പി. ​ര​വീ​ന്ദ്ര​ന്‍: കാലിക്കറ്റിനിത് 13ാം വി.സി

തേ​ഞ്ഞി​പ്പ​ലം: ശാ​സ്ത്ര​രം​ഗ​ത്തെ അ​ക്കാ​ദ​മി​ക മി​ക​വി​നാ​ല്‍ പ്ര​ശ​സ്ത​നാ​യ സീ​നി​യ​ര്‍ പ്ര​ഫ​സ​ര്‍ പി. ​ര​വീ​ന്ദ്ര​ന്‍ കാ​ലി​ക്ക​റ്റ് സ​ര്‍വ​ക​ലാ​ശാ​ല​യു​ടെ 13ാമ​ത് വൈ​സ് ചാ​ന്‍സ​ല​ര്‍. ഗ​വ​ര്‍ണ​ര്‍ ആ​രി​ഫ് മു​ഹ​മ്മ​ദ് ഖാ​ന്‍ നി​യ​മ​ന ഉ​ത്ത​ര​വി​റ​ക്കി​യ​തോ​ടെ വെ​ള്ളി​യാ​ഴ്ച വൈ​കീ​ട്ട് കാ​ലാ​വ​ധി അ​വ​സാ​നി​ച്ച വൈ​സ് ചാ​ന്‍സ​ല​ര്‍ ഡോ. ​എം.​കെ. ജ​യ​രാ​ജി​ല്‍നി​ന്ന് പു​തി​യ വി.​സി ചു​മ​ത​ല​യേ​റ്റെ​ടു​ത്തു. വി.​സി സ്ഥാ​ന​ത്തേ​ക്ക് സ്ഥി​ര​നി​യ​മ​നം ഉ​ണ്ടാ​കും​വ​രെ​യാ​ണ് ചു​മ​ത​ല. ര​ജി​സ്ട്രാ​ര്‍ ഡോ. ​ഇ.​കെ. സ​തീ​ഷ്, സി​ന്‍ഡി​ക്കേ​റ്റ്, സെ​ന​റ്റ് അം​ഗ​ങ്ങ​ള്‍ തു​ട​ങ്ങി​യ​വ​രു​ടെ സാ​ന്നി​ധ്യ​ത്തി​ലാ​യി​രു​ന്നു സ്ഥാ​നാ​രോ​ഹ​ണം.

പെ​രി​ന്ത​ല്‍മ​ണ്ണ പു​ലാ​മ​ന്തോ​ള്‍ സ്വ​ദേ​ശി​യാ​യ പൂ​വ​ത്തി​ന്‍തൊ​ടി​യി​ല്‍ ര​വീ​ന്ദ്ര​ന്‍ 2005 മു​ത​ല്‍ കാ​ലി​ക്ക​റ്റ് സ​ര്‍വ​ക​ലാ​ശാ​ല ര​സ​ത​ന്ത്ര പ​ഠ​ന​വ​കു​പ്പി​ല്‍ അ​ധ്യാ​പ​ക​നാ​ണ്. അ​മേ​രി​ക്ക, പോ​ർ​ചു​ഗ​ല്‍, ജ​ര്‍മ​നി എ​ന്നി​വി​ട​ങ്ങ​ളി​ലെ സ​ര്‍വ​ക​ലാ​ശാ​ല​ക​ളി​ല്‍ വി​സി​റ്റി​ങ് പ്ര​ഫ​സ​റു​മാ​ണ്. സെ​ന​റ്റ്, അ​ക്കാ​ദ​മി​ക് കൗ​ണ്‍സി​ല്‍ അം​ഗ​മാ​യ പ്ര​ഫ. ര​വീ​ന്ദ്ര​ന്‍ വ​കു​പ്പ് അ​ധ്യ​ക്ഷ​ന്‍, സ​യ​ന്‍സ് ഡീ​ന്‍, നാ​നോ​സ​യ​ന്‍സ് ആ​ൻ​ഡ് ടെ​ക്‌​നോ​ള​ജി കോ​ഓ​ഡി​നേ​റ്റ​ര്‍, കാ​ലി​ക്ക​റ്റി​ലും കൊ​ച്ചി​ന്‍ സ​ര്‍വ​ക​ലാ​ശാ​ല​യി​ലും പി.​ജി പ​ഠ​ന​ബോ​ര്‍ഡ് ചെ​യ​ര്‍മാ​ന്‍, മ​ഞ്ചേ​രി മെ​ഡി​ക്ക​ല്‍ കോ​ള​ജ് ഇ​ൻ​സ്റ്റി​റ്റ്യൂ​ഷ​ന​ല്‍ എ​ത്തി​ക്‌​സ് ക​മ്മി​റ്റി സ​യ​ന്റി​സ്റ്റ് അം​ഗം, സ​ര്‍വ​ക​ലാ​ശാ​ല ആ​സൂ​ത്ര​ണ സ​മി​തി, ഗ​വേ​ഷ​ക ഉ​പ​ദേ​ശ​ക സ​മി​തി അം​ഗം എ​ന്നീ സ്ഥാ​ന​ങ്ങ​ളി​ല്‍ പ്ര​വ​ര്‍ത്തി​ച്ചി​ട്ടു​ണ്ട്.