​ത്ത്​’ വീ​ണ്ടും ഉ​യ​രും. തൃ​ശൂ​ർ കെ. ​ക​രു​ണാ​ക​ര​നും മ​ക്ക​ൾ​ക്കും ബാ​ലി​കേ​റാ​മ​ല​യാ​ണെ​ന്ന തോ​ന്ന​ൽ ഉ​റ​പ്പി​ക്കു​ക​യും ചെ​യ്യും.

ക​ച്ച​കെ​ട്ടി​യി​റ​ങ്ങി​യ തെ​ര​ഞ്ഞെ​ടു​പ്പി​ൽ ജ​യി​ക്കാ​നാ​യി​ല്ലെ​ങ്കി​ൽ എ​ൽ.​ഡി.​എ​ഫി​ൽ സി.​പി.​എം, സി.​പി.​ഐ മ​ന​പ്പൊ​രു​ത്തം ത​ക​രും. ക​രു​വ​ന്നൂ​ർ അ​ട​ക്ക​മു​ള്ള സി.​പി.​എ​മ്മി​ന്‍റെ ചെ​യ്തി​ക​ൾ​ക്കെ​തി​രെ ചൂ​ണ്ടു​വി​ര​ലു​ക​ളു​യ​രും. കോ​ൺ​ഗ്ര​സ്​ ആ​രോ​പി​ച്ച ‘ഡീ​ൽ’ ഒ​രു വി​ഭാ​ഗം എ​ടു​ത്ത്​ പ്ര​യോ​ഗി​ക്കും. അ​ടു​ത്ത വ​ർ​ഷം ന​ട​ക്കാ​നി​രി​ക്കു​ന്ന ത​ദ്ദേ​ശ തെ​ര​ഞ്ഞെ​ടു​പ്പി​ൽ ജി​ല്ല​യി​ൽ പ​ല​യി​ട​ത്തും മു​ന്ന​ണി ധാ​ര​ണ​യെ​പ്പോ​ലും ബാ​ധി​ക്കും.

പ്ര​ധാ​ന​മ​ന്ത്രി​യു​ടെ സ​ന്ദ​ർ​ശ​ന​വും സു​രേ​ഷ് ഗോ​പി​യു​ടെ പ്ര​ഭാ​വ​വും ഉ​ണ്ടാ​ക്കി​യി​ട്ടും ജ​യി​ക്കാ​നാ​യി​ല്ലെ​ങ്കി​ൽ മ​ണി​പ്പൂ​ർ പോ​ലു​ള്ള വി​ഷ​യ​ത്തി​ൽ മ​ണ്ഡ​ല​ത്തി​ലെ വോ​ട്ട​ർ​മാ​രി​ൽ പ്ര​ബ​ല വി​ഭാ​ഗ​ത്തി​നേ​റ്റ മു​റി​വി​ന്‍റെ ആ​ഴം ബി.​ജെ.​പി നേ​തൃ​ത്വം തി​രി​ച്ച​റി​യും. ജി​ല്ല മു​ത​ലു​ള്ള നേ​തൃ​ത്വം മ​റു​പ​ടി പ​റ​യേ​ണ്ടി​വ​രും.