നടുവൊടിയും; നിർമാണ സാമഗ്രികൾക്ക് 15-20 ശതമാനം വരെ വിലക്കയറ്റം
text_fieldsകൊച്ചി: നിർമാണ സാധനങ്ങളുടെ വിലവർധന മൂലം സംസ്ഥാനത്തെ നിർമാണമേഖല പൂർണ സ്തംഭനത്തിലേക്ക്.
സിമൻറ്, ഇരുമ്പ്, ക്രഷർ മെറ്റൽ എന്നിവയുടെ വില കുതിച്ചുകയറി. 15-20 ശതമാനം വരെയാണ് ഓരോ നിർമാണ സാമഗ്രിയിലും വിലവർധന. ഡീസൽ വില ചരിത്രത്തിലെ ഏറ്റവും ഉയർന്ന നിരക്കിലെത്തിയതിന് പിന്നാലെയാണ് വൻ വിലക്കയറ്റം.
കമ്പി -58 ൽ നിന്ന് 75
ടാറ്റ ടിസ്കോൺ പ്രീമിയം ടി.എം.ടി ബാറിെൻറ വില 75 രൂപയായി. കിലോ 58 രൂപയിൽ നിന്നാണ് വർധന. ലോക്കൽ ബ്രാൻഡുകൾ കിലോ 44 രൂപയിൽനിന്ന് 62 രൂപയായും കൂടി.
ആംഗിൾ-സ്ട്രക്ചർ വില കിലോ 10-12 രൂപ, േപ്ലറ്റ്-ഷീറ്റ് കിലോ 8-10 രൂപ, ജി.പി-എം.എസ് പൈപ്പുകൾക്ക് കിലോ 15-20 രൂപ എന്നിങ്ങനെയാണ് വർധന.
എല്ലാ പ്രൈമറി, സെക്കൻഡറി ഇരുമ്പ്-സ്റ്റീൽ ഉൽപാദകരും കിലോക്ക് 10-12 രൂപ വരെ വില വർധിപ്പിച്ചിട്ടുണ്ട്
-കെ.എം. മുഹമ്മദ് സഗീർ(കേരള സ്റ്റീൽ ട്രേഡേഴ്സ് അസോസിയേഷൻ പ്രസിഡൻറ്)
സിമൻറ് -80 രൂപ കൂടും
സിമൻറ് ഒരു ബാഗിന് ബുധനാഴ്ച മുതൽ ശരാശരി 80 രൂപ കൂടും. പ്രീമിയം ബ്രാൻഡുകൾക്ക് 100 രൂപ, സാധാരണ ബ്രാൻഡുകൾക്ക് 60-80 രൂപ നിരക്കിലാണ് വില വർധന.
നിലവിൽ 330-340 രൂപയാണ് സിമൻറ് വില. ഇത് 400 രൂപയായി വർധിക്കും. സിമൻറ് വിലയിൽ 30 ശതമാനവും കടത്തുകൂലിയാണ്.
മെറ്റൽ -29 ൽ നിന്ന് 33
എറണാകുളം ജില്ലയിലെ ക്രഷറുകളിൽ മുക്കാലിഞ്ച് മെറ്റൽ വില അടിക്ക് 33 രൂപ. ഇത് നിർമാണ സ്ഥലത്തേക്ക് എത്തിക്കുേമ്പാൾ ശരാശരി 36-38 രൂപയാകും. 29-30 രൂപയിൽനിന്നാണ് വർധന. 90 അടി ശേഷിയുള്ള മിനി ലോറിയിൽ ഒരു ലോഡ് മെറ്റലിന് വില 3240 രൂപയാകും. മെറ്റൽ സാൻഡ് വില ക്രഷറുകളിൽ അടിക്ക് 41 രൂപയാണ്.
പെട്രോൾ-ഡീസൽ വില കുറഞ്ഞാലും നിർമാണ സാമഗ്രികളുടെ ഉൾപ്പെടെ ഉയർന്ന വില ഉടനെ താഴില്ല. ഇവയുടെ ഉൽപാദന െചലവ് ഉയർന്നുവെന്ന ന്യായമാണ് നിർമാതാക്കൾ ഉന്നയിക്കുന്നത്.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.