1000 കോടികൂടി കടമെടുക്കുന്നു

തിരുവനന്തപുരം: സാമ്പത്തിക പ്രതിസന്ധിയുടെ സാഹചര്യത്തിൽ സംസ്ഥാനം 1000 കോടി രൂപകൂടി കടമെടുക്കുന്നു. അടുത്ത മാസത്തെ ശമ്പള-പെൻഷൻ വിതരണം സുഗമമാക്കാൻകൂടി ലക്ഷ്യമിട്ടാണ് നടപടി. ഓണക്കാലത്ത് അധിക ചെലവ് വൻതോതിൽ വന്നതിനാൽ സംസ്ഥാനം കടുത്ത സാമ്പത്തിക പ്രയാസത്തിലായിരുന്നു. കടപ്പത്രത്തിന്‍റെ ലേലം ഒക്ടോബർ മൂന്നിന് റിസർവ് ബാങ്കിന്‍റെ മുംബൈ ഫോർട്ട് ഓഫിസിൽ ഇ-കുബേർ സംവിധാനം വഴി നടക്കും. അടുത്ത ദിവസം പണം ലഭിക്കും.