ജൽജീവൻ മിഷൻ പൂർത്തിയാക്കാൻ 12,000 കോടി ക​ടമെടുക്കുന്നു

തി​രു​വ​ന​ന്ത​പു​രം: സാ​മ്പ​ത്തി​ക പ്ര​തി​സ​ന്ധി​​യി​ൽ ജ​ൽ​ജീ​വ​ൻ മി​ഷ​ൻ കു​ടി​വെ​ള്ള പ​ദ്ധ​തി പൂ​ർ​ത്തീ​ക​ര​ണം അ​നി​ശ്ചി​താ​വ​സ്​​ഥ​യി​ലാ​യി​രി​ക്കെ 12,000 കോ​ടി വാ​യ്​​പ​​യെ​ടു​ക്കാ​ൻ ജ​ല അ​തോ​റി​റ്റി. ക​രാ​റു​കാ​രു​ടെ നി​സ്സ​ഹ​ക​ര​ണ​മ​ട​ക്കം പ​ദ്ധ​തി മു​​ന്നോ​ട്ടു കൊ​ണ്ടു​പോ​കാ​നാ​വാ​ത്ത സാ​ഹ​ച​ര്യ​ത്തി​ലാ​ണ്​ സ​ർ​ക്കാ​ർ ഗാ​ര​ന്‍റി​യോ​ടെ വ​ൻ തു​ക ക​ട​മെ​ടു​ക്കു​ന്ന​ത്. ക​ട​ക്കെ​ണി​യി​ൽ മു​ന്നോ​ട്ടു​പോ​വു​ന്ന ജ​ല അ​തോ​റി​റ്റി​യെ 12,000 കോ​ടി​യു​ടെ വാ​യ്പ കൂ​ടു​ത​ൽ ‘വെ​ള്ള’​ത്തി​ലാ​ക്കു​മെ​ന്നു​റ​പ്പാ​ണ്.

ജ​ൽ​ജീ​വ​ൻ മി​ഷ​ൻ പ​ദ്ധ​തി ന​ട​പ്പാ​ക്കു​ന്ന​തി​ന് സം​സ്ഥാ​ന സ​ർ​ക്കാ​ർ വി​ഹി​തം ന​ൽ​കാ​ത്ത​തി​നാ​ലാ​ണ്​ അ​തോ​റി​റ്റി സ്വ​ന്തം നി​ല​യി​ൽ ക​ട​മെ​ടു​ക്കു​ന്ന​ത്. ഉ​യ​ർ​ന്ന പ​ലി​ശ നി​ര​ക്കി​ൽ (9.2ശ​ത​മാ​നം) എ​ടു​ക്കു​ന്ന വാ​യ്​​പ​യു​ടെ തി​രി​ച്ച​ട​വ് പൂ​ർ​ണ​മാ​യും ജ​ല അ​തോ​റി​റ്റി വ​ഹി​ക്കേ​ണ്ടി​വ​രും. ര​ണ്ടു​വ​ർ​ഷം ക​ഴി​യു​മ്പോ​ൾ ഏ​ക​ദേ​ശം 185 കോ​ടി രൂ​പ​യാ​ണ്​ പ്ര​തി​മാ​സം തി​രി​ച്ച​ട​വ് ക​ണ​ക്കാ​ക്കു​ന്ന​ത്. നൂ​റു കോ​ടി​യോ​ളം രൂ​പ​യി​ൽ താ​ഴെ പ്ര​തി​മാ​സ വ​രു​മാ​ന​മു​ള്ള ജ​ല അ​തോ​റി​റ്റി നി​ല​വി​ൽ ക​ടു​ത്ത സാ​മ്പ​ത്തി​ക പ്ര​തി​സ​ന്ധി​യി​ലൂ​ടെ​യാ​ണ് ക​ട​ന്നു​പോ​കു​ന്ന​ത്.

