രാജ്യം ഹിന്ദുത്വ അജണ്ടക്ക്​ കീഴ്​പെട്ടു -ഒ. അബ്​ദുറഹ്​മാൻ VIDEO

കോഴിക്കോട്​: ജനദ്രോഹ നയങ്ങൾ സ്വീകരിച്ചിട്ടും വീണ്ടും നരേന്ദ്ര മോദി സർക്കാർ അധികാരത്തിലേക്ക്​ കടന്നുകയ റുന്നത്​ രാജ്യം ഹിന്ദുത്വ അജണ്ടക്ക്​ കീഴടങ്ങിയത്​ കൊണ്ടാണെന്ന്​ മാധ്യമം-മീഡിയ വൺ ഗ്രൂപ്പ്​ എഡിറ്റർ ഒ. അബ്​ദ ുറഹ്​മാൻ. മാധ്യമം ഡോട്ട്​ കോമുമായി നടത്തിയ ചർച്ചയിൽ സംസാരിക്കുകയായിരുന്നു അദ്ദേഹം.

ജനങ്ങളെ ഏറെ വലച്ച നേ ാട്ട്​ നിരോധനമോ ജി.എസ്​.ടിയോ വിലക്കയറ്റമോ ഒന്നും ഈ തെരഞ്ഞെടുപ്പ്​ കലയളവിൽ ചർച്ചയായതേ ഇല്ല. പകരം ദേശീയത ആളിക്കത്തിച്ച്​ ഹിന്ദുത്വ വികാരം തങ്ങൾക്ക്​ അനുകൂലമാക്കി മാറ്റാനാണ്​ ബി.ജെ.പി ശ്രമിച്ചത്​. അതിൽ അവർ വിജയിക്കുകയും ചെയ്​തു എന്നതാണ്​ കഴിഞ്ഞ തവണത്തെ അതേ മാർജിനിലേക്ക്​ അവരുടെ വിജയം ചെന്നെത്തുന്നത്​ സൂചിപ്പിക്കുന്നത്​​.

യഥാർഥ ജനകീയ പ്രശ്​നങ്ങൾ ഉയർത്തിക്കാണിക്കാൻ നടത്തിയ രാഹുൽ ഗാന്ധിയുടെ ശ്രമങ്ങൾ പോലും വിജയിച്ചില്ല. അതേസമയം കേരളം ഈ വികാരത്തെ മറികടക്കുന്നതാണ്​ ഇവിടെയുള്ള ഫലം നൽകുന്ന സൂചനയെന്നും അദ്ദേഹം പറഞ്ഞു.

സംസ്ഥാനം ഭരിക്കുന്ന ഇടതുപക്ഷ സർക്കാരിനോടുളള ഭരണവിരുദ്ധ വികാരമല്ല ഈ തെരഞ്ഞെടുപ്പിൽ പ്രതിഫലിക്കുന്നത്​ മറിച്ച്​, ബി.ജെ.പിയുടെ ഫാസിസ്റ്റ്​ ഭരണത്തിനെതിരായ ന്യൂനപക്ഷ ഏകീകരണമാണ്​. ശബരിമല വിഷയം ആളിക്കത്തിച്ചത്​ ബി.ജെ.പിയാണെങ്കിലും അത്​ വോട്ടായി മാറിയത്​ യു.ഡി.എഫിനാണ്​.

ചർച്ചയുടെ പൂർണ്ണ രൂപം