പ്ലാ​ൻ ഫ​ണ്ട​ട​ക്കം സ​ർ​ക്കാ​ർ ന​ൽ​കാ​ത്ത​തി​നാ​ൽ​ ദൈ​നം​ദി​ന ചെ​ല​വു​ക​ൾ​ക്ക​പ്പു​റം മ​റ്റൊ​ന്നി​നും പ​ണം നീ​ക്കി​വെ​ക്കാ​ൻ ക​ഴി​യാ​ത്ത സ്ഥി​തി​യാ​ണ്. ഇ​തി​നി​ടെ​യാ​ണ്​ 12,000 കോ​ടി രൂ​പ ഹ​ഡ്​​കോ, എ​ൽ.​ഐ.​സി, ന​ബാ​ർ​ഡ്​ എ​ന്നി​വ​യി​ൽ ഏ​തെ​ങ്കി​ലു​മൊ​രു ഏ​ജ​ൻ​സി​യി​ൽ​നി​ന്ന്​ ക​​ട​മെ​ടു​ക്കാ​നു​ള്ള​ തീ​രു​മാ​നം. ​ക​ട​മെ​ടു​പ്പ്​ വ്യ​വ​സ്ഥ​ക​ൾ ത​യാ​റാ​ക്കു​ന്ന​ത​ട​ക്കം പ്രാ​രം​ഭ​ന​ട​പ​ടി തു​ട​ങ്ങി​ക്ക​ഴി​ഞ്ഞു. 20 വ​ർ​ഷ​ത്തെ വാ​യ്​​പ ര​ണ്ട്​ വ​ർ​ഷ​ത്തെ മോ​റ​ട്ടോ​റി​യം സാ​ധ്യ​മാ​വു​ന്ന​വി​ധം ല​ഭ്യ​മാ​ക്കാ​നാ​ണ്​ നീ​ക്കം. ജ​ൽ ജീ​വ​ൻ മി​ഷ​ൻ ക​ണ​ക്​​ഷ​ൻ വ​ഴി ഉ​പ​ഭോ​ക്താ​ക്ക​ളി​ൽ​നി​ന്ന്​ ല​ഭി​ക്കു​ന്ന പ​ണം ക​ടം തി​രി​ച്ച​ട​വി​ന്​ ഉ​പ​യോ​ഗി​ക്കാ​മെ​ന്നും​ ക​ണ​ക്കു​കൂ​ട്ടു​ന്നു. ഇ​ത്ര ഉ​യ​ർ​ന്ന തു​ക ക​ട​മെ​ടു​ക്കാ​നു​ള്ള തീ​രു​മാ​നം ജീ​വ​ന​ക്കാ​രി​ൽ വ​ലി​യ പ്ര​തി​ഷേ​ധ​ത്തി​ന്​ കാ​ര​ണ​മാ​യി​ട്ടു​ണ്ട്.

2025 മാ​ർ​ച്ചി​ൽ കാ​ലാ​വ​ധി അ​വ​സാ​നി​ക്കു​ന്ന ജ​ൽ​ജീ​വ​ൻ മി​ഷ​ൻ കു​ടി​വെ​ള്ള പ​ദ്ധ​തി പൂ​ർ​ത്തീ​ക​രി​ക്കാ​നു​ള്ള സ​മ​യം 2026 മാ​ർ​ച്ച്​ വ​രെ നീ​ട്ടു​മെ​ന്ന പ്ര​തീ​ക്ഷ​യി​ലാ​ണ്​ സം​സ്ഥാ​നം. 44,714 ​​​കോ​ടി ചെ​ല​വ്​ ക​ണ​ക്കാ​ക്കു​ന്ന പ​ദ്ധ​തി​യി​ൽ 10,500 കോ​ടി രൂ​പ​മാ​ണ്​ കേ​ര​ളം ഇ​തു​വ​രെ ചെ​ല​വി​ട്ട​ത്.